USD
EUR
RUB

Ո՞ւր ենք մենք

 

Երբ առաջին մարդն անկում ապրեց, և այդ լուրը երկինք հասավ, Աստված շտապեց փնտրելու կորուսյալ մարդուն: Ադամն ու Եվան երեկոյան, երբ լսեցին Տեր Աստծո՝ դրախտում շրջագայելու ոտնաձայնը, թաքնվեցին դրախտի ծառերի մեջ: Արդարև, հանցանք ունեցող մարդն է ամաչում երևալ: Բայց աստվածային անճառելի ներողամտությունն Ադամին զղջման հրավիրեց և հնչեց Աստծո ողորմության և սիրո ձայնը. «Ո՞ւր ես Ադամ»: Ուզում է ասել, թե՝ «Ես քեզ անմեղ ստեղծեցի, յոթնարփյան շնորհներով զարդարեցի, այժմ ո՞ւր մնացիր, ինչո՞ւ մերկացար այդ աստվածապարգև փառքից: Ո՞ւր էիր և ո՞ւր հասար»: Եղիշե պատմիչն իր «Մեկնութիւն արարածոց» գործի մեջ ասում է. «Աստված ողբում է՝ ասելով. «Ո՞ւր ես Ադամ», Իր այս հարցումով, կարծես Աստված ուզում է ասել՝ Ադամ, նայիր, ինչ փառքից դեպի ինչպիսի անարգություն ընկար: Երկնայինդ և անմահդ՝ երկրային և մահկանացու եղար: Ոչ դու քեզ խնայեցիր և ոչ էլ Իմ պատկերից պատկառեցիր»: «Ո՞ւր ես Ադամ». դարձի գալու հրավեր է, սթափեցնող հարց, սակայն Ադամը չսթափվեց, չզղջաց, իրեն զղջման շնորհին արժանի չհամարեց և ոչ տեղին պատասխաններ տվեց. «Լսեցի Քո ձայնն այստեղ՝ դրախտում, ամաչեցի, որովհետև մերկ էի և թաքնվեցի» (Ծննդոց 3:10): Ավելին, նա, Եվային մեղադրելով, Աստծո առջև ցանկացավ պատրվակներ բերել. «Այս կինը, որ տվեցիր ինձ, նա՛ տվեց ինձ ծառի պտղից, և ես կերա» (Ծննդոց 3:12): Երկինքն ու երկիրը սկսեցին հեռանալ իրարից. «Աստված դուրս հանեց Ադամին, բնակեցրեց բերկրության դրախտի դիմաց և հրամայեց քերովբեներին ու բոցեղեն սրին շուրջանակի հսկել դեպի կենաց ծառը տանող ճանապարհները» (Ծննդոց 3:24):

Ադամը երջանիկ էր, բայց իր անհնազանդությամբ ընկավ, և Աստծո հետ իր հարաբերությունը խզելով՝ իրեն և իր սերնդին մեղքի և թշվառության մեջ գցեց. «Մեկ մարդու պատճառով էր, որ մեղքն աշխարհ մտավ, և մեղքի պատճառով էլ աշխարհ մտավ մահը: Եվ այսպիսով, մահը տիրեց բոլոր մարդկանց, որովհետև բոլորն էլ մեղք գործեցին» (Հռոմ. 5:12): Բայց մեր Տերը՝ Հիսուս Քրիստոս՝ Երկրորդ Ադամը, փրկիչն ու ազատարարն է բոլոր նրանց, ովքեր ճշմարտապես հավատում են Նրան. «Նրանո՛վ միայն դուք կարող եք փրկվել: Աշխարհում Նա միակն է, որին Աստված տվեց մարդկանց, որպեսզի Նրա անունով մենք կարողանանք փրկվել» (Գործք Առաք. 4:12) և «Ինչպես Ադամից ծնվածները բոլորն էլ մեռնում են, այնպես էլ Քրիստոսից ծնվածները բոլորն էլ կենդանանալու են» (Ա Կորնթ.15:22):

Անցել են դարեր, Աստծո կողմից Ադամին ուղղված հարցը այսօր մեզ էլ է ուղղված՝ ո՞ւր եք մարդիկ: Աստված չի դադարում փնտրելու կորուսյալին, բայց չլինի թե մենք էլ Ադամի նման ոչ տեղին պատասխաններ տանք և անպատասխանատու լինենք մեր արածի համար: Աստված Իր այս հարցադրումով ինչպես Ադամին, այնպես էլ մեզ, հնարավորություն է տալիս ուղղվելու: Իսկ մենք կուղղվենք, թե՝ ոչ, դա արդեն մեր որոշելիքն է, քանի որ մեր Տերը բռնի ուժով չի գրավում մարդկանց սրտերը: Ինչպես Ս.

Օգոստինոսն է ասում. «Աստված քեզ ստեղծեց առանց կամքիդ, բայց առանց կամքիդ քեզ չի փրկում»:

Գայանե Սուգիկյան

Աղբյուր՝ Surbzoravor.am

Լրահոս
Ռազմիկ Դավոյան. Ինձ էլ աշխարհից մի բան հասավ «Մինչև ե՞րբ պիտի գամված մնաս, ո´վ ծույլ․․․» Սաղմոս ՃԽԲ Հին Թիֆլիսի երգիչը ՀՀ տարածում Հնագիտության և ազգագրության ինստիտուտի արշավախումբը փաստագրել է մոտ 100 վիշապաքար Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել
website by Sargssyan