USD
EUR
RUB

Դատաստանի կարևորությունը մեր կյանքում

 

Դատաստանը ոչ այլ ինչ է, եթե ոչ մեր մեղանչումների և զանցանքների դիմաց արդար հատուցում: Հաճախ մեր ինքնաքննության և ինքնամփոփման պահերին ինքներս մեզ հարց ենք տալիս. «Որտեղի՞ց է դատաստանի ընկալումը մեր գիտակցության մեջ, և ո՞րն է դրա կարևորությունը մեր առօրյա կյանքում»:

Դեռևս անմեղության դրախտում դատաստան հասկացությունը բացակայում էր մեր նախածնողների մոտ, քանզի չկար մեղքի գիտակցությունը: Նախաստեղծների անհնազանդության մեղքով է, որ դատաստանի ընկալումը արմատապես դրոշմվեց մեր էությանը, որը մենք կոչում ենք խիղճ: Խիղճը դատավոր է, որ, նստած մեր սրտի գահին, անընդհատ խարազանում է մեզ մեղանչումների դեպքում: Մարդ էակը, իր էությունից դրդված, ջանում է ամեն կերպ լռեցնել այս արդար դատավորի ձայնը: Բթացած խղճի առկայության դեպքում մարդու փրկությունը դրված է խիստ անհավանական հիմքերի վրա: Հետևաբար միայն Քրիստոսի Արյան ցողմամբ է, որ մեղավոր սիրտը, ի գլուխ ունենալով իր իշխան ու դատավոր եղծված խիղճը, մաքրվում է և վերածնվում:

Այսպիսով, մարդու առաջ փրկության դուռ է բացվում, որով և մարդ արարածը, համաձայն ավետարանական վկայության, այլևս դատապարտության տակ չի ընկնում, քանի որ գրված է. «Դատապարտություն չկա բոլոր նրանց, ովքեր Հիսուս Քրիստոսի մեջ են» (Հռոմեացիներ Ը 1): Խիստ կարևոր է դատաստանի առկայությունը մեր կյանքում, առանց որի անհնար է պատկերացնել մեր ներդաշնակ կյանքի հարատևումը: «Եթե մեղք գործեցիր, ուրեմն պիտի պատժվես», - սովորեցնում է Աստվածաշունչը, սակայն կա նաև դրա մյուս կողմը. «Հավատա՛ Տեր Հիսուսին և պիտի փրկվես, և քո մեղքերը իսպառ կջնջվեն Նրա թափած արյան միջոցով»: Եթե չլիներ դատաստանի անհրաժեշտությունը, Աստված Իր Միածին Որդուն աշխարհ չէր ուղարկի՝ զոհվելու, դատապարտվելու մեր մեղքերի համար: Ուրեմն, Քրիստոսի դատապարտումը օրինակ դարձավ մեզ համար, որպեսզի մենք ևս ինքնադատապարտման և ինքնախարազանման միջոցով կարողանանք մեր այս երկրային կյանքը ապրել՝ համաձայն տիրավանդ պատվիրանների, որով և արժանի կլինենք Քրիստոսի Երկրորդ գալստյան ժամանակ ականջալուր լինելու նրա երանավետ խոսքերին, որ ասում է. «Եկե՛ք իմ հոր օրհնյալներ, ժառանգեցե՛ք աշխարհի սկզբից ձեզ համար պատրաստված Աստծո արքայությունը» (Մատթեոս ԻԵ 34):

Ավետարանը դեմ է միմյանց դատապարտելուն. «Մի՛ դատեք, որ Աստծուց չդատվեք, որովհետև ինչ դատաստանով որ դատեք, նրանով եք դատվելու, և ինչ չափով որ չափեք, դրանով պիտի չափվի ձեր համար» (Մատթեոս Է 1-2):

Մենք՝ որպես բարոյական արժանիքներով օժտված արարածներ, մեզ ոչ մի իրավունք չենք վերապահում՝ դատելու մեր նմաններին: Քանզի մենք, որ նույնն ենք գործում, ինչպե՞ս կարող ենք դատել նրանց. չէ՞ որ մեր ներքին արդար դատավորը անմիջապես կծառանա մեր այս արարքի դեմ: Այլ, ընդհակառակը, պետք է ներենք և սիրենք միմյանց համերաշխ ու աստվածահաճո ապրելու համար: Այստեղ տեղին է նշել Հիսուսի հետևյալ խոսքը. «Կեղծավո՛ր, նախ քո աչքի միջի գերանը հանի՛ր և հետո լավ կտեսնես եղբորդ աչքի շյուղը հանելու համար» (Ղուկաս Զ 42): Ուրիշներին չդատելու, սեփական անձը դատապարտելու դեպքում է միայն հնարավոր հասնել հոգեկան բարձր թռիչքների, կատարելության բարձրագույն չափանիշների և կատարյալ աստվածճանաչողության:

Գայանե Գալստյանը
Աղբյուր՝ Qahana.am

Լրահոս
All Stars Project երաժշտական խումբը Հայաստանում կկատարի հայտնի դասական գործեր Վրեժ Սարուխանյան․ «Քո՛քդ կտրի, Էյո՛ւբ...» Հենրիկ Էդոյան․ Մի կողմ դիր զրահներդ Հայաստանում կանցկացվեն Եգիպտոսի մշակույթի օրեր Երևանի Զորավոր Սուրբ Աստվածածին եկեղեցի կբերվի Սուրբ Անանիա առաքյալի մասնատուփ-աջը Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները Սուրբ Անանիա առաքյալ «Առավոտ լուսո ձայնը» համերգ Թուրքիայում՝ նվիրված Կոմիտասի 150-ամյակին Մահացել է ֆրանսահայ գեղանկարիչ Ռիշար Ժերանյանը Սիամանթո․ Սուրբ Մեսրոպ՝ Սուրբին աղօթքը Հրաչյա Թամրազյան. Քեզ վաղվա օրն է դրսում սպասում... ՀՀ նախագահի տիկին. «Ես երկու Արմեն Սարգսյան ունեմ» Չեխիայում սուգ է հայտարարվել երգիչ Կարել Գոտի՝ «չեխական սոխակ»-ի մահվան կապակցությամբ Մեզ հետ անարդարացիորեն վարվողը լավություն է անում մեզ «Ջիվան, քո նվագը աղոթք է». դուդուկի վարպետը նշում է ծննդյան 91-ամյակը Հայաստանն առանձին տաղավարով կմասնակցի Ֆրանկֆուրտի գրքի միջազգային ցուցահանդեսին «Շահանե. պոետի գաղտնիքը» մոնոներկայացման պրեմիերան՝ Պարոնյանի թատրոնում Թումանյանը տիրապետում էր երեխաների լեզվին. մեկնարկեց գրողին նվիրված գիտաժողովը Վահան Տերյան. Հեռավոր, անել լեռնագագաթներ Կո­մի­տա­սի մար­դը Շուշիում տեղի կունենա Մարկ Գրիգորյանի «Իմ Ղարաբաղը» ակնարկի քննարկումը «Կյան­քում խղճմ­տան­քես զատ ես ճա­նա­չե­ցի եր­կու այլ դա­տա­վոր­նե­րի ևս՝ Աստ­վա՛ծ և ժո­ղո­վու՛րդ» «Եկեղեցին և ընտանիքը 21-րդ դարում. արժեքներ և մարտահրավերներ» համաժողովի երկրորդ օրը «Կոնկ­րետ պա­հին կա­տար­վա­ծը, ե­թե ան­գամ թվում է պա­տա­հա­կա­նու­թ­յուն, այն­քան էլ պա­տա­հա­կա­նու­թ­յուն չէ» Ամենայն Հայոց Կաթողիկոսն իր խորը մտահոգությունն է հայտնել Սիրիայում ծավալվող ռազմական գործողությունների առիթով Նոբելյան կոմիտեին քննադատել են Հանդկեին մրցանակ տալու համար Եղիշե Չարենց․ Երգ մաքառումի Սիլվա Կապուտիկյան․ Հոգեհանգիստ Նկարիչ շիմպանզե Կոնգոն Արդվիի Սուրբ Կարմիր վանքը փլուզման եզրին է. Գուգարաց թեմի առաջնորդը կրկին ահազանգում է Հայտարարություն «Եկեղեցին և ընտանիքը 21-րդ դարում. արժեքներ և մարտահրավերներ» միջազգային համաժողովի մասնակիցների Աղոթք` ուղղված մեր Տեր Հիսուս Քրիստոսին Գալուստ Գյուլբենկյանի մասին պատմող «Պարոն հինգ տոկոս» գիրքը թարգմանվել է հայերեն Ռուսական դրամատիկական թատրոնը կմասնակցի Աբովյանի ամենամյա թատերական փառատոնին Սիլվա Կապուտիկյանն անցել է ժամանակի քննությունը. մեկնարկեց գրողի հոբելյանին նվիրված նստաշրջանը «Հայաստանի փոքրիկ երգիչները» մենահամերգով հանդես կգա Երևանում «Բարեփոխելով աշխարհը». լավագույն ֆիլմեր և հեռուստանախագծեր Տիգրան Հեքեքյան. Կարծում էինք՝ պետությունը սարի նման պետք է կանգնի մեր մեջքին, բայց նման բան չենք տեսնում Երևանում կկայանա Վաչե Շարաֆյանի «Ռեքվիեմ»-ի համաշխարհային պրեմիերան Գրականության Նոբելյան մրցանակը շնորհել են Օլգա Տոկարչուկին եւ Պետեր Հանդտկեին
website by Sargssyan