USD
EUR
RUB

20 տարի անց լեգենդար անսամբլը հյուրախաղերի էր մեկնել ամենամոտ հարեւան երկիր

 

ԵՐԵՎԱՆ, 4 ՀՈԿՏԵՄԲԵՐԻ, Aravot.am: «Առավոտը» Հայաստանի պարի պետական վաստակավոր անսամբլի ֆեյսբուքյան էջից տեղեկացավ, որ վերջերս, շուրջ 20 տարվա ընդմիջումից հետո, կոլեկտիվը մենահամերգ է ունեցել Թբիլիսիի Շոթա Ռուսթավելու անվան դրամատիկական թատրոնում:

Երեկոյին ներկա են գտնվել Վրաստանի կառավարության անդամներ, խորհրդարանի մեկ տասնյակից ավելի պատգամավորներ, շուրջ չորս տասնյակ երկրների դեսպաններ, միջազգային կազմակերպությունների ներկայացուցիչներ, հոգեւոր այրեր, հայ ու վրաց հասարակական, քաղաքական, մշակութային գործիչներ:

Մեզ հետ զրույցում անսամբլի տնօրեն Էրիկ Չանչուրյանը ավելացրեց ցանկը, հիշատակելով Վրաստանի պարարվեստի միության 35 խորեոգրաֆների, տեղի մշակույթի նախարարության երեք տասնյակից ավելի աշխատակիցների, վիրահայ համայնքի ներկայացուցիչների անունները, հետո էլ հավելեց. «Բացման խոսքով հանդես եկան Վրաստանի փոխվարչապետ Մայա Ցկիտիշվիլին, պետնախարար Քեթեւան Ցիխելաշվիլին, խորհրդարանի փոխնախագահ Գեորգի Վոլսկին: Եվ քանի որ համերգն անցկացվում էր Հայաստանի անկախության 28-ամյակին նվիրված միջոցառումների շրջանակում, բարձրաստիճան պաշտոնյաները ողջունեցին ու շնորհավորեցին տոնի առիթով, որը իսկապես մեր ժողովրդի պատմության եւ պայքարի կարեւոր ու թանկ ձեռքբերումներից է»:

Իսկ թե ինչո՞ւ տասնամյակներ հետո միայն ազգային վառ ու ինքնատիպ դիմագծով, հայ պարարվեստի նմուշներն իր լավագույն դրսեւորումներով աշխարհին ներկայացրած, 60 տարին բոլորած լեգենդար անսամբլը կրկին հյուրախաղերի մեկնec ամենամոտ հարեւան երկիր, պարոն Չանչուրյանը շրջանցելով հարցը, ընդամենը նշեց, որ հրավերը ստացել են Վրաստանում ՀՀ դեսպան Ռուբեն Սադոյանից:

Մեր զրուցակիցը հավելեց նաեւ, որ առաջիկայում անսամբլը կմեկնի Արցախ, հանդես կգա զորամասերում եւ Ստեփանակերտի Երիտասարդության մշակույթի կենտրոնում: Պարի պետականի գլխավոր բալետմայստեր, ՀՀ վաստակավոր արտիստ Ասատուր Կարապետյանն էլ հայտնեց, որ ներկայացել են 18 բեմադրություններից բաղկացած ամբողջական ծրագրով եւ հատուկ շեշտեց, թե ընդգրկված է եղել իր խորեոգրաֆիայով «Կոմիտասյան էսքիզները», որը մշակել է կոմպոզիտոր, արվեստի վաստակավոր գործիչ, անսամբլի գործիքային մասի ղեկավար Հայկ Գրիգորյանը:

Ի դեպ, հայաստանցի հանդիսատեսին «Կոմիտասյան էսքիզները» ծանոթ է դեռեւս մարտից՝ Վարդապետի ծննդյան հոբելյանին նվիրված անսամբլի համերգից: «Մեր այս համերգը բացի տոնական լինելուց, ուներ մեկ առաքելություն եւս՝ Սփյուռքում ապրող մեր հայրենակիցների մոտ բարձրացնել ինքնապահպանման ոգին: Համերգի ընթացքում իսկապես չդադարող ծափողջույններից բացի, գոհունակության եւ շնորհակալական խոսքեր հնչեցին նաեւ ելույթից հետո, թատրոնի ետնաբեմում: Իսկ Երեւան վերադառնալուց հետո, երբ դիտում էի տեսագրությունը, նկատելի էր, որ հանդիսատեսը հուզմունքից արտասվում էր…»,- հայտնեց Ասատուր Կարապետյանը:

Սամվել ԴԱՆԻԵԼՅԱՆ

Լրահոս
Փաստորեն՝ կրկնօրինակում ենք ռուսների՞ն Վահագն Դավթյան․ Տերև են այրում Վահագն Մուղնեցյան. Մեռյալ կետ Աղոթքի մեջ պետք է հաստատակամ ու համբերող լինել Գայ­թակ­ղութ­յան ծա­ռը (ճա­նա­չո­ղու­թ­յան օգ­տա­կար մի բա­նա­լի` «Գաղտ­նիք­նե­րի գր­քից») «Լենկոմ» թատրոնն ստացել Է Մարկ Զախարովի անունը Հովհաննես Թումանյանի կյանքն ու գործունեությունը՝ 2D մուլտֆիլմ ձևաչափով Հայաստանի պետական սիմֆոնիկ նվագախումբը հանդես կգա Շնիտկեի 85-ամյակին նվիրված համերգով Նոր գրքեր, համերգներ, վարպետության դասեր. Երևանում մեկնարկեց Գրքի երրորդ փառատոնը Վերջին տաս տարում նկարահանված ֆիլմերի լավագույն երգերը «Ամոթ ինձ. Shame on me» Սուրբ Աստվածածնի բարեխոսության աղոթք Երուխան․ Կուզը Աստվածածնի ընծայման տոնի քարոզ Սեր, խնդություն, խաղաղություն, համբերություն Ռուսական թատրոնի բեմ կբարձրանա «Խառը զգացմունքներ» ներկայացումը Եվգենի Պետրոսյան. Պրոֆեսիոնալ բեմում եմ 1962 թվականից, ինչն այս ժանրում ռեկորդ է Ֆրիդա Կալոյի կտավն աճուրդում վաճառվել է 5,8 մլն դոլարով՝ դառնալով նրա երկրորդ ամենաթանկ վաճառված աշխատանքը Ազգային պատկերասրահն ու Ռումինիայի հայոց թեմի առաջնորդարանը համատեղ բազմաշերտ ծրագրեր կիրականացնեն Կոնստանտին Օրբելյանը «Գրեմմիի» հավակնորդ է Կոմպոզիտորների միության աշնանային ծրագրերը «Տրոյա․առասպել և իրականություն»․ Լոնդոնում բացված մասշտաբային ցուցահանդեսը «վերակենդանացնում» է Տրոյան և նրա հետ կապված առասպելները Բարեգործական համերգ կանցկացվի հաշմանդամության միջազգային օրվա կապակցությամբ Հրաչյա Թամրազյան․ Կյա՜նք` դու զգում ես ինձ․․․ Վահն Տերյան․ Հրաժեշտի խոսքերից Նաղաշ Հովնաթան. Տաղ ի վերայ Գուրջստանայ գօզալներին Ռուբեն Որբերյան․ Հին տնակս Նավումի մարգարեությունը Հախնազարյանները՝ մեկ բեմում Մարզական պարերի առաջնություն. 300 մասնակից Հայաստանից, Արցախից, այլ երկրներից Սերգեյ Սմբատյանն ու Մալթայի ֆիլհարմոնիկ նվագախումբը հանդես կգան Մոսկվայի հեղինակավոր համերգասրահներում Մոսկվայում ժամանակավորապես կհայտնվի հայ ճարտարապետների նախագծած ամառային կինոդահլիճը Կարպիս Սուրենյան. Մայրենի լեզու և թարգմանություն Վրեժ Իսրայելյան․ Ես, մուսան և անդունդը Մենք մեր երկ­րում պե­տա­կան մա­կար­դա­կով վտան­գում ենք հա­յե­րե­նը «Վկայություններ կան, որ կարևոր որոշումներ կայացնելիս մեր պետության ղեկավարները պարտադիր առանձնազրույց են ունեցել այս կամ այն գրողի հետ» Գոհար Գասպարյանի անվան մեներգիչների համահայկական մրցույթը Դիարբեքիրի կիսաավեր հայկական եկեղեցին ոչնչանալու վտանգի տակ է. Ermenihaber Գրքի Երևանյան փառատոնի մեկնարկը՝ շուտով Օրհ­նե­ցե՛ք ձեզ հա­լա­ծող­նե­րին, օրհ­նե­ցե՛ք և մի՛ ա­նի­ծեք
website by Sargssyan