USD
EUR
RUB

Unison Duet-ը բացառիկ համերգ կունենա՝ ուղղված սահմանամերձ գյուղերի հոգեւոր զարթոնքին

 

ԵՐԵՎԱՆ, 2 ՕԳՈՍՏՈՍԻ, Aravot.am: «Ծրագիրը գործում է չորս տարի, երեք տարի է զբաղվում ենք սահմանամերձ գյուղերի երաժշտական դպրոցների աջակցությամբ: Անցյալ տարի Աչաջուր գյուղում առաջին անգամ բացվեց ջութակի դասարան, 12 հոգանոց ջութակի դասարանը ապահովեցինք գործիքներով, հոգացինք ծախսերը: Ուրախալի է, որ մեզ միանում են գյուղապետարանները»,-«Արմենպրեսի» մամուլի սրահում կայացած ասուլիսում հայտնեց Լոս Անջելեսի Unison Duet Music Production-ի համահիմնադիր, դաշնակահարուհի Շուշան Հակոբյանը:

Նաեւ տեղեկացրեց, որ ամեն տարի դրամահավաք են իրականացնում, այս տարի կազնակերպել են համերգներ Լոս Անջելեսում, Մոսկվայում, երրորդ համերգն էլ կկայանա օգոստոսի 4-ին, Կոմիտաս թանգարան-ինստիտուտում՝ Unison Duet-ի եւ մի շարք ճանաչված երաժիշտների հետ՝ «Պահենք հայկական սահմանները հոգեպես ամուր» ծրագրի շրջանակում:

Ծրագրի շարունակությունը կլինի Լուսաձոր եւ Ազատամուտ գյուղերում ջութակի դասարանների հիմնումը:

«Ինձ համար կարեւոր է աջակցել երեխաներին, մենք էլ ենք այդ ճանապարհով անցել… Գիտենք, թե ինչ դժվար է ոչ մայրաքաղաքում զբաղվել արվեստով»,- հայտնեց ՀՀ վաստակավոր արտիստ, տենոր Հովհաննես Այվազյանը՝ կարեւորելով ծրագրի իրականացումը:

«Մեկ տարվա ընթացքում Աչաջուրում ունեցանք ջութակի բաժին, արդեն ունենք հաջողություններ, Աչաջուրի դպրոցի ջութակի դասարանի սաները մեզ հետ ելույթ կունենան այս համերգին»,- հայտնեց Unison Duet Music Production-ի համահիմնադիր, ջութակահար եւ կոմպոզիտոր Ռուբեն Աղիյանը, որը կարեւորում է սահմանամերձ շրջաններում՝ երեխաներին դասական երաժշտությանը հաղորդակից դարձնելը եւ նրանց կրթության որակը:

Նրա ձեւակերպմամբ, ջութակին ավելացել է դաշնամուրային ծրագիրը, առաջիկայում նախատեսված է նաեւ կենտրոններում բացել թավջութակի, ալտի, կիթառի եւ այլ դասընթացներ: Իրենք տրամադրում են գործիքները, գրականությունը, աշխատում են ուսուցիչների հետ, վճարում են դասատուների աշխատավարձերը, երեխաների վարձերը:

Unison Duet Music Production-ի համահիմնադիրները տեղեկացրին, որ մյուս գյուղերը, տեսնելով Աչաջուրի հաջողված օրինակը, պատրաստ են միջոցներ գտնել եւ միանալ իրենց:

«Քանի որ ընկերներ ենք Շուշանի եւ Ռուբենի հետ, հենց հուլիսը մոտենում է, անհամբեր սպասում ենք նրանց վերադարձին, որպեսզի կարողանանք մեր փոքրիկ ներդումը կատարել այս աստվածահաճո գործին»,-ասաց ՀՀ վաստակավոր արտիստուհի, սոպրանո Իրինա Զաքյանը:

Նյու Յորքից պրոֆեսոր Վագո Օհանյանը, որ արդեն 25 տարի դասավանդում է, ասում է՝ փորձը ցույց է տալիս, որ ոչ բոլորը պետք է դառնան երաժիշտներ, օպերային երգիչներ ու հանդես գան, ասենք Քարնեգի հոլում, բայց մեծ մասը հաստատ կլինեն բարի, կրթված, գեղագետ մարդիկ ու լավ քաղաքացիներ:

Հավելենք, որ համերգին մասնակցում է ոչ միայն Unison Duet-ը, այլեւ անվանի երգիչներ Իրինա Զաքյանը, Հովհաննես Այվազյանը, Վագո Օհանյանը, Արսեն Սողոմոնյանը, Տիգրան Օհանյանը, Լևոն Առաքելյանը, Ռուզաննա Թովմասյանը եւ այլք։

Գոհար ՀԱԿՈԲՅԱՆ

Լուսանկարները՝ Unison Duet-ի ֆեյսբուքյան էջից

Լրահոս
«Օնեգինը»՝ ռուսական թատրոնի բեմում Հրաչյա Թամրազյան. Հետքեր Ագահը Ալադինին մարմնավորած Մենա Մասուդը՝ «մեկ դերի գերի» Փարաջանով-Փելեշյան ալգորիթմը նույնչափ կարեւոր է, ինչպես Մաշտոցի այբուբենը Հրատարակվել է Իրինա Բարսեղյան-Կրպեյանի մենագրության անգլերեն թարգմանությունը Արամի 23 -ի հարևանությամբ ապօրինի քանդման աշխատանքները կասեցված են Հրաչյա Թամրազյանի մտերիմներն ու գործընկերները ցերեկույթով նշեցին նրա տարեդարձը Գոգենի կտավը վաճառվել է 9,5 միլիոն եվրոյով «Եվրոպայի ընտրությունը» տիտղոսը Հայաստանինն է Վիլյամ Սարոյան. Գյուղացին Հայաստանն ու Բելառուսը մշակութային նոր կամուրջներ կկառուցեն. հուշագիր պատմության թանգարանների միջև Վահան Թեքեյան․ Իմ գյուղը Ռուբեն Հովսեփյան. «Ոսկու շուկայում» Հովհան Ոսկեբերանի ճառն այն մասին, որ, ինչպես ցույց են տալիս սրբերի օրինակները, չկա որևէ առաքինություն, որը չարիք է բերում Գոգենի կտավն աճուրդում վաճառվել է 9,5 մլն եվրոյով Դերասանուհի Հելեն Միրենը պատվավոր «Ոսկե արջ» կստանա Բեռլինալեում Ավիշայ Քոենի և Սիմֆոնիկ նվագախմբի ինքնատիպ համերգը կնվիրվի Լևոն Մալխասյանի 75-ամյակին Կենտրոնական Եվրոպայի Հայրապետական Պատվիրակ Տեր Տիրան եպիսկոպոս Պետրոսյանը հովվական այցով գտնվեց Շվեդիայի Գոթենբուրգ քաղաքում Ջեքսոնի երգերը գործիքավորելիս օգտագործվել է նաև դուդուկ Ռուբեն Էլբակյանը մենահամերգ է ունեցել Փարիզի պատմական Լա Մադլեն եկեղեցում Կյանքից հեռացել է բալետի արտիստ Մաքսիմ Մարտիրոսյանը ԶՈՒ ԳՇ ռազմանվագախմբային ծառայությունը նշել է կազմավորման տարեդարձը Նիկոլայ Նիկողոսյանի գրաֆիկական աշխատանքները կներկայացվեն Մոսկվայում «Աստծո վրա դրի իմ հույսը և վախ չունեմ, մարդն ինձ ի՞նչ կարող է անել» Վահագն Մուղնեցյան․ Աղոթք Սոնա Վան․ Ադամի արարումը «Հովեր» պետական կամերային երգչախումբը հյուրախաղերով հանդես է եկել Գերմանիայում և Բելգիայում Հնագույն շրջանից մինչև մեր օրեր. ներկայացվեց հայկական որմնանկարչությանը նվիրված ժողովածու Արցախի պետական պատմաերկրագիտական թանգարանն 80 տաեկան է Վահագն Դավթյան․ Համո Սահյանին Վահան Տերյան․ Մենության խավար զնդանից կրկին Սբ. Բեռնարդոս, «Մարիամի՝ Տիրոջ աղախնու խոնարհությունը» «Ռեվյու» հաղորդման հյուրն է Գերաշնորհ Տեր Միքայել Արքեպիսկոպոս Աջապահյանը Մարվեց նամականիշով նոր գեղաթերթիկ՝ նվիրված «Մեծանուն հայեր. Կոմիտասի ծննդյան 150-ամյակը» թեմային Դավիթ Սահակյանց. Ես կողմ եմ այդ տեսակ ցենզուրայի Ազգային գրադարանը ցուցահանդեսով շնորհավորեց Գրողների միության 85-ամյակը Նվիրում Շնիտկեին «Սառը սիրտ 2» մուլտֆիլմը դրամամուտքերի ռեկորդ Է սահմանել տոնական հանգստյան օրերին «Կոմիտասյան գոհարները ոչ ոք չի խլի, եթե ինքներս չկորցնենք դրանք»
website by Sargssyan