USD
EUR
RUB

Համեղ ուտեստներ, երգ ու պար. սահմանամերձ Խաչիկ գյուղում կանցկացվի գաթայի փառատոնը

 

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Սահմանամերձ Խաչիկ գյուղում սեպտեմբերի 21-ին անցկացվելու է գաթայի ամենամյա փառատոնը։ Արդեն 6-րդ անգամ գաթայի սիրահարները հավաքվում են Խաչիկ գյուղում: Նրանք մասնակցում են գաթայի թխման գործընթացին, համտեսում, ծանոթանում համայնքի բնակիչների ստեղծագործ աշխատանքին, ներկայացված բերք ու բարիքին, վայելում բնությունը:

«Արմենպրես»-ի սրահում հրավիրված մամուլի ասուլիսում «Արենի փառատոն» հիմնադրամի ծրագրի կառավարիչ Անի Մավյանը նշեց, որ գաթան սովորական չէ, այն իր չափերով բավական մեծ է: Նախորդ տարի կլոր գաթան ունեցել է 4 մ 30 սմ տրամագիծ, այս տարի այն 20 սմ-ով ավելին է լինելու:

«Փառատոնը միջոցառումներով հագեցած է լինելու, նախատեսված են գաթայի, լավաշի, արիշտայի պատրաստման վարպետաց դասեր: Լինելու է Խաչիկին բնորոշ ուտեստների պատրաստում, առանձին տաղավարներով ներկայացվելու է գյուղի բնակիչների բերքն ու բարիքը, ձեռքի աշխատանքը: Այդ ամենն ուղեկցվելու է երգ ու պարով»,-ասաց Անի Մավյանը:

Փառատոնի հիմնական նպատակն է սահմանամերձ Խաչիկ գյուղում բնակչության կենսամակարդակի բարձրացումը, տնտեսական ակտիվության խթանումը, ինչպես նաև զբոսաշրջության տեսանկյունից գյուղի ճանաչելիությանը նպաստելը:

Խաչիկ գյուղի վարչական շրջանի ղեկավար Հովիկ Սմբատյանը նշեց, որ տարեցտարի այդ բոլոր նպատակներն իրագործվում են:

«Այս տարիների ընթացքում Խաչիկ գյուղը մեծ ճանաչելիություն ձեռք բերեց: Ունեցանք բազմաթիվ այցելուներ, որոնք տեղում ծանոթացան մեր գյուղի զբոսաշրջային հնարավորություններին: Փառատոնը շատ կարևոր է մեզ համար, հավատացեք, մեր բնակիչները փառատոնն ավարտվելու հաջորդ օրվանից սկսում են պատրաստվել հաջորդ միջոցառմանը»,-ասաց համայնքի ղեկավարը:

Խաչիկ գյուղի քահանա տեր Հովհաննես Մաթևոսյանը նշեց, որ գաթայի փառատոնն ամեն տարի մեծ տոնի է վերածվում: Սահմանամերձ գյուղը դառնում է տոնախմբության, հաճելի ժամանակ անցկացնելու, պատմամշակութային արժեքներ բացահայտելու վայր:

«Սա մի հարթակ է, որտեղ սահմանապահ գյուղացին շփվում է զբոսաշրջիկի հետ, սփյուռքահայն է գալիս Հայաստան համտեսելու համեղ ուտեստներ, ծանոթանալու տեղի մշակութային արժեքներին, պարզապես լավ ժամանակ անցկացնելու: Այս տարի գաթայի փառատոնը համընկավ Հայաստանի անկախության տոնի հետ: Մեր անկախ երկրի սահմանները սկսվում են նաև Խաչիկից: Այնպես որ, լավ առիթ է անկախության տոնը նշել հենց սահմանամերձ Խաչիկում»,-ասաց նա:

Զբոսաշրջության պետական կոմիտեի մարքեթինգի և խթանման վարչության խորհրդական Անահիտ Ոսկանյանի խոսքով՝ նման փառատոնները համայնքային զարգացման լուրջ գործոն են:

«Փառատոնի հիմնական խնդիրն այն է, որ վեր հանի գյուղի ազգային, մշակութային արժեքները, նպաստի հանրաճանաչությանը: Շատ կարևոր է, որ նման փառատոնները կազմակերպվում են ոչ միայն մեծ, մարդաշատ քաղաքներում այլ հենց համայնքներում, հեռավոր գյուղերում, որպեսզի ապահովի զբոսաշրջիկների այցելուների հոսք»,-ասաց նա: Բանախոսները վստահ են, որ այցելուների թվի ավելացմամբ համայնքը քիչ-քիչ կլուծի տարբեր տնտեսական, սոցիալական խնդիրներ, կբարձրանա գյուղի կենսամակարդակը: Անահիտ Ոսկանյանը կարևորեց Հայաստանում բազմաթիվ փառատոնների անցկացումը՝ ընդգծելով, որ տարեցտարի փառատոնային ասպարեզում տարբեր հարթակներում տեսանելի ենք դառնում:

Լրահոս
Հովհննես Շիրազ․ Մայրս հաճախ հոգուս մեջ․․․ Դանիել Վարուժան․ Մշակները Անհայտ ճամփեքով, անանուն մի գետ գնում է դեպի անսահմանություն․․․ Մեղք Պետք է սկսելու ցանկություն ունենալ Պատրաստ է հեռարձակման «Դե՛, սպասի՛ր» մուլտֆիլմը Միքայել արքեպիսկոպոս Աջապահյան. Ո՞նց դաստիարակի եկեղեցին, երբ դաստիարակելու հնարավորություն չեք տալիս Ստամբուլում կբացվի հայ և թուրք լուսանկարիչների աշխատանքների ցուցահանդես Հայաստանի պետական սիմֆոնիկ նվագախմբի եվրոպական հյուրախաղերը եվրոպական ԶԼՄ-ների ուշադրության կենտրոնում են «Հովերը» համերգներով հանդես է եկել Սիցիլիայի սիմֆոնիկ նվագախմբի հետ Եղիշե Չարենց․Հայրենիքում Զինվորի աղոթք Հայոց բանակի տոնը մեր ողջ ժողովրդի տոնն է` յուրաքանչյուր ընտանիքի և յուրաքանչյուր անձի. Գարեգին Երկրորդ Ֆրանսիայի քոլեջում գտել են Վիկտոր Հյուգոյի բանաստեղծության ձեռագիր տարբերակը «Եթե ապրում ենք, Տիրոջ համար ենք ապրում» Disney ստուդիան «Առյուծ արքա»-ից հետո պլանավորում է էկրանավորել «Բեմբի» դասական մուլտֆիլմը «Օսկարի» հավակնորդների խմբակային լուսանկարը Զինվորական նվագախումբը բարձր մակարդակով է ներկայանում՝ ամենուր թողնելով իր հետքը. Արմեն Պողոսյան Զապել Եսայան․ Մեր տունը Սիրելը մարդ արարածի կոչումն է Վիլյամ Սարոյան․ Խաղողի տերևով տոլմա Ս. Սարգիսը հայ ժողովրդի ամենասիրված սրբերից է Եվրոպայի ամենամեծ գիրքը «Արտասահմանյան արտիստների համերգաշար» Երբեմն ուզում եմ երիտասարդ տարիքի թռիչքին մեկ անգամ էլ հասնել.Տիգրան Մանսուրյանը 81 տարեկան է «Թող Տիրոջ փառքը հավիտյան լինի, և Տերն ուրախանա Իր արարածներով» «Արա Մալիկյան.կյանք՝ լարերի արանքում» Միշել Օբաման արժանացել է «Գրեմմի» մրցանակի Լևոն Խեչոյան. Քամին ու ճայերը Ռուբեն Հովսեփյան․ Ամառ էր, կիրակի Տիգրան Մանսուրյան. «Ժամանակակից դասականներ» փառատոնը հայ երաժիշտներին ներշնչող, ստեղծագործական եռանդի մղող մի փառավոր իրադարձություն է» Դանիել Վարուժան․ Արտերուն հրավերը Անցյալն ասես գիրք լինի, որն անընդհատ վերընթերցում ես. Գուրգեն Խանջյանը նշում է ծննդյան 70-ամյակը Ուշագրավ թումանյանական հրատարակություն «Հայաստանի Հանրապետություն» օրաթերթ. Կոմիտասի եւ Արշակ Չոպանյանի առաջին հանդիպումը Փարիզում Հայրապետական սրբատառ կոնդակով հռչակվեց Բալթյան երկրների հայոց թեմը Ֆրանչիսկոս Պապ .«Նախանձը օճառի փրփուրի նման կ՝անհետանայ, սակայն չարիքներու պատճառ կը դառնայ:» «Ո՜ւշ-ո՜ւշ են գալիս, բայց ո՛չ ուշացած». այսօր Պարույր Սևակի ծննդյան օրն է Հայաստանի պետական սիմֆոնիկ նվագախումբը հաղթել է բանակցություններում Կարդում է Պարույր Սևակը․ «Վարք մեծաց»
website by Sargssyan