USD
EUR
RUB

Հին և Նոր Երևանը՝ մեկ հարթակում. «Ֆոտոլուր» գործակալությունը ներկայացավ նոր ցուցահանդեսով

 

ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Հայկական միջազգային առաջին լուսանկարչական փառատոնի շրջանակում «Ֆոտոլուր» գործակալությունն անցկացրեց ցուցահանդես` ներկայացնելով լուսանկարներ, որոնցում պատկերված է Հին և Նոր Երևանն իր ամբողջ հմայքով:

«Արմենպրես»-ի հաղորդմամբ` ցուցահանդեսը բացվեց սեպտեմբերի 10-ին Երևանի պատմության թանգարանում:

«Այստեղ գործակալության արխիվի մի փոքր մասն է ցուցադրված` քառասուն կամ հիսուն լուսանկար: Մեր հարուստ արխիվում են հորս` Նեմրութ Բաղդասարյանի, եղբորս` Հերբերտ Բաղդասարյանի, իմ աշխատանքները: Լուսանկարիչների ընտանիք ենք. այսօր ֆոտոլրագրությամբ են զբաղվում որդիներս` Հայկն ու Վահրամը»,-պատմեց լուսանկարիչ, «Ֆոտոլուր» գործակալության տնօրեն Մելիք Բաղդասարյանը:

Նա շեշտեց, որ լուսանկարը ստեղծվելու պահից դառնում է պատմություն, իսկ երբ ժամանակ է անցնում, այն ավելի է արժևորվում: Բաղդասարյանի խոսքով` մենք հաճախ վատ ենք զգում, որ Հին Երևանից շատ բան ենք կորցրել, բայց պետք է տեսնել, որ շատ բան ենք ձեռք բերել այսօր:

Հին և Նոր Երևանի լուսանկարները մեկ հարթակում ներկայացնելով` լուսանկարիչը ցանկացել է ցույց տալ, որ ոչ միշտ է Հին Երևանը հրաշալի և պետք է գնահատել այն դրական առաջընթացը, որը կա ներկայիս Երևանում: «Լուսանկարներով տեսնում ես պատմությունը»,-նշեց նա:

Ցուցահանդեսի կազմակերպիչներից Տաթևիկ Մնացականյանն էլ ասաց, որ Երևանը մշտապես բոլորի սրտերում է: «Մայրաքաղաքի գեղեցիկ պատկերներն ամեն վայրկյան կարող ենք ֆիքսել լուսանկարչության միջոցով: Դա փաստ է, պատմություն է: Այս լուսանկարներում Հին և Նոր Երևանն է: Շատերը պնդում են, որ մենք կորցնում ենք Հին Երևանը: Ցուցահանդեսում մարդիկ կարող են զմայլվել և’ հնով, և’ նորով»,-ընդգծեց նա:

Միջոցառմանը Մելիք Բաղդասարյանը Երևանի լուսանկարներով սկավառակ նվիրեց Երևանի պատմության թանգարանին` արխիվը հարստացնելով վաթսուն աշխատանքով:

Հայկական միջազգային առաջին լուսանկարչական փառատոնին մասնակցում են լուսանկարիչներ 20 երկրից՝ Ճապոնիայից, Դանիայից, Իտալիայից, Ֆրանսիայից, Ռուսաստանից, Բելառուսից, Շվեյցարիայից, ԱՄՆ-ից, ԱՄԷ-ից և այլն: Լուսանկարների 39 տաղավար է լինելու ամբողջ Երևանում: Լուսանկարները ցուցադրվելու են «Զվարթնոց» օդանավակայանից սկսած մինչև Նախագահի նստավայր, դրանք փակցված կլինեն նաև Հովհաննես Թումանյանի թանգարանում, Երևանի մետրոպոլիտենի երկու կայարանում և մի շարք այլ վայրերում: «Արմենպրես»-ը հանդես կգա ցուցադրություններով, և գործընկերներ «Կոնվերս» բանկի ու Հովհաննես Թումանյանի թանգարանի հետ համատեղ իրականացվելու է «Հովհաննես Թումանյանի հետահայացը», որը նվիրված կլինի բանաստեղծի 150-ամյակին: Փառատոնն իրականացվում է Երևանի քաղաքապետարանի հովանու ներքո և տևելու է մեկ ամիս՝ մինչև սեպտեմբերի 24-ը:

Լրահոս
Վիլյամ Սարոյան. Հանճարը Էրմիտաժում Լեոնարդո դա Վինչիի կտավին փոխարինել է Բոտիչչելիի «Տիրամոր» պատկերը Վահագն Մուղնեցյան. «Ժպտա, երկինք» Հովհան Մանդակունի. Աղքատներին մխիթարելու մասին «Թռիչք կկվի բնի վրայով»՝ հայկական բեմում ԿԳՄՍ նախարարության պարզաբանումը Դալմայի այգու տարածքում 16-17 դդ քանդված գինու հնձանի վերաբերյալ Քրիստոնյաներին սպանել են մուսուլմանները, հայերը դարձել են ցեղասպանության զոհերի մարմնացումը Ռոբերտ Ամիրխանյանի ծննդյան օրն է Ռուբեն Հովսեփյան. Նռներ Թադևոս Տոնոյան․ Հողերկպագու անձս Դե­մոկ­րա­տա­կան օ­րենք­նե­րը կյան­քը խեղ­դող փշա­լա­րեր են Ամենահաջողակ դերասանուհիները Հան­րա­հայտ և ան­հայտ Նի­կո­ղա­յո­սը Ողորմության մասին Ռոբերտ Ամիրխանյանի 80-ամյակի առթիվ կկազմակերպվեն համերգներ «Ա­րամ Խա­չատ­ր­յա­նը մեծ ներդ­րում է ու­նե­ցել Հա­յաս­տա­նի և հա­մաշ­խար­հա­յին մշա­կու­թա­յին կյան­քում» Հայ ջութակահարուհին դարձել է «Դեբյուտների համագործակցություն» երիտասարդական մրցանակի դափնեկիր Վարդան Հակոբյան. Ապրում ենք՝ որպես հիշողությունը մեզնից առաջ ապրածների Նշան Պեշիկթաշլեան. Հայը Սբ. Կիպրիանոս Կարթագենացի. Գիր եկեղեցու միսնության մասին Սուրբ Հովհան Ոսկեբերան. Դատարկության եվ ճոխության մասին Գյումրու քաղաքապետարանը կաջակցի Իսահակյանի և Շիրազի անտիպ գրքերի տպագրությանը Հայ ճարտարապետների գծանկարները՝ որպես ինքնուրույն արժեք Իրական հերոսն ու հաղթանակը Խատիա Բունիաթիշվիլին առաջին անգամ հանդես կգա Հայաստանի ազգային ֆիլհարմոնիկ նվագախմբի հետ «Նկարահանող խումբը սպունգի նման կլանում ու ճանաչում է Ռոբերտ Ամիրխանյանին» «Ես եմ կենաց հացը, ով դեպի Ինձ գա, քաղց չի զգա, և ով Ինձ հավատա, երբեք չի ծարավի» ԵՊՀ պրոֆեսորադասախոսական անձնակազմի մեծ մասը կմիանա ուսանողական շարժմանը Մոսկվայում կանցկացվի ճապոնական կինոյի փառատոն Պատվի պարտք Եռօրյա տոն մայրաքաղաքում. մեկնարկում է գրքի երևանյան փառատոնը Ներսես Աթաբեկյան․ Մարդը գնում էր անձրևի միջով․․․ Վրեժ Սարուխանյան․ Պողոսի ցավը «Գեղարդ» երգեցիկ խումբը Գերմանիայում լեփ-լեցուն դահլիճներում է հնչեցրել հայ կոմպոզիտորների գործերը Հանդիսատեսն ընտրել է 2019-ի լավագույն ֆիլմը Երևանում տեղի է ունեցել Եվրոպական ֆիլմերի երկրորդ փառատոնի բացման արարողությունը «Ե­թե սի­րեք ի­րար, բո­լո­րը կի­մա­նան, որ Իմ ա­շա­կերտ­ներն եք» Ինկերի հնագույն բնակավայր է հայտնաբերվել լազերային տեխնոլոգիաներ Մարի Հովհաննիսյանը հրատարակելու է Սոս Սարգսյանի կենսամատենագիտությունից դուրս մնացած փաստերը Մարդիկ ավելի շատ մտածում են, քան՝ շնչում, մաս 1-ին
website by Sargssyan