USD
EUR
RUB

Գյումրին այն քաղաքն է, որտեղից ես վերցրել եմ իմ երաժշտությունը. Տիգրան Մանսուրյան

 

ԳՅՈՒՄՐԻ, 14 ՍԵՊՏԵՄԲԵՐԻ, ԱՐՄԵՆՊՐԵՍ: «Մանսուրյան-80» հոբելյանական համերգաշարի ավարտն ազդարարվեց Գյումրիում՝ «Սև բերդ» ամրոցում սեպտեմբերի 13-ին: ՀՀ ժողովրդական արտիստ, սիրված կոմպոզիտոր Տիգրան Մանսուրյանի 80-ամյա հոբելյանին նվիրված համերգաշարի համերգները սեպտեմբերի 1-13-ը տեղի էին ունեցել նաև Երևանում և Ստեփանակերտում։ Հայաստանի պետական սիմֆոնիկ նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ, առաջին անգամ ներկայացրեց կոմպոզիտորի հայտնի մեղեդիները նոր գործիքավորմամբ։ Համերգների ընթացքում հնչեցին Մանսուրյանի կինոերաժշտությունը, սիմֆոնիկ և կամերային ստեղծագործությունները։

Համերգաշարի ավարտն ազդարարվեց Գյումրիում՝ «Սև բերդ» ամրոցում: Մաեստրոյի ստեղծագործությունների հազարավոր սիրահարների հետ միասին հոբելյանական երեկոյին ներկա էին նաև ՀՀ վարչապետի տիկին Աննա Հակոբյանը, Երևանի, Գյումրու, Վանաձորի քաղաքապետերը, պաշտոնատար այլ անձինք ու պարզապես Մանսուրյանի արվեստի սիրահարները: Համերգի ընթացքում հնչեց Տիգրան Մանսուրյանի կինոերաժշտությունը՝ Հայաստանի պետական սիմֆոնիկ նվագախմբի կատարմամբ՝ Սերգեյ Սմբատյանի ղեկավարությամբ, դիրիժոր Ռուբեն Ասատրյան:

Մանսուրյանին Շիրակ աշխարհի հետ բարի ու ջերմ հիշողություններ են կապում. Բեյրութից Մանսուրյանների ընտանիքը ժամանակին հենց Շիրակ է ներգաղթում։ Գյումրիում է մաեստրոն ստանում իր առաջին երաժշտական կրթությունը։ Երբեք մեծանուն կոմպոզիտորն առիթը բաց չի թողնում խոսելու ու շնորհակալություն հայտնելու այն քաղաքին ու մարդկանց, ովքեր մեծ դեր են ունեցել իր՝ երաժշտական ճաշակի ձևավորման գործում:

«Ես էապես այս հանրության մի մասն եմ: Այնքան թանկ հիշատակներ ունեմ ես այստեղ մարդկանց հետ կապված: Նրանք, ովքեր բեկումնային դարձրեցին իմ կյանքը: Այնքան դեմքեր ու անուններ կան…Ես խորապես շնորհակալ եմ բոլոր նրանց, ովքեր ուզեցին, որ ես այսօր այստեղ կանգնեմ՝ 40, 50 տարի անց: Նրանք՝ ոչ մեկն անհետ չեն անցել, նրանց մասին ես պատմել եմ իմ երաժշտության մեջ: Ես 1964 թվականին մտա կինոաշխարհ դրանք փոքր ֆիլմեր էին, իսկ 5 տարի հետո եղավ ոչ ավելի- ոչ պակաս Փարաջանովի «Նռան գույնը», «Մենք ենք մեր սարերը» և այլն, ու շատ շուտով ես տեսա, որ իմ ֆիլմերի թիվը 100-ն անցել է: Այդ ֆիլմերի երաժշտությունը ես այստեղից եմ տարել՝ այն իրականությունից, որ ես ապրել եմ այստեղ՝ այս քաղաքում ու Արթիկում: Այս երաժշտությունը ես չեմ հնարել, դրանք գոյություն են ունեցել, իրական են, ես ընդամենը բերել եմ դրանք երաժշտության աշխարհ»,-համերգի ավարտին նշեց մաեստրոն:

Համերգաշարն առիթ է դարձել, որ նորովի նոտագրվեն և հրատարակվեն մաեստրոյի կինոգործերը։ Սա հատկապես ուրախացրել էր մաեստրոյին. «Մի ամբողջ երաժիշտների խումբ է միացել այս գործին՝ նորոգել, գործիքավորել, ընտրել, ֆիլմերից հանել հատվածներ: Աշխատել ենք բոլորով միասին: Մեծ աշխատանք է կատարված»:

Համերգի ավարտին ի նշան երախտիքի Գյումրու քաղաքապետ Սամվել Բալասանյանը Տիգրան Մանսուրյանին նվիրեց Գյումրու խորհրդանիշները՝ գերբը, ֆայտոնի մանրակերտը, ինչպես նաև շնորհակալագիր՝ բոլոր գյումրեցիների անունից:

Համերգի ողջ հասույթը կտրամադրվի Գյումրու արվեստի ու երաժշտական դպրոցներին՝ երաժշտական գործիքների ձեռքբերման և Մանսուրյանի անվան աշակերտական կամերային նվագախմբի ստեղծման նպատակով:

Համերգաշարը ներկայացնում է Երևանի քաղաքապետարանը՝ ՀՀ կրթության, գիտության, մշակույթի և սպորտի նախարարության աջակցությամբ:

Արմենուհի Մխոյան

Լրահոս
All Stars Project երաժշտական խումբը Հայաստանում կկատարի հայտնի դասական գործեր Վրեժ Սարուխանյան․ «Քո՛քդ կտրի, Էյո՛ւբ...» Հենրիկ Էդոյան․ Մի կողմ դիր զրահներդ Հայաստանում կանցկացվեն Եգիպտոսի մշակույթի օրեր Երևանի Զորավոր Սուրբ Աստվածածին եկեղեցի կբերվի Սուրբ Անանիա առաքյալի մասնատուփ-աջը Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները Սուրբ Անանիա առաքյալ «Առավոտ լուսո ձայնը» համերգ Թուրքիայում՝ նվիրված Կոմիտասի 150-ամյակին Մահացել է ֆրանսահայ գեղանկարիչ Ռիշար Ժերանյանը Սիամանթո․ Սուրբ Մեսրոպ՝ Սուրբին աղօթքը Հրաչյա Թամրազյան. Քեզ վաղվա օրն է դրսում սպասում... ՀՀ նախագահի տիկին. «Ես երկու Արմեն Սարգսյան ունեմ» Չեխիայում սուգ է հայտարարվել երգիչ Կարել Գոտի՝ «չեխական սոխակ»-ի մահվան կապակցությամբ Մեզ հետ անարդարացիորեն վարվողը լավություն է անում մեզ «Ջիվան, քո նվագը աղոթք է». դուդուկի վարպետը նշում է ծննդյան 91-ամյակը Հայաստանն առանձին տաղավարով կմասնակցի Ֆրանկֆուրտի գրքի միջազգային ցուցահանդեսին «Շահանե. պոետի գաղտնիքը» մոնոներկայացման պրեմիերան՝ Պարոնյանի թատրոնում Թումանյանը տիրապետում էր երեխաների լեզվին. մեկնարկեց գրողին նվիրված գիտաժողովը Վահան Տերյան. Հեռավոր, անել լեռնագագաթներ Կո­մի­տա­սի մար­դը Շուշիում տեղի կունենա Մարկ Գրիգորյանի «Իմ Ղարաբաղը» ակնարկի քննարկումը «Կյան­քում խղճմ­տան­քես զատ ես ճա­նա­չե­ցի եր­կու այլ դա­տա­վոր­նե­րի ևս՝ Աստ­վա՛ծ և ժո­ղո­վու՛րդ» «Եկեղեցին և ընտանիքը 21-րդ դարում. արժեքներ և մարտահրավերներ» համաժողովի երկրորդ օրը «Կոնկ­րետ պա­հին կա­տար­վա­ծը, ե­թե ան­գամ թվում է պա­տա­հա­կա­նու­թ­յուն, այն­քան էլ պա­տա­հա­կա­նու­թ­յուն չէ» Ամենայն Հայոց Կաթողիկոսն իր խորը մտահոգությունն է հայտնել Սիրիայում ծավալվող ռազմական գործողությունների առիթով Նոբելյան կոմիտեին քննադատել են Հանդկեին մրցանակ տալու համար Եղիշե Չարենց․ Երգ մաքառումի Սիլվա Կապուտիկյան․ Հոգեհանգիստ Նկարիչ շիմպանզե Կոնգոն Արդվիի Սուրբ Կարմիր վանքը փլուզման եզրին է. Գուգարաց թեմի առաջնորդը կրկին ահազանգում է Հայտարարություն «Եկեղեցին և ընտանիքը 21-րդ դարում. արժեքներ և մարտահրավերներ» միջազգային համաժողովի մասնակիցների Աղոթք` ուղղված մեր Տեր Հիսուս Քրիստոսին Գալուստ Գյուլբենկյանի մասին պատմող «Պարոն հինգ տոկոս» գիրքը թարգմանվել է հայերեն Ռուսական դրամատիկական թատրոնը կմասնակցի Աբովյանի ամենամյա թատերական փառատոնին Սիլվա Կապուտիկյանն անցել է ժամանակի քննությունը. մեկնարկեց գրողի հոբելյանին նվիրված նստաշրջանը «Հայաստանի փոքրիկ երգիչները» մենահամերգով հանդես կգա Երևանում «Բարեփոխելով աշխարհը». լավագույն ֆիլմեր և հեռուստանախագծեր Տիգրան Հեքեքյան. Կարծում էինք՝ պետությունը սարի նման պետք է կանգնի մեր մեջքին, բայց նման բան չենք տեսնում Երևանում կկայանա Վաչե Շարաֆյանի «Ռեքվիեմ»-ի համաշխարհային պրեմիերան Գրականության Նոբելյան մրցանակը շնորհել են Օլգա Տոկարչուկին եւ Պետեր Հանդտկեին
website by Sargssyan