USD
EUR
RUB

«Ուր երկու կամ երեք հոգի հավաքված լինեն Իմ անունով, այնտեղ եմ Ես, նրանց մեջ»

 

Առանձնական աղոթքը՝ սենյակում, փակ դռնով և ծածուկ կատարվող (Մատթ. 6:6), գուցե աղոթքի տեսակներից ամենատարածվածն է, բայց հարկ է հիշել, որ մարդը անհատ լինելուց բացի նաև հասարակության անդամ է: Մարդը՝ որպես այդպիսին, ինչպես իր մասնակցությունն է ունենում ընտանեկան, հասարակական և պետական կյանքին, այնպես էլ՝ որպես եկեղեցու անդամ, պետք է մասնակից լինի նաև եկեղեցական կյանքին, եկեղեցում կատարվող ընդհանրական աղոթքին: Եթե ընտանեկան, հասարակական և պետական կյանքն ընթանում է երկրային տարբեր պահանջների և խնդիրների հիման վրա, ապա եկեղեցում մարդիկ միավորվում են՝ հանուն հոգևոր բարձրագույն պահանջների, Աստծո հետ հաղորդակցվելու և Նրան ծառայելու նպատակով: Հիսուս Քրիստոս ընդհանրական աղոթքի մասնակիցներին հոգևոր մեծ ուրախություն՝ Իր ներկայությունն է խոստանում. «Ուր երկու կամ երեք հոգի հավաքված լինեն Իմ անունով, այնտեղ եմ Ես, նրանց մեջ» (Մատթ. 18:20): Իսկ Պողոս առաքյալը հորդորում է Ս. Հոգով լցվել, միմյանց հետ սաղմոսներով, օրհնություններով ու հոգևոր երգերով խոսել (Եփես. 5:18-20): Գործք Առաքելոց գրքից տեղեկանում ենք, որ առաքյալները և առաջին քրիստոնյաները համախմբվում էին միասնական աղոթքի շուրջ, նրանք բոլորը միասնաբար, հարատև աղոթքով էին անցկացնում օրերը, նորադարձներն առաքյալներից հարատևորեն սովորում էին Քրիստոսի վարդապետությունը, միասնաբար տաճար էին գնում, իսկ իրենց տներում կատարում էին հացի կտրումը, որից հետո ուրախությամբ ու մաքուր սրտով իրենց կերակուրն էին ուտում և օրհնում Աստծուն (1:14; 2:1; 2:42-46):

Ի տարբերություն առանձնական աղոթքի՝ ընդհանրական աղոթքի ժամանակ աստվածպաշտական արարողություն՝ ժամերգություն և Սուրբ Պատարագ է մատուցվում: Պողոս պատրիարք Անդրիանուպոլսեցին աղոթքի այս տեսակների մասին գրել է. «Առանձնական աղոթքը հույժ օգտակար է, բայց անհրաժեշտ է նախ հրապարակայինը կատարել եկեղեցում և ապա՝ առանձնականը: Իսկ եթե որևէ մեկը ծուլության պատճառով չգնա եկեղեցի և համարի, որ առանձնական աղոթքով ազատվում է պարտքերից, մեծապես խաբվում է, քանզի եթե կա եկեղեցին, և ինքը կարող է գնալ այնտեղ, ապա զանց առնելով՝ մեղանչում է»: Իսկ Ս. Հովհան Ոսկեբերանն ասել է. «Իհարկե տանն էլ կարելի է աղոթել, բայց դու չես կարող տանն այնպես աղոթել, ինչպես եկեղեցում, ուր այդքան մարդիկ են միախմբված և ուր առ Աստված միաբան աղոթք է վերառաքվում: Դու այնքան արագ լսելի չես լինի, եթե մենակ աղոթես, որքան, որ աղոթես քո եղբայրների հետ, քանի որ այնտեղ՝ եկեղեցում, կա ավելին՝ համախոհություն, սիրո միություն և հոգևորականների աղոթք: Ընդհանրական աղոթքի ժամանակ ոչ միայն մարդիկ են իրենց աղոթքն առ Տեր ուղղում, այլ նաև հրեշտակները»:

Աստվածպաշտական արարողության ժամանակ բացի աղոթքներից շարականներ են երգվում, որոնց մասին Ս. Հովհան Ոսկեբերանը գրել է՝ ոչինչ այնպես չի թևավորում հոգին, ոչինչ այնպես չի հեռացնում նրան երկրից և մարմնական կապանքներից, որքան եկեղեցական ներդաշնակ երաժշտությունը: Ինչպես նաև Աստծո խոսքն է քարոզվում, որը Սուրբ Պատարագի բաղկացուցիչ մասն է համարվում և ինչի վերաբերյալ Քրիստոս Իր առաքյալներին հորդորեց. «Գնացե՛ք, ուրեմն և բոլոր ժողովուրդներին Իմ աշակերտները դարձրե՛ք: Սովորեցրե՛ք նրանց այն բոլոր պատվիրանները, որ տվեցի ձեզ» (Մատթ. 28:19-20): Աստվածպաշտական արարողությունները մարդու առջև պատկերում են քրիստոնեական կրոնի խորհրդավորությունը և մարդկանց մոտ աստվածճանաչողության ձգտում արթնացնում: Ընդհանրական աղոթքի մասնակիցն այնտեղ է, ուր չի հասնում աղմուկը, կյանքի հոգսերը և այն ամենը, որոնցով հագեցած է մարդու առօրյան: Որոշ մարդիկ եկեղեցական արարողություններին մասնակցելը համարում են պարտականություն, այնինչ այս արարողություններով մարդը հայտնվում է մի այլ աշխարհում, ուր Աստծո ներկայությունն է: Երկրի վրա ապրում է Տիրոջ մարմինը՝ եկեղեցին, ուր աստվածպաշտությամբ մարդն ապրում է աստվածային ներկայությունը: Ընդհանրական աղոթքի զորեղ լինելու մասին կհամոզվի նա, ով ոչ միայն կմասնակցի արարողությանը, այլև կապրի Աստծո ներկայությունը:

Ինչպես մարմինն է հոգու վրա ներգործում, այնպես էլ հոգին՝ մարմնի վրա: Մարդու կրոնական զգացողությունը, մտքերն ու ապրումները չեն կարող առանց արտաքին դրսևորման մնալ: Այսինքն՝ աստվածպաշտությունը հավատքի արտաքին արտահայտությունն է աղոթքով և ծեսով: Աստվածպաշտական արարողությունը կրոնի արտաքին կողմն է, ուր թաքնված է Աստված և մարդ, մարդ և Աստված հարաբերությունները: Օրինակ՝ Սուրբ Պատարագի արարողությունն ուղղված է մարդու մաքրագործմանն ու փրկագործմանը, թե՛ այս և թե՛ մյուս արարողություններն իրենց մեջ քրիստոնեական կրոնի բովանդակությունն են պարունակում: Աստվածպաշտական արարողություններով է պայմանավորված կրոնական կյանքը, առանց որի կմահանար կրոնը և չէր ունենա կենդանի ընթացք: Աստվածպաշտական արարողությունը գանձարան է, որտեղից յուրաքանչյուր ոք կարող է անգին և անկորնչելի գանձ գտնել՝ձեռք բերելով Աստծո մեծագույն պարգևը՝ Երկնային Արքայությունը:

Կարինե Սուգիկյան

Աղբյուր՝ Surbzoravor.am

Լրահոս
Փրկիր ինքդ քեզ. Հիսուսի վերջին փորձությունը (Մարկ. 15:25-32, Մատթ. 27:39-44, Ղուկ. 23:35-43) Լևոն Խեչոյան. Սև գիրք, ծանր բզեզ Տիգրան Գրիգորյան. Տե՛ր մեր, դու խաղաղությունն ես, երանելի լռություն… Հայր Գեղարդը ռազմաճակատում գլխի շրջանում հարված է ստացել, կորցրել լսողությունը Տիգրան Հեքեքյան. Հայ զինվորն այսօր կայուն և կազմակերպված թիկունքի կարիք ունի Անվերջ վերադարձ. Գագիկ Հարությունյանի «Ղարաբաղ» լուսանկարչական շարքը կներկայացվի հատուկ ցուցադրությամբ Գերագույն հոգևոր խորհուրդը հանդես է եկել հայտարարությամբ Պատրիկ Ֆիորին, Սերժ Ավետիքյանն ու այլ հայտնիներ հանդես կգան Արցախին նվիրված բարեգործական համերգով Հրանտ Մաթևոսյանի անվան մրցանակը ստացել է Դավիթ Մաթևոսյանը Մի՛ դատեք Փառեն սրբազանը «Զինծառայողների ապահովագրության հիմնադրամին» է նվիրաբերել 38,093,200 դրամ գումար Թե ինչպես են մշակութային օջախները թիկունքում օգտակար լինում ռազմաճակատին Բարեգործական համերգ-դրամահավաք Հայաստանի պետական սիմֆոնիկ նվագախմբի նախաձեռնությամբ Փա­րի­սե­ցիու­թ­յուն է, երբ տես­նում ենք մարդ­կանց գոր­ծո­ղու­թ­յուն­նե­րը, բայց չենք նկա­տում Աստ­ծո գոր­ծե­րը Դպրոցներում աշնանային արձակուրդը կերկարաձգվի ևս երկու շաբաթով Պատանիները նվագելով հավաքել են 600,000 դրամ ու փոխանցել Զինծառայողների ապահովագրության հիմնադրամին Ամենայն Հայոց Կաթողիկոսն ընդունեց նորաօծ քահանաներին Տղաներ, մենք հետևում ենք ձեզ, ապավինում ենք ձեզ և հավատում ենք ձեր անկոտրում ուժին. Տիգրան Մանսուրյան «Ճշ­մար­տու­թ­յունն է կարևոր, ես ճշ­մար­տու­թ­յուն հա­մա­րում եմ այն ա­մե­նը, ին­չը շա­րու­նա­կվում է» Ճշմար­տու­թ­յան միակ աղ­բ­յու­րը Ա Պետրոս 1.23 Սիմֆոնիկ նվագախումբը կկազմակերպի համերգներ. հասույթը կփոխանցվի Զինծառայողների հիմնադրամին Բաքվի կինոկենտրոնը հրաժարվել է Մել Գիբսոնի մասնակցությամբ ֆիլմեր ցուցադրելուց Համավարակի հետևանքով կյանքից հեռացել է ՀՀ արվեստի վաստակավոր գործիչ Հարություն Թոփիկյանը Հոգևորականաց հերթական խումբը մեկնեց առաջնագիծ՝ զորավիգ լինելու հայրենյաց պաշտպաններին Ռազմիկ Դավոյան․ Աղերսանք Ընդ­հատ­ված թռիչք Շու­շի՝ սպի­տակ ե­րազ Ոչ մի պատճառ չպետք է խոչընդոտի, որպեսզի այս ձգձգվող պատերազմին վերջակետ դնենք. Գուգարաց թեմի առաջնորդ Տեր Սեպուհ արքեպիսկոպոս Չուլջյան Հավատում ենք, որ կհաղթենք Ոչ միայն կայացած, այլեւ սկսնակ արվեստագետներն են աջակցում հայրենիքին Սերգեյ Սմբատյանը միացել է Հայերի ասամբլեայի նախաձեռնած մշակույթի համաշխարհային գործիչներին համախմբող մարդասիրական ակցիային Մշակույթը սահմաններ չի ճանաչում. բելգիահայ երաժիշտը նվագել է Շուշիի մզկիթում Աճուրդ, որի հասույթ կուղղվի Զինծառայողների Ապահովագրության հիմնադրամին «Աստ­ված մեզ հետ է և մեր ար­դար գոր­ծին զո­րա­վիգ» Սուրբ Խարիթյանների, Արտեմեա և Քրիստափոր սուրբ վկաների և երկու կանանց` Կալինիկեի և Ակյուլինեի հիշատակության օր «Մենք մոտ ենք հաղթանակին, մենք պարտավոր ենք այս ճակատամարտը, ավելի ճիշտ՝ այս գոյամարտը, հաղթանակով ավարտել».Տեր Սեպուհ արք. Չուլջյան Սուրբ Բարսեղ եպիսկոպոսի ճառը հարյուր տասնհինգերորդ (ՃԺԵ) սաղմոսի մասին Տաթև եպիսկոպոս Հակոբյանը ռումինահայերին և բուլղարահայերին հաղթանակի համար միասնության և պայքարի կոչ է արել Արցախցիները՝ Բյուրականի աստղադիտարանում
website by Sargssyan