USD
EUR
RUB

Սերգեյ Սմբատյանը հավանել է արհեստական բանականության մշակած երաժշտությունը

 

ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր, WCIT համաշխարհային նվագախմբի ղեկավար Սերգեյ Սմբատյանը տպավորված է Հանրապետության Հրապարակում հոկտեմբերի 6-ին կայացած համերգով և արհեստական բանականության կողմից մշակված երաժշտությամբ:

«Արմենպրես»-ի հետ զրույցում Սմբատյանը կիսվել է իր տպավորություններով ու պատմել նվագախմբի հետագա ծրագրերի մասին:

- Պարոն Սմբատյա՛ն, Տեղեկատվական տեխնոլոգիաների համաշխարհային համաժողովի շրջանակում ստեղծված WCIT նվագախումբը ազդարարեց Երևանում WCIT-2019 համաժողովի մեկնարկը: Որպես նվագախմբի ղեկավար, համերգից ձեր սպասելիքներն արդարացա՞ն:

- Համերգն ավելի քան կայացավ, որովհետև մենք խոսում ենք միջազգային նվագախմբի մասին. հյուրեր, Հայաստան, լեփ-լեցուն հրապարակ, դասական երաժշտություն, 15 երկրի էքսկուրս: Մենք միջազգայնացման խնդիր ենք լուծել նաև, այսինքն՝ համերգն ավելի քան կայացավ: Ես չէի սպասում, որ մեր հանդիսատեսը հրապարակում կարող է այդքան բուռն ողջունել Խաչատրյանի վալսը: Մենք միշտ բողոքում ենք, որ շատերը լսում են ոչ որակյալ երաժշտություն, բայց երեկվա հանդիսատեսից, մի քանի հազար մարդուց ողջույնը երբ լսեցի Խաչատրյանի վալսի մեկնարկի ժամանակ, ինձ տվեց վստահություն, որ մենք շատ լավ ապագա ունենք:

- Համերգի ընթացքում իրական ժամանակում նվագախումբը ձեր ղեկավարությամբ կատարեց արհեստական բանականության մշակած երաժշտությունը: Երաժշտության «հեղինակ» ռոբոտը նշեց, որ իրեն այն շատ է դուր եկել: Իսկ դուք հավանեցի՞ք արհեստական բանականության մշակած երաժշտությունը:

- Ես ավելի քան հավանեցի: Արհեստական բանականության, արհեստական տաղանդի երաժշտությունը, խոսքը, երաժշտության մոդելինգի մասին է: Երաժշտության մոդելը մեզ մոտ աշխարհում աննախադեպ արդյունքի է: Համակարգիչը ստեղծում է հայկական երաժշտություն: Վե՛րջ: Ծրագիրը մտածում է հայերեն և ստեղծում է հայերեն երաժշտություն: Դա ավելի քան մեծ ձեռքբերում է: Հայաստանը արվեստի ոլորտում այսօրվա ՏՏ աշխարհում, և արհեստական բանականության ամենաքննարկվող թեմայում ունի այն առաջարկը, որը ոչ ոք չէր արել:

- Մտավախություն չունե՞ք, որ արհեստական բանականությունը կարող է առաջիկայում զբաղեցնել կոմպոզիտորների տեղը:

- Կոմպոզիտորներ կան, որոնց տեղը լավ կլինի, որ արհեստական բանականությունը զբաղեցնի: Արհեստական բանականության խնդիրն այն չէ, որ որևէ բան անի ավելի լավ: Մենք հիմա առաջինն ենք աշխարհում, որ մեր երաժշտությունը վերլուծել ենք, ու ստացել ենք դրա ներդաշնակության ալգորիթմը: Մենք գիտենք մեր երաժշտության արմատները, և թե ինչպես են դրանք աշխատում: Երեկվա համերգն ու հանդիսատեսը փաստեցին, որ մենք գնում ենք առաջ, և առաջ ենք գնում արվեստով, ինչ ինձ համար մեծագույն ձեռքբերում է ու պատիվ:

- Ապագայի հետ կապված WCIT նվագախումբն արդեն ունի՞ համերգային ծրագրեր:

-Դեռ ոչ, բայց հուսով եմ, որ կունենա, որովհետև այսօր նաև WCIT-ի նախագահությունը փաստեց, որ ամենամասշտաբային բացումն էր, և ես, որպես երաժիշտ պետք է փաստեմ, որ մեզ համար ամենամեծ ձեռքբերումն այն էր, որ IT աշխարհի օլիմպիական խաղերը մեկնարկեցին դասական երաժշտությամբ: Դա Հայաստանի համար շատ մեծ հաջողություն էր, և շատ մեծ հույս ունեմ, որ այն ընթացք կունենա, որովհետև իսկապես մեծ թռիչք էր դեպի առաջ, որ մենք կարողանում ենք միջազգային հարթակում լինել առաջինը, առաջարկել այն կոնտենտը, որը հույս ունեմ, որ պետք է զարգանա, և շատ լինի:

Հարցազրույցը՝ Նորայր Շողիկյանի

Լուսանկարները՝ Հայկ Մանուկյանի

Լրահոս
Ամփոփվեց մանկագիրների և նկարազարդողների մրցույթը. ներկա էր Նունե Սարգսյանը «Պատգամ» հոբելյանական երեկո՝ նվիրված Սոս Սարգսյանի ծննդյան 90-ամյակին Եղիշե Չարենց. Այրած երգեր Կոմիտասյան հոբելյանական համերգ Հռոմում Համո Սահյան․ Ես կուզեի․․․ Սուրբ Հակոբ Մծբնեցի հայրապետ. հոգեշահ քարոզիչը «Ավետիսը» աշխարհահռչակ դաշնակահարին հրավիրել է Երեւան Հովհննես Երանյան․ Գորտը, կամ սցենար նկարահանված ֆիլմի համար Վիլյամ Սարոյան. Այդ օրը Հայաստան են ժամանում միջազգային կինոարտադրության ոլորտում փորձառու և անվանի կինոգործիչներ 44 000 տարվա պատմություն. Ինդոնեզիայում հայտնաբերվել են մարդկանց կողմից արված հնագույն որմնանկարները Երևանի պետական կամերային երգչախումբը վեցերորդ համերգով ամփոփեց Կոմիտասին նվիրված ելույթները Ամենայն Հայոց Կաթողիկոսը ողջունել է ԱՄՆ Սենատի բանաձևը Հայոց Ցեղասպանության վերաբերյալ Ամանորի տոներին մի շարք թատրոններ ու թանգարաններ կաշխատեն «Պետք է գնա­հա­տել, սի­րել մեր կող­քին ապ­րող կոմ­պո­զի­տո­րին» «Ինչ ցան­կա­նում եք, որ մար­դիկ ձեզ ա­նեն, նույնն էլ դուք ա­րեք նրանց» Աղոթքը «դատ է դատաստանից առաջ» Չաքմաքչյանի «Քայլող մարդը» հնարավոր է տեղադրվի Հյուսիսային պողոտայի՝ Աբովյան փողոցին հարող տարածքում Թումանյանը՝ հայերեն և վրացերեն. Թբիլիսիում լույս է տեսել միանգամից երեք գիրք Մաքսիմ Վենգերով. Հայաստանը գալը նշանակալի և հաճելի իրադարձություն է Հովհաննես Թումանյան. Երկինք ու երկիր Սամվել Սևադա․ Ահա և վերջի սկիզբը․․․ Յուսուպ Ռազիկովի «Սուսերով պար» ֆիլմի հայաստանյան մեծ պրեմիերան՝ վաղը Օրհնեցե՛ք Տիրոջ անունը Տիրոջ տանը գտնվողներ «Հայաստանի Հանրապետություն» օրաթերթ. Ո՞րն էր Չարենցի ու Բակունցի միջեւ տարաձայնության պատճառը Ջութակահար Դիանա Ադամյանը՝ «Համագործակցության դեբյուտներ» միջպետական մրցանակի դափնեկիր Հովհաննես Երանյան. Երեք ամիս հետո Պոլսոյ Պատրիարք դառնալու աւելի մեծ հնարաւորութիւն ունի Սահակ Սրբազան Մաշալեանը Պարույր Սևակ․ Լույսի աղբյուրը Երանելի Մայր սուրբ Թուրքիոյ Հայոց 85-րդ Պատրիարքի ընտրութեան առաջին քայլը. մամլոյ հաղորդագրութիւն Հայտնի են «Ոսկե գլոբուսի» անվանակարգորդները «Լավագույն օտարերկրյա ֆիլմ» կատեգորիայում Հաջորդ տարի Արցախում կանցկացվի «Թատերական Արցախ» փառատոն. Հակոբ Ղազանչյան Օծվել է Ներքին Գետաշեն գյուղի Ս.Գրիգոր Լուսավորիչ եկեղեցին «Իմ հայկական անունը Միքայել է». Երևանում ծնված Էրմիտաժի տնօրենը ռուսական հեռուստատեսությանը ներկայացրել է Երևանը Հռոմում ներկայացվել է «Կորսված Հայաստան. ճամփորդություն մի ժողովրդի հիշողության մեջ» գիրքը Հայ ընթերցողին է ներկայացվել Շառլ Ազնավուրի «Մեղմ շշուկով» գիրքը «Հայրենիքի և ընտանիքի գաղափարները Մայր Աթոռ Սուրբ Էջմիածնի հրատարակություններում» գիտաժողով Մայր Աթոռում Չարենցն ու Կոմիտասը Կարսում բացվել է «Անի. Քարե պոեզիա» խորագրով ցուցահանդեսը, Կարո Փայլանը կոչ է արել «անպայման այցելել»
website by Sargssyan