USD
EUR
RUB

Անատոլի Եվդոկիմովի երևանյան շոուն

 

ԵՐԵՎԱՆ, 23 ՍԵՊՏԵՄԲԵՐԻ, Irates.am: Նոյեմբերի 15-ին Երևանի Հովհ. Թումանյանի անվան պետական տիկնիկային թատրոնում ժամը 19:00-ին և «Գալերեա» ակումբում ժամը 22:00-ին իր տեսարժան շոուով ելույթ կունենա ինքնատիպ արտիստ, շոումեն Անատոլի Եվդոկիմովը` «Եվդոկիմով շոու» հանրահռչակ պարոդիայի թատրոնի գեղարվեստական ղեկավարը: 1 դերասան՝ 1000 կերպար: Իհարկե, ելույթը լինելու է ոչ միայն Եվդակիմովի, այլ նրա ողջ թատերախմբի մասնակցությամբ:

«Եվդակիմով շոուն» պարային, թատերականացված ներկայացում է, որի ընթացքում նաև ճանաչված մարդկանց նմանակումներ են կատարվում: Նմանակումների հայտնի շոուն արդեն նվաճել է եվրոպացիներին ու ամերիկացիներին: Նրանք հեշտությամբ ելույթ են ունենում ինչպես մեծ, այնպես էլ ակումբային բեմերում: «Եվդոկիմով շոուն» ներկայացնում են 8 վառ ծրագիր-ներկայացում՝ Գեթսբի, Դիսկո, Կինո, Տարվա երգ, Հելոուին կամ ուրբաթ 13, Հեքիաթներ, Դիվաս ոճերում (յուրաքանչյուրը 45 րոպե տևողությամբ` առանց դադարի): Իրապես վառ, որակյալ և գլխավորը՝ պրոֆեսիոնալ շոու կարելի է տեսնել հիմնականում խոշոր քաղաքներում: Հյուրախաղերի ընթացքում դերասանները, չնչին բացառությամբ, ներկայացնում են բավականին համեստ ծրագրեր. անկախ բնակության վայրից՝ հանդիսատեսը սիրում է գեղեցկություն և սեքսուալություն: Եկել է ժամանակը, երբ հանրությունը ցանկանում է տեսնել այնպիսի բեմականացում, որը կցնցի, կհիացնի, կոգևորի և կհրահրի: Հանդիսատեսն ուզում է էմոցիաներ, տպավորություններ և տոնի չընդհատվող զգացում: Այդ ամենը բնորոշ է Անատոլի Եվդոկիմովի շոուին, որը Ռուսաստանում միակն է, որ որպես երկրի լավագույն շոու 2 անգամ արժանացել է NIGHT LIFE AWARDS մրցանակին: Անատոլի Եվդոկիմովի ստեղծագործական կենսագրությունը սկսվել է մինչ սեփական շոու հիմնելը: Նրա առաջին ելույթները մենաներկայացումներ էին. բեմում մարմնավորել է այնպիսի հանրահայտ երգչուհիների, ինչպիսիք են, օրինակ, Թոնի Բրեքսթոնը, Ուիթնի Հյուսթոնը, Թինա Թյորները, որոնց ձայները «կոտրում» են միլիոնավոր մարդկանց սրտեր: Այնուհետև նա եղել է «Фабрика Грез» կոլեկտիվի մենակատարը: Եվ ահա 4 տարի առաջ Անատոլին ստեղծեց շոու, որում նա ոչ միայն մենակատար է, այլև՝ գեղարվեստական ղեկավար, ռեժիսոր, ոճաբան և կոստյումների դիզայներ: Սկզբում նա չէր էլ ենթադրում, որ նմանակելու է, օրինակ Մաշա Ռասպուտինային, սակայն վերջինիս կերպարանավորելուց հետո հայտնվեցին Պիեխան, Գուրչենկոն, Ռոտարուն… Այդպես ծնվեցին «DIVAS SHOW» և «ПЕСНЯ ГОДА» ծրագրերը:

«Ես երկար եմ աշխատում յուրաքանչյուր կերպարի վրա, դիտում եմ տեսագրությունները, անձամբ փորձարկում, առանձնացնում բնորոշ շարժումները: Կան շատ էմոցիոնալ և ինքնատիպ արտիստներ, օրինակ՝ Թինա Թյորները, որոնց հեշտ է նկատել: Բայց կան նաև այնպիսիները, որոնց ներկայացնելը դյուրին չէ: Ստիպված ես լինում գտնել նուրբ երանգներ: Իսկ ամենամեծ հաճոյախոսությունը լինում է այն, որ համերգից հետո հանդիսատեսը մոտենում և շնորհակալություն է հայտնում սեփական աչքերով Ուիթնի Հյուսթոնին, Էդիթ Պիաֆին, Մադոննային, Էդիտա Պիեխային ու Սոֆիա Ռոտարուին տեսնելու համար»,-ասում է Անատոլին: Անատոլի Եվդոկիմովի շոուն համարձակորեն կարելի է անվանել Ռուսաստանում ամենաթանկարժեքներից մեկը, քանզի դրանում օգտագործվում են ձեռագործ հանդերձանք, հատուկ շոուի համար մշակված ինքնատիպ կոստյումներ, անհամար քանակությամբ բյուրեղներ և որ ամենակարևորն է՝ բեմում են լինում հավերժ երիտասարդ կանայք: 2010 թվականի ամռանը Անատոլի Եվդոկիմովը ներկայացրեց «Եվդոկիմով շոու»-ի նորացված կազմը, որում տղամարդկանց բալետից բացի ներգրավվել են նաև երկու աղջիկներ: Մարգարիտան և Օլգան ոչ միայն բարձրակարգ պարուհիներ են, այլև՝ գեղեցկության բազմաթիվ մրցույթների դափնեկիրներ: Այդ վճռական քայլը ավելի վառ երանգներ, դիտարժանություն, դինամիկություն և գեղագիտություն են հաղորդել «Եվդոկիմով շոու»-ին, իսկ տղամարդ հանդիսատեսները արժանիորեն գնահատել են աղջիկների գեղեցկությունը:

Անատոլի Եվդոկիմովը վաղուց արդեն դուրս է եկել ակումբային բեմի սահմաններից. Նրա ներկայացումներն անցնում են համերգային մեծ դահլիճներում: 2007 թվականին տեղի ունեցավ երկար սպասված մոսկովյան մենահամերգը և «Սաունդթրեք» նոր շոուի շնորհանդեսը, իսկ արդեն 2008 թվականի մարտի 8-ին կանանց համար նոր ծրագրով հանդես եկան, որը կոչվում էր «Էվոլյուցիա, կամ կինը՝ տղամարդու աչքերով»: 2009-ի ձմռանը Անատոլի Եվդոկիմովը ներկայացրեց «Ամանորյա հրավառություն» շոուն, որը պատրաստվել էր «Ձնե թագուհին» հեքիաթի հիման վրա: 2010 թվականի սկիզբը նշանավորվեց Եվդոկիմովի ու Նայոմի Քեմբլի , ինչպես նաև Վլադիմիր Դորոնինի ծանոթությամբ: Վերջիններս անձամբ «Եվդոկիմով շոու»-ին հրավիրեցին Շվեյցարիա: Այս թիմը հյուրախաղերով հանդես է եկել շուրջ 30 երկրներում, այդ թվում՝ ԱՄՆ-ում և Կանադայում: Ամենուր նրանց ներկայացումները հաջողություններով են պսակվել: Դիզայներ Մարկ Յակոբսը Եվդոկիմովին առաջարկել է դառնալ իր համաշխարհային սոցիալական կայքի դեմքը: Այսօր «Անատոլի Եվդոկիմով» շոուն արագորեն ժողովրդականություն է ձեռք բերում`ելույթ ունենալով Մոսկվայում և ընդլայնելով ամբողջ աշխարհում իր հյուրախաղային երթուղին: Այս թիմը հանդիսատեսին պարգևում է նոր զգացողություններ և հույզեր, էներգիա, երջանկության ու սիրո մթնոլորտ՝ հանրությանը ստիպելով մանկան պես անկեղծ հրճվանք ապրել: Այնպես որ, այն լիովին արժանի է «Երկրի սիրելի շոու» կոչմանը:

 

Լրահոս
All Stars Project երաժշտական խումբը Հայաստանում կկատարի հայտնի դասական գործեր Վրեժ Սարուխանյան․ «Քո՛քդ կտրի, Էյո՛ւբ...» Հենրիկ Էդոյան․ Մի կողմ դիր զրահներդ Հայաստանում կանցկացվեն Եգիպտոսի մշակույթի օրեր Երևանի Զորավոր Սուրբ Աստվածածին եկեղեցի կբերվի Սուրբ Անանիա առաքյալի մասնատուփ-աջը Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները Սուրբ Անանիա առաքյալ «Առավոտ լուսո ձայնը» համերգ Թուրքիայում՝ նվիրված Կոմիտասի 150-ամյակին Մահացել է ֆրանսահայ գեղանկարիչ Ռիշար Ժերանյանը Սիամանթո․ Սուրբ Մեսրոպ՝ Սուրբին աղօթքը Հրաչյա Թամրազյան. Քեզ վաղվա օրն է դրսում սպասում... ՀՀ նախագահի տիկին. «Ես երկու Արմեն Սարգսյան ունեմ» Չեխիայում սուգ է հայտարարվել երգիչ Կարել Գոտի՝ «չեխական սոխակ»-ի մահվան կապակցությամբ Մեզ հետ անարդարացիորեն վարվողը լավություն է անում մեզ «Ջիվան, քո նվագը աղոթք է». դուդուկի վարպետը նշում է ծննդյան 91-ամյակը Հայաստանն առանձին տաղավարով կմասնակցի Ֆրանկֆուրտի գրքի միջազգային ցուցահանդեսին «Շահանե. պոետի գաղտնիքը» մոնոներկայացման պրեմիերան՝ Պարոնյանի թատրոնում Թումանյանը տիրապետում էր երեխաների լեզվին. մեկնարկեց գրողին նվիրված գիտաժողովը Վահան Տերյան. Հեռավոր, անել լեռնագագաթներ Կո­մի­տա­սի մար­դը Շուշիում տեղի կունենա Մարկ Գրիգորյանի «Իմ Ղարաբաղը» ակնարկի քննարկումը «Կյան­քում խղճմ­տան­քես զատ ես ճա­նա­չե­ցի եր­կու այլ դա­տա­վոր­նե­րի ևս՝ Աստ­վա՛ծ և ժո­ղո­վու՛րդ» «Եկեղեցին և ընտանիքը 21-րդ դարում. արժեքներ և մարտահրավերներ» համաժողովի երկրորդ օրը «Կոնկ­րետ պա­հին կա­տար­վա­ծը, ե­թե ան­գամ թվում է պա­տա­հա­կա­նու­թ­յուն, այն­քան էլ պա­տա­հա­կա­նու­թ­յուն չէ» Ամենայն Հայոց Կաթողիկոսն իր խորը մտահոգությունն է հայտնել Սիրիայում ծավալվող ռազմական գործողությունների առիթով Նոբելյան կոմիտեին քննադատել են Հանդկեին մրցանակ տալու համար Եղիշե Չարենց․ Երգ մաքառումի Սիլվա Կապուտիկյան․ Հոգեհանգիստ Նկարիչ շիմպանզե Կոնգոն Արդվիի Սուրբ Կարմիր վանքը փլուզման եզրին է. Գուգարաց թեմի առաջնորդը կրկին ահազանգում է Հայտարարություն «Եկեղեցին և ընտանիքը 21-րդ դարում. արժեքներ և մարտահրավերներ» միջազգային համաժողովի մասնակիցների Աղոթք` ուղղված մեր Տեր Հիսուս Քրիստոսին Գալուստ Գյուլբենկյանի մասին պատմող «Պարոն հինգ տոկոս» գիրքը թարգմանվել է հայերեն Ռուսական դրամատիկական թատրոնը կմասնակցի Աբովյանի ամենամյա թատերական փառատոնին Սիլվա Կապուտիկյանն անցել է ժամանակի քննությունը. մեկնարկեց գրողի հոբելյանին նվիրված նստաշրջանը «Հայաստանի փոքրիկ երգիչները» մենահամերգով հանդես կգա Երևանում «Բարեփոխելով աշխարհը». լավագույն ֆիլմեր և հեռուստանախագծեր Տիգրան Հեքեքյան. Կարծում էինք՝ պետությունը սարի նման պետք է կանգնի մեր մեջքին, բայց նման բան չենք տեսնում Երևանում կկայանա Վաչե Շարաֆյանի «Ռեքվիեմ»-ի համաշխարհային պրեմիերան Գրականության Նոբելյան մրցանակը շնորհել են Օլգա Տոկարչուկին եւ Պետեր Հանդտկեին
website by Sargssyan