USD
EUR
RUB

Հիվանդության համար տրվող երկնային վարձքը

 

- Ինչպե՞ս է մայրդ:

- Վատ է, Հա՛յր: Ժամանակ առ ժամանակ ջերմությունը շատ է բարձրանում և դա նրան անտանելի ցավ է պատճառում: Նրա մաշկը ճաքում է, պատվում վերքերով և գիշերները չի կարողանում քնել:

- Գիտես այդպիսի մարդիկ մարտիրոսներ են: Եթե ոչ ամբողջովին, ապա կիսով չափ՝ հաստատ:

- Հա՛յր, նրա ողջ կյանքը մի ամբողջ տառապանք է:

- Նշանակում է այն վարձքը, որ կստանա, կրկնապատիկ կլինի: Գիտե՞ս, թե որքան է ստանալու: Դրախտը երաշխավորված է: Տեսնելով, որ մարդ կարող է ծանր հիվանդությանը դիմանալ, Քրիստոս տալիս է նրան այդ հիվանդությունն այնպես, որպեսզի երկրային կյանքի փոքր տառապանքի դիմաց` մեծ վարձք ստանա երկնային հավիտենական կյանքում: Նա տառապում է այստեղ, բայց վարձքն այնտեղ կստանա, այն կյանքում, որովհետև կա Դրախտ և կա վարձատրություն (վշտերի համար):

Այսօր հիվանդ երիկամներով մի կին էր եկել: Արդեն երկար տարիներ նա հեմոդիալիզի* է գնում: «Հա՛յր,- խնդրեց նա ինձ,- խնդրում եմ խաչակնքեք ձեռքս: Երակներիս վրա մի ողջ տեղ չի մնացել և նույնիսկ նորմալ հեմոդիալիզ չեմ կարողանում անել»: «Ձեռքերիդ այդ վերքերը,- ասացի,- մյուս կյանքում ավելի թանկարժեք ադամանդների կվերածվեն, քան այս աշխարհիններն են: Քանի՞ տարի ես հեմոդիալիզի գնում»: «Տասներկու»,- պատասխանեց նա: «Նշանակում է,- ասացի նրան,- դու նաև (հոգևոր) «միանվագ նպաստի» և «նվազագույն թոշակի» իրավունք ունես»: Այնուհետև նա մյուս ձեռքի վերքը ցույց տվեց և ասաց. «Հա՛յր, այս վերքը չի փակվում: Դրա միջով ոսկորը երևում է»: «Այո,- պատասխանեցի ես,- բայց դրա միջով նաև Երկինքն է երևում: Դիմացիր, քեզ համբերություն եմ մաղթում: Աղոթքով խնդրում եմ, որպեսզի Քրիստոս ավելացնի քո մեջ Իր սերը և դու մոռանաս ցավի մասին: Իհարկե կարող եմ ուրիշ բան էլ մաղթել քեզ՝ որ քո ցավը մեղմանա, բայց այդ ժամանակ կանհետանա նաև մեծ վարձքը: Հետևաբար, այն ինչ սկզբում մաղթեցի քեզ՝ ավելի լավ է»: Խեղճ կինը մխիթարություն գտավ այդ բառերի մեջ:

Երբ մարմինը փորձությունների է մատնվում, հոգին սրբագործվում է: Հիվանդությունից տառապում է մարմինը՝ մեր կավե տնակը, բայց դրանից հավիտենական ուրախություն է ստանում այդ տնակի տերը՝ մեր հոգին, այն երկնային դղյակում, որ Քրիստոս պատրաստում է մեզ համար: Այդ հոգևոր տրամաբանության համաձայն, որն անտրամաբանական է այս աշխարհի մարդկանց համար, ես նույնպես ուրախանում ու պարծենում եմ իմ ունեցած ֆիզիկական հիվանդություններով ու արատներով: Միակ բանը, որի մասին չեմ մտածում, դա այն է, որ երկնային վարձքի պիտի արժանանամ: Ես (իմ ցավն) այսպես եմ հասկանում, որ (դրա միջոցով) ես Աստծո նկատմամբ իմ երախտամոռության մեղքն եմ քավում, քանի որ պատշաճ կերպով չեմ պատասխանել Նրա մեծագույն պարգևներին ու բարեշնորհություններին: Չէ՞ որ իմ ողջ կյանքը մի ամբողջ (հոգևոր) խնջույք է՝ և՛ իմ վանականությունը, և՛ իմ հիվանդությունները: Աստված ամեն հարցում ինձ մարդասիրաբար և մեծահոգաբար է վերաբերվում: Սակայն աղոթեցեք, որպեսզի Նա այդ ամենը (միայն) իմ այս կյանքի հաշվին չգրանցի, որովհետև այդ ժամանակ վա՜յ ինձ, վա՜յ: Քրիստոս ինձ մեծագույն պատիվ արած կլիներ, եթե հանուն Նրա սիրո ես էլ ավելի տառապեի: Միայն թե Նա ինձ այնպես ամրացնի, որպեսզի կարողանամ դիմանալ (այդ ցավին): Իսկ փոխհատուցում ինձ հարկավոր չէ:

Երբ մարդու մոտ ամեն բան կարգին է առողջության հարցում, ապա դա նշանակում է, որ նրա մոտ ինչ-որ բան այն չէ: Ավելի լավ է ինչ-որ հիվանդություն ունենա: Ես իմ հիվանդությունից այնպիսի օգուտ եմ ստացել, ինչպիսին խիստ ճգնավորությունից անգամ չեմ ստացել, որ արել եմ մինչև հիվանդանալը: Այդ պատճառով էլ ասում եմ, որ եթե մարդ պարտավորություններ չունի (ուրիշների հանդեպ), ապա ավելի լավ է հիվանդություններն առողջությունից գերադասի: Մարդ պարտք է մնում առողջ լինելով, իսկ ահա հիվանդությունից վարձք կստանա, եթե համբերությամբ դիմանա դրան: Երբ ես ընդհանրական մենաստանում էի ապրում**, մի անգամ այնտեղ մի շատ ծեր եպիսկոպոս եկավ՝ Հիերոթեոս անունով: Նա հանգստի էր անցել և Սուրբ Աննայի անապատում էր ճգնում: Երբ նա ձի հեծնեց մեկնելիս, տաբատի փողքերը վեր բարձրացան և բոլորը տեսան նրա սարսափելի այտուցված ոտքերը: Նրան օգնող վանականներն ուղղակի սարսափեցին: Եպիսկոպսը, դա հասկանալով, ասաց. «Սրանք ամենալավ պարգևներն են, որ Աստված շնորհել է ինձ: Ես խնդրում եմ Աստծուն, որպեսզի չվերցնի դրանք ինձանից»:

* Հեմոդիալիզ - «արհեստական երիկամ» սարքի միջոցով արյան դիալիզ և ուլտրաֆիլտրացում:

** Էսֆիգմեն մենաստանում 1953-1955թթ.:

Պաիսիոս Աթոսացու «Ընտանեկան կյանք» գրքից

Ռուսերենից թարգմանությունը՝ Էմիլիա Ապիցարյանի

Աղբյուր՝ Surbzoravor.am

Լրահոս
«Օնեգինը»՝ ռուսական թատրոնի բեմում Հրաչյա Թամրազյան. Հետքեր Ագահը Ալադինին մարմնավորած Մենա Մասուդը՝ «մեկ դերի գերի» Փարաջանով-Փելեշյան ալգորիթմը նույնչափ կարեւոր է, ինչպես Մաշտոցի այբուբենը Հրատարակվել է Իրինա Բարսեղյան-Կրպեյանի մենագրության անգլերեն թարգմանությունը Արամի 23 -ի հարևանությամբ ապօրինի քանդման աշխատանքները կասեցված են Հրաչյա Թամրազյանի մտերիմներն ու գործընկերները ցերեկույթով նշեցին նրա տարեդարձը Գոգենի կտավը վաճառվել է 9,5 միլիոն եվրոյով «Եվրոպայի ընտրությունը» տիտղոսը Հայաստանինն է Վիլյամ Սարոյան. Գյուղացին Հայաստանն ու Բելառուսը մշակութային նոր կամուրջներ կկառուցեն. հուշագիր պատմության թանգարանների միջև Վահան Թեքեյան․ Իմ գյուղը Ռուբեն Հովսեփյան. «Ոսկու շուկայում» Հովհան Ոսկեբերանի ճառն այն մասին, որ, ինչպես ցույց են տալիս սրբերի օրինակները, չկա որևէ առաքինություն, որը չարիք է բերում Գոգենի կտավն աճուրդում վաճառվել է 9,5 մլն եվրոյով Դերասանուհի Հելեն Միրենը պատվավոր «Ոսկե արջ» կստանա Բեռլինալեում Ավիշայ Քոենի և Սիմֆոնիկ նվագախմբի ինքնատիպ համերգը կնվիրվի Լևոն Մալխասյանի 75-ամյակին Կենտրոնական Եվրոպայի Հայրապետական Պատվիրակ Տեր Տիրան եպիսկոպոս Պետրոսյանը հովվական այցով գտնվեց Շվեդիայի Գոթենբուրգ քաղաքում Ջեքսոնի երգերը գործիքավորելիս օգտագործվել է նաև դուդուկ Ռուբեն Էլբակյանը մենահամերգ է ունեցել Փարիզի պատմական Լա Մադլեն եկեղեցում Կյանքից հեռացել է բալետի արտիստ Մաքսիմ Մարտիրոսյանը ԶՈՒ ԳՇ ռազմանվագախմբային ծառայությունը նշել է կազմավորման տարեդարձը Նիկոլայ Նիկողոսյանի գրաֆիկական աշխատանքները կներկայացվեն Մոսկվայում «Աստծո վրա դրի իմ հույսը և վախ չունեմ, մարդն ինձ ի՞նչ կարող է անել» Վահագն Մուղնեցյան․ Աղոթք Սոնա Վան․ Ադամի արարումը «Հովեր» պետական կամերային երգչախումբը հյուրախաղերով հանդես է եկել Գերմանիայում և Բելգիայում Հնագույն շրջանից մինչև մեր օրեր. ներկայացվեց հայկական որմնանկարչությանը նվիրված ժողովածու Արցախի պետական պատմաերկրագիտական թանգարանն 80 տաեկան է Վահագն Դավթյան․ Համո Սահյանին Վահան Տերյան․ Մենության խավար զնդանից կրկին Սբ. Բեռնարդոս, «Մարիամի՝ Տիրոջ աղախնու խոնարհությունը» «Ռեվյու» հաղորդման հյուրն է Գերաշնորհ Տեր Միքայել Արքեպիսկոպոս Աջապահյանը Մարվեց նամականիշով նոր գեղաթերթիկ՝ նվիրված «Մեծանուն հայեր. Կոմիտասի ծննդյան 150-ամյակը» թեմային Դավիթ Սահակյանց. Ես կողմ եմ այդ տեսակ ցենզուրայի Ազգային գրադարանը ցուցահանդեսով շնորհավորեց Գրողների միության 85-ամյակը Նվիրում Շնիտկեին «Սառը սիրտ 2» մուլտֆիլմը դրամամուտքերի ռեկորդ Է սահմանել տոնական հանգստյան օրերին «Կոմիտասյան գոհարները ոչ ոք չի խլի, եթե ինքներս չկորցնենք դրանք»
website by Sargssyan