USD
EUR
RUB

Աղոթքի մոբիլիզացիա

 

- Պատերազմ կլինի՞, հա՛յր:

- Դուք աղոթո՞ւմ եք: Ես գարնանից աշուն աղոթքի մոբիլիզացիա եմ անցկացնում անաղմուկ, աղոթում եմ, որպեսզի Աստված ողորմի մեզ, և խուսափենք պատերազմից ու մոբիլիզացիայից: Մի այսպիսի ծանուցում ստացա. «Թախանձագին աղոթե՛ք, որպեսզի թուրքերին խանգարեն, որովհետև կիրակի օրը՝ հոկտեմբերի 16-ին, նրանք պատրաստվում են հարձակում գործել»(1): Փա՜ռք Աստծու, Աստվածածինն առայժմ պահպանում է մեզ, հուսանք, որ հետագայում էլ կպահպանի:

- Հա՛յր, իսկ այժմ, երբ վտանգն անցել է, կարիք կա՞ դրա համար աղոթելու:

- Իսկ ի՞նչ է, այլ տեղերում պատերազմ չկա՞: Ի՞նչ է նշանակում «մեզ մոտ» և «նրանց մոտ»: Այնտեղ, ուր այժմ պատերազմ կա, նույնպես մեր եղբայրներն են: Մի՞թե բոլորս Ադամից ու Եվայից չենք սերում: Սակայն մեր ընտանիքը մասնատվել է՝ ոմանք այստեղ են, մյուսներն՝ այնտեղ: Մյուս ուղղափառների հետ մենք և՛ մարմնավոր եղբայրներ ենք, և՛ հոգևոր, իսկ մնացյալ մարդկանց հետ միայն մարմնավոր եղբայրներ ենք: Նշանակում է ևս մի առիթ կա՝ նրանց համար ավելի շատ աղոթելու, քանի որ նրանք մեզնից դժբախտ են:

- Այժմ, երբ Հունաստանի համար ծանր ժամանակներ են, ես ավելի շատ եմ աղոթում, հա՛յր, սակայն միևնույն ժամանակ մտածում եմ, որ Հունաստանի փրկությունն իմ աղոթքից կախված չէ:

- Բանն այն չէ, որ Հունաստանի փրկությունը քո աղոթքից է կախված, այլ այն, որ եթե դու մտածում ես այն դժվարությունների մասին, որոնց միջով Հունաստանն անցնում է, նշանակում է սրտացավ ես հայրենիքիդ նկատմամբ և Աստծուց օգնություն ես խնդրում, և միայն Նա կարող է օգնել:

Աղոթեցե՛ք, որպեսզի Աստված ի հայտ բերի հոգևոր մարդկանց, Մակաբայեցիների(2), որովհետև նրանց կարիքը շատ կա: Հասել է չարի դեմ բարու պայքարի ժամանակը, որովհետև անօրինությունը օրենք է դարձել, իսկ մեղքը՝ նորաձև: Սակայն, երբ վշտեր տեսնեք Հունաստանում՝ կառավարությունը սկսի խելահեղ օրենքներ ընդունել և համատարած անկայություն լինի, մի՛ վախեցեք, քանի որ Աստված կօգնի(3):

- Դատելով նրանից, թե ինչ եք ասում, հա՛յր, մենք պիտի ամեն ինչ մի կողմ թողնենք և բոլոր ուժերն ուղղենք աղոթքի:

- Իհա՛րկե, բա էլ ի՞նչ: Ողջ աշխարհը մեծ կաթսայի պես եռ է գալիս: Եկեղեցին, պետությունը, ազգերը՝ ամեն ինչ շրջվել է գլխիվայր: Եվ ոչ մեկը չգիտի, թե այդ ամենն ուր է տանում: Հույսներս Աստծու օգնությանը դնենք: Վանականները պետք է թախանձագին աղոթեն: Պետք է մի կողմ դնեն իրենց բոլոր, նույնիսկ շտապ գործերն ու աղոթքով զբաղվեն:

Որքան ուժերը ներում են խոնարհությամբ աղոթե՛ք աշխարհի համար, որը բանսարկուին մեծ իրավունք է տվել իր վրա և տառապում է: Մի՛ մոռացեք, որ մենք վանական ենք դարձել և՛ հանուն մեր հոգու փրկության, և՛ որպեսզի աղոթքով օգնենք աշխարհին: Ջանանք, որպեսզի բարի վանականներ լինենք, աղոթե՛նք, ծնրադրություննե՛ր կատարենք մեզ համար և աշխարհի, որովհետև վանականն այդ կերպ օգնում է մարդկանց:

1. Ասվել է 1983թ.-ի նոյեմբերին: Այդ ծանուցումը մարդկային չէր, այլ՝ աստվածային:

2. «Մակաբէ» մականունը տրվել էր Հուդային՝ հուդայական ապստամբության առաջնորդին, որը տեղի է ունեցել մ.թ.ա. 166 թվականին, Անտիոքոս IV Եպիփանոսի և նրա ժառանգների դեմ: Մակաբայեցիները աչքի ընկան հայրենական հավատի և ազատության համար մղվող պայքարում (տե՛ս՝ 1 Մակ., 2 Մակ. և 3 Մակ.):

3. Ասվել է 1981 թվականին:

Պաիսիոս Աթոսացի

Ռուսերենից թարգմանեց Էմիլիա Ապիցարյանը

Աղբյուր՝ Surbzoravor.am

Լրահոս
Հովհաննես Գրիգորյան Հենրիկ Էդոյան. Ինչպես երեխան Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն Հովհաննես Գրիգորյան․ Մի քանի ճշմարտություն Աշոտ Ավդալյան․ Արդար առավոտ Նիկա Ջորջանելի․ «Բան, որ լսվել է ոչ մեկ անգամ» Հակոբոս 5.16 Մենք սովորել ենք աշխատել խտրական վերաբերմունքի պայմաններում, սակայն վերջերս այդ դիմակայությունը համալրվել է վտանգավոր դրսևորումներով. բաց նամակ «Ես ի պաշ­տո­նե պար­տա­վոր եմ ա­նե­լու այդ մր­ցույ­թը» Հայաստանում առաջին անգամ ցուցադրվեց ռեժիսոր Միքայել Վարդանովի «Հայկական հողի գույնը» ֆիլմը Ուկրաինայում կոչ են արել ոչնչացնել սովետական գրքերը Պարույր Սևակ. Երջանկություն Եղիշե Չարենց. Ամեն տեսակ երգ երգեցի... Դանիել Վարուժան․ Հունձք Ալեքսանդր Ծատուրյան. Երկու խոստովանանք
website by Sargssyan