Գրականության ոլորտում այս տարի երկու հոգու Նոբելյան մրցանակ կշնորհվի

Գրականության ոլորտում այս տարի երկու հոգու Նոբելյան մրցանակ կշնորհվի

ԵՐԵՎԱՆ, 9 ՀՈԿՏԵՄԲԵՐԻ, Irates.am: Մեկնարկել է Նոբելյան շաբաթը

Ստոկհոլմում մեկնարկել է նոբելյան շաբաթը, առաջիկա մի քանի օրերին պարզ կլինի, թե ամենատարբեր ոլորտներում ովքեր մրցանակի կարժանանան: Բժշկության և ֆիզիոլոգիայի ոլորտի Նոբելյան մրցանակակիրների անուններն, օրինակ, հայտնի են: «Բջիջների ադապտացման ժամանակ թթվածնի անբավարարությունը» հետազոտության համար մրցանակի են արժանացել Ուիլյամ Քելինը, Փիթեր Ռեթքլիֆը և Գրեգ Սեմենզան: Այս մասին տեղեկանում ենք «Նոբելյան մրցանակ»-ի Twitter-ի պաշտոնական էջից:
Նշենք, որ այսօր հայտնի է լինելու, թե քիմիայի ոլորտում ով է մրցանակակիր դառնում, իսկ վաղը՝ հոկտեմբերի 10-ին, մեկ տարվա ընդմիջումից հետո մրցանակ է տրվելու է նաև գրականության ոլորտում:

Նախորդ տարի, հիշեցնենք, Նոբելյան հանձնաժողովը հայտարարել էր՝ գրականության ոլորտում նոբելյան մրցանակ չի հանձնելու: Հանձնաժողովականները դա պատճառաբանել էին շվեդական ակադեմիայում տեղի ունեցած սեռական ոտնձգության սկանդալով: Նշենք, որ 75 տարվա ընթացքում առաջին անգամն էր, որ ժյուրին ամենահեղինակավոր գրական մրցանակը չէր հանձնել: Այս տարի սակայն գրականության ոլորտում երկու հաղթողի անուն է հնչելու։

Հետևեք մեզ նաև Telegram-ում