USD
EUR
RUB

Հովհան Ոսկեբերան. Եկեղեցի գնալու հորդոր

 

Ի՞նչ եք կարծում` ես վշտանում եմ` հիշելով, թե տոնակատարության օրը ծովի ընդարձակ ջրերին նմանվող բազմություն էր հավաքվել, իսկ այժմ դրա փոքր մասն անգամ չկա: Որտե՞ղ են հիմա նրանք, ովքեր սեղմում էին մեզ տոնակատարության ժամանակ: Լսում եմ, թե ինչպես են շատերը պատճառաբանում շոգը` ասելով. «Խեղդող, անտանելի շոգ է, մենք չենք կարող դիմանալ շոգից ու խտությունից ուժասպառ եղած և քրտինքով ողողված ամբոխի խտությանը»: Ես ամաչում եմ այդպիսի մարդկանց համար, ճիշտն ասած, այդ պատրվակները բավարար չեն նույնիսկ նրանց արդարացման համար, ում մարմինը նուրբ է և տկար:

Մի՞թե դատապարտելի չեն այդպիսի արդարացումները, չէ՞ որ սրբերը, գտնվելով կրակների, տիղմի մեջ, բանտերում, կոճղերի ու վերքերի մեջ, կալանքի տակ ու անտանելի դժվարությունների մեջ, երբեք նման պատճառաբանություն չարեցին, այլ մեծ պատրաստակամությամբ և բոցավառ եռանդով, միշտ աղոթքի ու սուրբ երգեցողության մեջ էին, իսկ մենք, ոչ մի դժվարություն չկրելով, փոքր-ինչ տոթի, շոգի ու քրտինքի պատճառով արհամարհում ենք մեր անձնական փրկությունը և թողնելով այստեղի հավաքները` թափառում ենք դրսում` ապականվելով անառողջ հավաքներում: Քրիստոս ասում է. «Իսկ այն ջուրը, որ ես նրան տալու եմ, նրա մեջ կլինի բխող ջրի աղբյուր հավիտենական կյանքի համար» (Հովհ. 4:14), և նորից. «Ով ինձ հավատում է, - ինչպես Գիրքն է ասում, - նրա ներսից կենդանի ջրի գետեր պիտի բխեն» (Հովհ. 7:38): Դու, հոգևոր աղբյուրներ ու գետեր ունենալով հանդերձ, վախենում ես զգայական շոգից: Իսկ շուկայում, որտեղ այդքան աղմուկ է, նեղվածք և տոթ, ինչո՞ւ չես տրտնջում խեղդոցից և շոգից: Այդ պատճառաբանությունները գալիս են անհոգությունից, հոգու անփութությունից և Սուրբ Հոգու զորությունից զրկվելուց: Մի՞թե չես ամաչում հրեաներից, ովքեր այդպես ճշտորեն պահում են շաբաթը և երեկոյից սկսած` դադարեցնում են բոլոր աշխատանքները:

Նրանք ուրբաթ օրը, երբ տեսնում են, որ արևը թեքվում է դեպի արևմուտք, դադարեցնում են պայմանագրերը, ավարտում առևտուրը: Իսկ եթե մեկը նրանցից որևէ բան էր գնել և երեկոյան վերադարձնում է գումարը, ապա նրանք իրենց թույլ չեն տալիս ստանալ արծաթը, նրանց համար լավ է զրկվել գանձերից, քան խախտել օրենքը: Այսպիսի ճշգրտությամբ են հրեաները պահում օրենքը, որը նրանց ոչ մի օգուտ չի բերում, այլ նույնիսկ վնասում է, իսկ դու, որ առավել բարձր ես կանգնած ստվերից, որ արժանացար տեսնել Ճշմարիտ Արեգակին, սլանում ես դեպի երկնային կյանքը, ընդունել ես ճշմրտությունը, չես ցուցաբերում նույնիսկ այնպիսի եռանդ, ինչպես վատ գործերի մեջ` ջանասերները, բայց կանչված լինելով օրվա այս կարճ հատվածում` չես ցանկանում նույնիսկ այդ կարճ ժամանակահատվածն օգտագործել աստվածային խոսքեր լսելու համար:

Ինչպե՞ս կարող ես ներում ստանալ, ինչպիսի՞ հիմնավոր և իրավացի արդարացում կարող ես ունենալ: Անհնար է այդքան անհոգ ու անփույթ լինելով հանդերձ` երբևէ ներում ստանալ, թեկուզ հազար անգամ պատճառաբանելով կենցաղային գործերի անհրաժեշտությունը: Մի՞թե չգիտես, որ եթե գաս եկեղեցի՝ աղոթելու Աստծուն, ձեռնարկած գործերդ ավելի հաջող ընթացք կունենան: Եթե կենցաղային գործեր ունես, ապա եկեղեցի գնա, որպեսզի քո ներկայությամբ ձեռք բերելով Աստծո բարեհաճությունը` ապահով դուրս գաս այդտեղից՝ օգնական ունենալով Աստծուն և աստվածային ձեռքի օգնությամբ դևերի համար անհաղթահարելի դառնալով: Եթե օգտվում ես հայրերի աղոթքներից, մասնակցություն ես ունենում ընդհանրական աղոթքին, լսում ես աստվածային խոսքեր, Աստծո օգնությունն ես ստանում և դուրս ես գալիս այդտեղից՝ աստվածային զենքերով պաշտպանված, այդ ժամանակ սատանան այլևս չի համարձակվի հայացք գցել քեզ վրա, էլ չեմ խոսում չար մարդկանց մասին, որոնք ջանում են չարախոսել և զրպարտել քեզ: Եթե դուրս գաս տնից առանց այդ զենքերի, այդ ժամանակ հեշտությամբ կկորսվես բոլոր թշնամիներից: Եվ հոգևոր գործերն անտեսելու պատճառով էլ կենցաղային, հասարակական ու անձնական շատ գործեր մեր ցանկությամբ չեն ընթանում: Բայց մենք խախտել ենք կարգը, դրանից էլ մեր գործերի ճիշտ ընթացքը խախտվել է, և այդ ամենը մեզ մոտ մեծ շփոթություն է առաջացրել: Հնարավոր չէ հասարակական այլ հավաքներից ու գործերից ավելի օգուտ ստանալ, լինեն դրանք դատարաններ, խորհրդակցության վայրեր կամ նույնիսկ թագավորական պալատ, քան այստեղ ներկա գտնվելուց: Այստեղ եկողներին չենք վարդապետում ո՛չ ժողովուրդներ, ո՛չ քաղաքներ կառավարելու և ո՛չ էլ զորքեր ղեկավարելու իշխանության մասին, այլ ուրիշ իշխանության՝ թագավորի իշխանությունից առավել կարևոր, ոչ թե մենք ենք վարդապետում, այլ Սուրբ Հոգու շնորհը: Ի՞նչ իշխանություն են ստանում այստեղ եկողները, որն առավել կարևոր է նույնիսկ թագավորի իշխանությունից: Այստեղ սովորում են իշխել ամոթալի կրքերին, թագավորել վավաշոտության ախտին, զսպել բարկությունը, ոչնչացնել նախանձը, հպատակեցնել սնափառությունը: Այնքան կարևոր չէ թագավորական գահին նստած և թանկարժեք գլխազարդով պատված թագավորը, որքան մարդը, ով ինքն իր մեջ իշխանության գահին է բազմեցնում առողջ բանականությանը՝ իշխելու ստրկական կրքերին և զարդարում է իր գլուխը դրանց հանդեպ տերությամբ, ինչպես փայլփլուն թագավորական գլխազարդով: Ի՞նչ օգուտ կա ծիրանագույն, ոսկեղեն հագուստներից և թանկագին քարերով պսակներից, երբ հոգին կրքերի գերի է: Ի՞նչ օգուտ կա արտաքին ազատությունից, երբ մեր իշխելու ընդունակությունը՝ միտքը, ստրկանում է ամոթալի և թշվառ ձևով: Երբ տենդը թաքնվում է մարմնի ներսում և այրում ամբողջ մարմինը, թեև նրա արտաքին մակերեսը պահպանում է իր նախկին տեսքը, սակայն ոչ մի օգուտ չի կարող տալ մարդուն, այդպես էլ երբ հոգին պատառոտվում է ներքին կրքերից, օգուտ չկա ո՛չ արտաքին իշխանությունից, ո՛չ թագավորական գահից, երբ միտքը տապալվում է կրքերի հանդեպ ունեցած իշխանության գահից, ենթարկվում է այդ կրքերին և վախենում դրանց բռնկումից: Որպեսզի դա տեղի չունենա, մարգարեներն ու առաքյալներն ամեն կողմից գալիս են օգնության՝ հպատակեցնելու մեր կրքերը, դուրս նետելու մեզանից ամեն տեսակի անմտություն և մեզ տալիս թագավորությունից ավելի կարևոր իշխանություն: Այդ պատճառով էլ ասում եմ, որ իրեն այդպիսի հոգատարությունից զրկողը մահացու վերքեր է ստանում՝ ենթարկվելով վնասների, իսկ այստեղ եկողներն այնպիսի օգուտ են ստանում, ինչպիսին չեն կարող ստանալ ուրիշ ոչ մի բանից:

Ռուսերենից թարգմանեց Գայանե ԹԵՐԶՅԱՆԸ

Աղբյուր՝ «Շողակն Արարատյան» երկշաբաթաթերթ

Լրահոս
Ամփոփվեց մանկագիրների և նկարազարդողների մրցույթը. ներկա էր Նունե Սարգսյանը «Պատգամ» հոբելյանական երեկո՝ նվիրված Սոս Սարգսյանի ծննդյան 90-ամյակին Եղիշե Չարենց. Այրած երգեր Կոմիտասյան հոբելյանական համերգ Հռոմում Համո Սահյան․ Ես կուզեի․․․ Սուրբ Հակոբ Մծբնեցի հայրապետ. հոգեշահ քարոզիչը «Ավետիսը» աշխարհահռչակ դաշնակահարին հրավիրել է Երեւան Հովհննես Երանյան․ Գորտը, կամ սցենար նկարահանված ֆիլմի համար Վիլյամ Սարոյան. Այդ օրը Հայաստան են ժամանում միջազգային կինոարտադրության ոլորտում փորձառու և անվանի կինոգործիչներ 44 000 տարվա պատմություն. Ինդոնեզիայում հայտնաբերվել են մարդկանց կողմից արված հնագույն որմնանկարները Երևանի պետական կամերային երգչախումբը վեցերորդ համերգով ամփոփեց Կոմիտասին նվիրված ելույթները Ամենայն Հայոց Կաթողիկոսը ողջունել է ԱՄՆ Սենատի բանաձևը Հայոց Ցեղասպանության վերաբերյալ Ամանորի տոներին մի շարք թատրոններ ու թանգարաններ կաշխատեն «Պետք է գնա­հա­տել, սի­րել մեր կող­քին ապ­րող կոմ­պո­զի­տո­րին» «Ինչ ցան­կա­նում եք, որ մար­դիկ ձեզ ա­նեն, նույնն էլ դուք ա­րեք նրանց» Աղոթքը «դատ է դատաստանից առաջ» Չաքմաքչյանի «Քայլող մարդը» հնարավոր է տեղադրվի Հյուսիսային պողոտայի՝ Աբովյան փողոցին հարող տարածքում Թումանյանը՝ հայերեն և վրացերեն. Թբիլիսիում լույս է տեսել միանգամից երեք գիրք Մաքսիմ Վենգերով. Հայաստանը գալը նշանակալի և հաճելի իրադարձություն է Հովհաննես Թումանյան. Երկինք ու երկիր Սամվել Սևադա․ Ահա և վերջի սկիզբը․․․ Յուսուպ Ռազիկովի «Սուսերով պար» ֆիլմի հայաստանյան մեծ պրեմիերան՝ վաղը Օրհնեցե՛ք Տիրոջ անունը Տիրոջ տանը գտնվողներ «Հայաստանի Հանրապետություն» օրաթերթ. Ո՞րն էր Չարենցի ու Բակունցի միջեւ տարաձայնության պատճառը Ջութակահար Դիանա Ադամյանը՝ «Համագործակցության դեբյուտներ» միջպետական մրցանակի դափնեկիր Հովհաննես Երանյան. Երեք ամիս հետո Պոլսոյ Պատրիարք դառնալու աւելի մեծ հնարաւորութիւն ունի Սահակ Սրբազան Մաշալեանը Պարույր Սևակ․ Լույսի աղբյուրը Երանելի Մայր սուրբ Թուրքիոյ Հայոց 85-րդ Պատրիարքի ընտրութեան առաջին քայլը. մամլոյ հաղորդագրութիւն Հայտնի են «Ոսկե գլոբուսի» անվանակարգորդները «Լավագույն օտարերկրյա ֆիլմ» կատեգորիայում Հաջորդ տարի Արցախում կանցկացվի «Թատերական Արցախ» փառատոն. Հակոբ Ղազանչյան Օծվել է Ներքին Գետաշեն գյուղի Ս.Գրիգոր Լուսավորիչ եկեղեցին «Իմ հայկական անունը Միքայել է». Երևանում ծնված Էրմիտաժի տնօրենը ռուսական հեռուստատեսությանը ներկայացրել է Երևանը Հռոմում ներկայացվել է «Կորսված Հայաստան. ճամփորդություն մի ժողովրդի հիշողության մեջ» գիրքը Հայ ընթերցողին է ներկայացվել Շառլ Ազնավուրի «Մեղմ շշուկով» գիրքը «Հայրենիքի և ընտանիքի գաղափարները Մայր Աթոռ Սուրբ Էջմիածնի հրատարակություններում» գիտաժողով Մայր Աթոռում Չարենցն ու Կոմիտասը Կարսում բացվել է «Անի. Քարե պոեզիա» խորագրով ցուցահանդեսը, Կարո Փայլանը կոչ է արել «անպայման այցելել»
website by Sargssyan