«Դրախտի դարպասը» ֆիլմի պրեմիերան՝ հոկտեմբերին

«Դրախտի դարպասը» ֆիլմի պրեմիերան՝ հոկտեմբերին

ԵՐԵՎԱՆ, 2 ՕԳՈՍՏՈՍԻ, Panorama.am: Արդեն երեք տարի է ռեժիսոր Ջիվան Ավետիսյանի «Դրախտի դարպասը» ֆիլմն իր ստեղծման ընթացքի մեջ է։ Մինչ պրեմիերան, «Դրախտի դարպասը» ֆիլմի թիմ ներկայացրել է թրեյլերը։ Ֆիլմի ֆեյսբուքյան էջից տեղեկանում ենք, որ 2019-ի հոկտեմբերին «Դրախտի դարպասը» ֆիլմի պրեմիերան կլինի Երևանում և Ստեփանակերտում, իսկ 2020-ի մարտին՝ Լոս Անջելեսում։

Ֆիլմի մասին. Գերմանացի լրագրող Ռոբերտ Ստերնվալը (50 տարեկան) 2016թ․-ին վերադառնում է Արցախ՝ լուսաբանելու քսաներկու տարվա ընդմիջումից հետո վերսկսված պատերազմը։ Լրագրողական հետաքննության արդյունքում ծանոթանում է երիտասարդ օպերային երգչուհի Սոֆիա Մարտիի (35 տարեկան) հետ։ Ռոբերտի և Սոֆիայի հաճախակի հանդիպումները արթնացնում են փոխադարձ սիրո զգացմունքը, սակայն պարզվում է, որ Սոֆիան անհայտ կորած ֆոտոլրագրող Էդգար Մարտիրոսյանի աղջիկն է, ում 1992թ․ին՝ Թալիշի անկման օրը, Ռոբերտը թողել է գյուղում՝ գերեվարության մեջ, ապա յուրացրել նրա՝ մարտի դաշտում արված լուսանկարները…

Ֆիլմի գլխավոր օպերատորը լիտվացի Ռիտիս Կուրկուլիսն է։ «Դրախտի դարպասը» ֆիլմում օպերային երգիչ Ժան Բեռնարի կերպարը մարմնավորում է լիտվացի հայտնի դերասան Լեո Պոբեդոնոսցևասը:

«Դրախտի դարպասը» Հայաստան, Լիտվա, Ֆինլանդիա, Ֆրանսիա համատեղ արտադրության ֆիլմ է։

Հետևեք մեզ նաև Telegram-ում