USD
EUR
RUB

Հայ-շեքսպիրյան ընկերության 3-րդ միջազգային գիտաժողովը կայացավ Վենետիկում

 

ԵՐԵՎԱՆ, 7 ՍԵՊՏԵՄԲԵՐԻ, Aravot.am։ Հայ-շեքսպիրյան ընկերության նախաձեռնությամբ արդեն երրորդ անգամ անցկացվեց «Շեքսպիրը արեւելքի եւ արեւմուտքի խաչմերուկներում» խորագրով միջազգային գիտաժողովը։

Այս տարի այն նվիրված էր հայ մեծանուն շեքսպիրյան դերասան Վահրամ Փափազյանի ծննդյան 130-ամյակին եւ կայացավ հուլիսի 14-15-ին՝ Վենետիկի Մուրատ-Ռափայելյան վարժարանում, որի սանն է եղել Վ. Փափազյանը 1905-1907 թթ։ Փափազյանին բախտ է վիճակվել այնուհետեւ սովորել Միլանի արվեստների ակադեմիայում եւ որպես շրջիկ դերասան առաջին պրոֆեսիոնալ բեմական քայլերն անել Իտալիայում։

Շեքսպիրյան գիտաժողովը կազմակերպվել էր գերապայծառ Արք. Լեւոն Զէքիեանի եւ Մխիթարյան միաբանության աջակցությամբ։ Գիտաժողովին ներկա էին գիտնականներ եւ շեքսպիրագետներ Մեծ Բրիտանիայից, ԱՄՆ-ից, Հունաստանից, Կիպրոսից, Հոլանդիայից, Շվեդիայից, Ֆինլանդիայից, Լեհաստանից, Սերբիայից, Արգենտինայից, Բրազիլիայից, Հնդկաստանից, Չինաստանից, Ֆրանսիայից, որոնց թվում թատերագետ Փիթըր Բիլինգհամը եւ շեքսպիրագետներ Լիզա Հոփքինսը Մեծ Բրիտանիայից, Շեյլա Քավանախը եւ Քեյ Ստենտոնը ԱՄՆ-ից, ինչպես նաեւ պրոֆեսոր, բանաստեղծ Հենրիկ Էդոյանը՝ Հայաստանից։

Ողջույնի խոսք ասացին Հայ շեքսպիրյան ընկերության հիմնադիր Հասմիկ Սեյմորը, Հայր Սերոբը՝ Վենետիկի մխիթարյան միաբանությունից, իսկ վենետիկաբնակ լրագրող Ավետիս Հաջյանը գիտաժողովի մասնակիցներին ներկայացրեց հայերի եւ Իտալիայի միջեւ պատմական առնչությունները։ Գիտաժողովի ձեւաչափը այս տարի պլենար զեկուցումներից բացի, ուներ պանելային բնույթ եւ ներկայացված էր հինգ ընդգրկուն թեմաներով։ Բացի գիտական փոխշփումներից՝ մասնակիցներն առիթ ունեցան այցելելու Ս. Ղազար կղզի եւ ծանոթանալու հայ մշակույթի գողտրիկ օջախի հետ՝ իր հազվագյուտ հատորներով եւ թանգարանային նմուշներով։ Կազմակերպվեց նաեւ շրջայց վենետիկյան հայկական եւ շեքսպիրյան պատմական վայրերով։

Գիտաժողովի փակմանը, Հասմիկ Սեյմորը շնորհակալություն հայտնեց գերապայծառ Արք. Լեւոն Զէքիեանին եւ մխիթարյան հայրերին, ինչպես նաեւ բոլոր միջազգային մասնակիցներին՝ բազմաբնույթ հոդվածների եւ մտքերի փոխանակման համար՝ Մուրատ- Ռափայելյան վարժարանի հայելապատ գեղաշուք սրահում։

«Հայ շեքսպիրյան ընկերության նպատակն է ոչ միայն միավորելու հայ եւ օտարերկրյա շեքսպիրագետներին, այլեւ վերջիններիս ծանոթացնելու հայ մշակույթին եւ շեքսպիրյան հարուստ ավանդույթներին։ Ընկերության հիմնադիր-նախագահ Սեյմորի ջանքերի շնորհիվ գիտաժողովներն ունեն շարունակական բնույթ եւ տարեց-տարի ավելի ճանաչելի են դարձնում հայ մշակութային եւ շեքսպիրյան ժառանգությունը Հայաստանից դուրս։ Գիտաժողովը մեզ համար կարեւոր էր ոչ միայն նրանով, որ լսվեցին բազմաթիվ նոր եւ հետաքրքիր զեկուցումներ մեծ դրամատուրգի ստեղծագործությունների տարբեր հարցերի շուրջ, այլ որ արտասահմանցի գիտնականները հնարավորություն ստացան ծանոթանալու հայ մշակույթին. նախ՝ որ գիտաժողովը տեղի ունեցավ Մուրատ-Ռափայելյան վարժարանում (որն ափսոս, իբրեւ վարժարան այլեւս չի գործում), եւ ապա՝ գիտաժողովի ողջ կազմը (աշխարհի տարբեր կողմերից ժամանած մի քանի տասնյակ ճանաչված մասնագետներ) եղան Սուրբ Ղազար կղզում արդեն 300 տարուց ավելի հաստատված Մխիթարյան Միաբանությունում, որը ցնցող տպավորություն գործեց նրանց վրա։ Արտասահմանցի հյուրերն ապշահար եղան այն հրաշքից, որի ականատեսը եղան Սուրբ Ղազար կղզում, այն ակնառու փաստից, թե ինչպես նախկին բորոտների կղզին մահվան եւ ողբերգության այդ տխուր վայրը մի խումբ անձնվեր եւ սուրբ մարդկանց կողմից, ինչպիսիք էին Մխիթար Սեբաստացին եւ նրա հետեւորդ – աշակերտները, այդ ամենը վերածեցին հոգեւոր- ինտելեկտուալ կենտրոնի, մտավոր Եդեմի։ Հյուրերի համար հայ շեքսպիրյան ընկերության Վենետիկի գիտաժողովը վերածվեց հայ մշակույթին նվիրված յուրօրինակ տոնի, այդ մասին նրանք դեռ պետք է գրեն եւ խոսեն իրենց երկրներում, այ ն ինչն այժմ այդքան անհրաժեշտ է մեր պատմության, մշակույթի եւ ողջ Հայ Դատի համար ընդհանրապես»,-ասաց Հենրիկ Էդոյանը:

Լ. ՀՈՎԱԿԻՄՅԱՆ

 

Լրահոս
Ջիվան Ավետիսյանի «Դրախտի դարպասը» գեղարվեստական ֆիլմը մեծ էկրաններին է Վաշինգտոնում կայացել է Կոմիտասին նվիրված համերգ Աղոթք․ Երեկոյի ժամի Շահադիտությունը խոչընդոտում է Աստծու հետ հաղորդակցվելուն Մայր Աթոռի հրատարակած գրքերը ցուցադրվեցին Ֆրանկֆուրտի գրքի միջազգային տոնավաճառում Կանցկացվի «Դոլչե վիտա նոն ստոպ» համերգային ծրագիրը Ամենայն Հայոց Կաթողիկոսն ընդունեց Վրաստանի վարչապետին Կամերային նվագախումբը և Գինեսի ռեկորդակիր Նիկոլայ Մադոյանը հանդես կգան համերգով Ավետիք Իսահակյան․ Հայրենի հողը Համո Սահյան․ Եվ ի՞նչ է տվել․․․ Էստրադային և ջազային արվեստի պետական քոլեջի ուսանողները համերգներով կշնորհավորեն Երևանի տոնը Եղիշե Չարենց․ Եվ երբ դադարեց... Ռազմիկ Դավոյան. Իմ ձայնը անմարմին, անգլուխ... Պատկերասրահից 32 վայրկյանում գողացել են Դալիի կտավը Բիբլիական Արարատն իր ամբողջ հմայքով ներկայացվեց լեռանը նվիրված ցուցահանդեսում Նարեկացիագիտության ասպարեզում առաջատար մասնագետները կմասնակցեն «Նարեկացիական ընթերցումներին» Ս. Անանիա առաքյալի հիշատակության ուխտի օրհնաբեր օրը Ս. Գայանե վանքում կատարվեց հոգեհանգստյան կարգ Սուրբ Էջմիածնի բարերար Ջոն Քյուրքչյանի համար All Stars Project երաժշտական խումբը Հայաստանում կկատարի հայտնի դասական գործեր Վրեժ Սարուխանյան․ «Քո՛քդ կտրի, Էյո՛ւբ...» Հենրիկ Էդոյան․ Մի կողմ դիր զրահներդ Հայաստանում կանցկացվեն Եգիպտոսի մշակույթի օրեր Երևանի Զորավոր Սուրբ Աստվածածին եկեղեցի կբերվի Սուրբ Անանիա առաքյալի մասնատուփ-աջը Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները Սուրբ Անանիա առաքյալ «Առավոտ լուսո ձայնը» համերգ Թուրքիայում՝ նվիրված Կոմիտասի 150-ամյակին Մահացել է ֆրանսահայ գեղանկարիչ Ռիշար Ժերանյանը Սիամանթո․ Սուրբ Մեսրոպ՝ Սուրբին աղօթքը Հրաչյա Թամրազյան. Քեզ վաղվա օրն է դրսում սպասում... ՀՀ նախագահի տիկին. «Ես երկու Արմեն Սարգսյան ունեմ» Չեխիայում սուգ է հայտարարվել երգիչ Կարել Գոտի՝ «չեխական սոխակ»-ի մահվան կապակցությամբ Մեզ հետ անարդարացիորեն վարվողը լավություն է անում մեզ «Ջիվան, քո նվագը աղոթք է». դուդուկի վարպետը նշում է ծննդյան 91-ամյակը Հայաստանն առանձին տաղավարով կմասնակցի Ֆրանկֆուրտի գրքի միջազգային ցուցահանդեսին «Շահանե. պոետի գաղտնիքը» մոնոներկայացման պրեմիերան՝ Պարոնյանի թատրոնում Թումանյանը տիրապետում էր երեխաների լեզվին. մեկնարկեց գրողին նվիրված գիտաժողովը Վահան Տերյան. Հեռավոր, անել լեռնագագաթներ Կո­մի­տա­սի մար­դը Շուշիում տեղի կունենա Մարկ Գրիգորյանի «Իմ Ղարաբաղը» ակնարկի քննարկումը «Կյան­քում խղճմ­տան­քես զատ ես ճա­նա­չե­ցի եր­կու այլ դա­տա­վոր­նե­րի ևս՝ Աստ­վա՛ծ և ժո­ղո­վու՛րդ»
website by Sargssyan