USD
EUR
RUB

Երեւանյան երկու միջազգային փառատոններ «քույրացել» են

 

ԵՐԵՎԱՆ, 7 ՍԵՊՏԵՄԲԵՐԻ, Aravot.am։ Բացառիկ, հազվադեպ երեւույթ է, երբ երկու փառատոներ, այն էլ ավանդաբար անցկացվող, համագործակցության եզրեր են գտնում: «Առավոտին» հասած տեղեկություններով՝ Հայաստանի ազգային ֆիլհարմոնիկ նվագախմբի (գեղարվեստական ղեկավար՝ Էդուարդ Թոփչյան) կողմից սեպտեմբերի 14-ից հոկտեմբերի 25-ը 13-րդ անգամ անցկացվող Երեւանյան միջազգային երաժշտական փառատոնը կհամագործակցի 20 տարի առաջ հիմնված մեկ այլ երեւանյան փառատոնի՝ «21-ի հեռանկարների» (գեղարվեստական ղեկավար՝ Ստեփան Ռոստոմյան) հետ: Մեզ հետ զրույցում այս տեղեկությունը հաստատեց ֆիլհարմոնիկի տնօրեն Ռուզաննա Սիրունյանը: «Սա մեր հերթական համագործակցությունն է, որի արդյունքում հայ հանդիսատեսը կվայելի աշխարհահռչակ երաժիշտների՝ դիրիժոր Փիթըր Ունջյանի (Կանադա), թավջութակահար Գոթիե Կապյուսոնի (Ֆրանսիա) եւ հայաստանցի հանդիսատեսին ծանոթ ջութակահար Փինխաս Ցուկերմանի արվեստը»,- մանրամասնեց մեր զրուցակիցը: Նշեց, որ փառատոնային համերգների ընթացքում, որոնք կկայանան բացառապես «Արամ Խաչատրյան» համերգասրահում, կլինեն սիմֆոնիկ եւ կամերային երաժշտության երեկոներ: Բացման համերգին նվագախումբը կղեկավարի իտալացի դիրիժոր Պիեր Կառլո Օրիցիոն, որպես մենակատար էլ հանդես կգա դաշնակահար Սիմոն Տրպչեսկին (Մակեդոնիա), իսկ փակման համերգին Էդուարդ Թոփչյանի մեկնաբանմամբ կհնչի Գերշվին, մենակատարն է Ֆրեդի Քեմփֆը (Մեծ Բրիտանիա):

Զրույցի ընթացքում Ռուզաննա Սիրունյանը հնչեցրեց փառատոնի հայտնի հյուրերի մեկ-երկու անուններ, նրանք են՝ դաշնակահար Էշլի Վոսը (Մեծ Բրիտանիա), ջութակահար Բորիս Բրովցինը (Մեծ Բրիտանիա), դարձյալ Մեծ Բրիտանիայում ստեղծագործող թավջութակահար Ալեքսանդր Չաուշյանը: Հայտնեց նաեւ առաջին անգամ Հայաստան ժամանող, իր խոսքերով՝ պահանջարկ վայելող երաժիշտներ՝ շեփորահար Ռայնհոլդ Ֆրիդրիխի (Գերմանիա), դիրիժորներ Անդրեյ Բորեյկոյի (Բելգիա), Պոլ-Էմանուել Թոմայի (Ֆրանսիա), ջութակահար Աննա Տիֆուի անունները: Տնօրենը հատուկ շեշտեց, որ համաշխարհային մեծություններից բացի (Դվորժակ, Շտրաուս, Բեթհովեն, Պագանինի եւ այլն), ծրագրված է ներկայացնել նաեւ հայ հեղինակների ստեղծագործություններ, օրինակ՝ առաջին անգամ կհնչի Վաչե Շարաֆյանի «Ռեքվիեմ անապատի համար» ստեղծագործությունը՝ ըստ ամերիկաբնակ պոետ Սոնա Վանի «Լիբրետո անապատի համար» պոեմի եւ «Ավանդական ռեքվիեմի» տեքստի, իսկ Մանսուրյանի Թավջութակի կոնցերտի կատարմամբ հանդես կգա բելգիաբնակ Սեւակ Ավանեսյանը, դիրիժորն է մաեստրո Բորեյկոն:

Դիտարկմանը՝ ֆիլհարմոնիկը, ինչպես համերգաշրջանների, այնպես էլ փառատոների անցկացման ժամանակ մշտապես գոնե մեկ երեկո կազմակերպում է Հայաստանում որեւէ դեսպանության հետ համատեղ, տիկին Սիրունյանը հիշեցրեց, որ պարբերաբար համագործակցել են Գերմանիայի, Ֆրանսիայի, Իտալիայի դեսպանությունների հետ, կայանալիք փառատոնային մեկ կամերային երաժշտության երեկոն կանցկացվի Չեխիայի դեսպանության հետ համատեղ:

Հետաքրքրությանը՝ ինչու երբեւէ փառատոնային գոնե մեկ համերգ չի անցկացվում որեւէ մարզում, Ռուզաննա Սիրունյանն ընդգծեց, որ ֆիլհարմոնիկը հաճախակի է լինում Գյումրիում, ինչ վերաբերում է մյուս մարզերին, սիրով ելույթ կունենան, բայց ոչ մի մարզում չկա համապատասխան բեմահարթակ:

Ռեպլիկին՝ ցանկացած նվագախմբի հովանավոր ինքն է հոգում նոր գործիքների կարիքը, տնօրենը հավաստիացրեց, որ իրենց դեպքում գործիքների նորացման հարցը լուծում է իրենց հովանավորը՝ Հայ բարեգործական ընդհանուր միությունը: Հավելեց նաեւ, որ փառատոնը կանցկացվի Հայաստանի կրթության, գիտության, մշակույթի եւ սպորտի նախարարության ու «Կոնվերսբանկի» աջակցությամբ, եւ շուրջ մեկուկես տարի է՝ ֆիլհարմոնիկի կողքին է «Իմ քայլը» հիմնադրամը:

Սամվել ԴԱՆԻԵԼՅԱՆ

Լրահոս
Հովհաննես Գրիգորյան Հենրիկ Էդոյան. Ինչպես երեխան Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն Հովհաննես Գրիգորյան․ Մի քանի ճշմարտություն Աշոտ Ավդալյան․ Արդար առավոտ Նիկա Ջորջանելի․ «Բան, որ լսվել է ոչ մեկ անգամ» Հակոբոս 5.16 Մենք սովորել ենք աշխատել խտրական վերաբերմունքի պայմաններում, սակայն վերջերս այդ դիմակայությունը համալրվել է վտանգավոր դրսևորումներով. բաց նամակ «Ես ի պաշ­տո­նե պար­տա­վոր եմ ա­նե­լու այդ մր­ցույ­թը» Հայաստանում առաջին անգամ ցուցադրվեց ռեժիսոր Միքայել Վարդանովի «Հայկական հողի գույնը» ֆիլմը Ուկրաինայում կոչ են արել ոչնչացնել սովետական գրքերը Պարույր Սևակ. Երջանկություն Եղիշե Չարենց. Ամեն տեսակ երգ երգեցի... Դանիել Վարուժան․ Հունձք Ալեքսանդր Ծատուրյան. Երկու խոստովանանք
website by Sargssyan