USD
EUR
RUB

Սիլվա Կապուտիկյանն անցել է ժամանակի քննությունը. մեկնարկեց գրողի հոբելյանին նվիրված նստաշրջանը

 

ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Սիլվա Կապուտիկյանի հարյուրամյակի կապակցությամբ հոկտեմբերի 10-ին ՀՀ ԳԱԱ Մ. Աբեղյանի անվան գրականության ինստիտուտում տեղի ունեցավ գրողի հոբելյանին նվիրված գիտաժողով:

«Արմենպրես»-ի թղթակցի հետ զրույցում Գրականության ինստիտուտի տնօրեն Վարդան Դևրիկյանն ասաց, որ գիտաժողովն իր կարևոր նպաստն է բերում Կապուտիկյանի ստեղծագործությունների ամբողջական ուսումնասիրման գործում:

«Սիլվա Կապուտիկյանի ժառանգությունը միշտ ուսումնասիրվել է իր ժամանակի համատեքստում. գիտաժողովի կարևոր նորույթներից մեկն այն է, որ Կապուտիկյանի ստեղծագործությունը դիտարկվում է նախորդող շրջանի հայ գրականության համատեքստում. օրինակ` քնարերգությունը` հայ միջնադարյան սիրերգության հետ, ուղեգրությունները` հայ միջնադարյան ուղեգրությունների հետ»,-շեշտեց տնօրենը:

Նա նշեց, որ անդրադառնալու են նաև Կապուտիկյանի գործերի արդիականությանը: «Ասում են, որ ամենամեծ դատավորը ժամանակն է: Կապուտիկյանը դիմացել է ժամանակի քննությանն, ու նրա բանաստեղծությունն իր անմար հմայքով, գեղարվեստական արժանիքներով հուզում է անգամ այսօրվա ընթերցողի սիրտը: Եկել է Սիլվա Կապուտիկյանի հավերժության ժամանակաշրջանը, երբ մենք վեր ենք կանգնում ժամանակի կենսագրական հատկանիշներից, ժամանակի գաղափարական, քաղաքական վեճերից և մնում է մաքուր ստեղծագործությունը»,-ընդգծեց Դևրիկյանը:

Նա հավելեց, որ անդրադարձ են կատարելու նաև Կապուտիկյանի հրապարակախոսությանը և դրա արդիականությանը: «Կապուտիկյանի արձակում կա բանաստեղծական չափածոյի յուրահատկությունը: Այն բանաստեղծական պատկերները, որոնք կան հասարակական, քաղաքական հրապարակումներում, բանաստեղծի պատկերավոր մտածողությամբ են գրված»,-ասաց բանասիրական գիտությունների դոկտորը:

Խոսելով Կապուտիկյանի ժառանգության հանրահռչակման գործում ինստիտուտի անելիքների մասին` Դևրիկյանն ասաց, որ Կապուտիկյանն իր պատվավոր տեղը կունենա ինստիտուտի Հայ նոր գրականության պատմության ակադեմիական վեցհատորյակի վեցերորդ հատորում:

ՀՀ ԳԱԱ Հայագիտության և հասարակական գիտությունների բաժանմունքի ակադեմիկոս-քարտուղար Յուրի Սուվարյանն էլ շեշտեց, որ Կապուտիկյանը 60-ական թվականներին նախաձեռնեց մի լուրջ, հերոսական քայլ, շրջեց ամբողջ սփյուռքով, ինչի արդյունքում ծնվեց «Քարավանները դեռ քայլում են» հրաշալի գիրքը: «Նա չափազանց ակտիվ էր իբրև հասարակական գործիչ, իբրև գրող, իր ժողովրդի բանաստեղծ: Կապուտիկյանը տարբեր կուսակցական ժողովներում սուր էր արտահայտվում այն ժամանակվա ղեկավարների, Կենտրոնական կոմիտեի քարտուղարների գործունեության վերաբերյալ, և յուրաքանչյուր ղեկավար միշտ մտածում էր, որ իր գործունեությունը կարող է սուր գնահատել Կապուտիկյանը: Դա նրանց ստիպում էր աշխատել արդարացի, առանց կոռուպցիոն ռիսկերի»,-հիշեցրեց Սուվարյանը:

Սուվարյանն անդրադարձավ գիտաժողովին ու շեշտեց, որ այն ևս մեկ առիթ է Սիլվա Կապուտիկյանի թողած հարուստ ժառանգությունն արժևորելու համար:

Նստաշրջանին զեկույցներով հանդես եկան Աելիտա Դոլուխանյանը, Ազատ Եղիազարյանը, Արմենուհի Դեմիրճյանը, Անուշ Նագգաշյանը, Լիլիթ Հովսեփյանը, Ռուզան Դոլուխանյանը, Գայանե Մարդյանը, Գայանե Հակոբյանը, Մայա Գրիգորյանը, Սեյրանուհի Գեղամյանը, Դավիթ Գյուլզադյանը:

Գիտաժողովն իրականացրեցին ՀՀ ԳԱԱ Մ. Աբեղյանի անվան գրականության ինստիտուտը, Խ. Աբովյանի անվան հայկական պետական մանկավարժական համալսարանի բանասիրական ֆակուլտետը և Սիլվա Կապուտիկյանի տուն-թանգարանը:

Լրահոս
Հովհաննես Աբելյանի անվան թատրոնը հեռուստաներկայացումներով կմատուցի Չեխովի հայտնի պիեսները Արմենուհի Սիսյան. Ուշ է՝ էլ չեմ սպասի… Ռազմիկ Դավոյան․ Մի բեկոր ժայռ պոկեմ․․․ «Հայ ժողովուրդն ու ԱԳՆ-ն չեն կարող լուռ լինել՝ սուրբ Սոֆիայի տաճարը մզկիթի վերածելու Էրդողանի հերթական ավանտյուրան տեսնելով». Աշոտյան Եկեղեցու դեմ արշավներ միշտ են եղել, չի գտնվել ուժ, որ կհաղթի․ Տ․ Միքայել արքեպիսկոպոս Աջապահյան Սաղմոս ՃԼԷ Ղևոնդ Ալիշան-200 Ի՞նչ շնորհներ է տվել ինձ Աստված Հայ գրականությունը թարգմանություններում. 29 գիրք՝ 15 լեզվով Համացանցում առաջին անգամ կներկայացվի Միքայել Նալբանդյա­նի ամբող­ջա­կան գրական ժա­ռան­գու­թյու­նը Ամենայն Հայոց Կաթողիկոսն ընդունեց Գեղարքունիքի մարզպետին և մարզային իշխանությունների ներկայացուցիչներին (նկարներ) Հայր Զաքարիա. «ԿԳՄՍ փոխնախարարի մտքերը ամբողջովին չեն արտահայտում իրական գործընթացը» Վահագն Մուղնեցյան. Թևապարում եմ խավարի մեջ Վահան Տերյան. Շիրակի դաշտերից Համո Սահյան. Այս քարանձավներն Ազգային գրադարանը հանդես կգա առցանց մի քանի նոր շարքով Մշա­կույ­թի նախ­կին փոխ­նա­խա­րար­նե­րը պաշ­տո­նի ակն­կա­լիք ու­նեն Չցանկանալ ուրիշի ունեցվածքը Ե՞րբ է հանգիստ մեր խիղճը «Մար­դուն այդ­քան պար­զու­նակ չպետք է տես­նել, նա շատ ա­վե­լի բարդ էակ է, քան պատ­կե­րաց­նում ենք» Երուսաղեմի քաղաքապետն այցելել է հայկական հախճապակու արվեստին նվիրված ցուցահանդես Ի­մաս­տու­թ­յու­նը ան­ցո­ղիկ ժա­մա­նա­կա­վո­րից հա­վի­տե­նա­կա­նը պե­ղե­լու ար­վեստն է Կորոնավիրուսի տարածման պատճառով հետաձգվում են Գրականության ինստիտուտի տնօրենի ընտրությունները Ալիսիա Կիրակոսյան. Ինձանից այնքան ես բացակա եղել Աշոտ Ավդալյան. Շարժումը արծաթ «Մերձավորի մահը». մաս 1-ին Հորդանանում այս տարվա սկզբին հայկական եկեղեցու դեմ ահաբեկչական գործողություն է կանխվել Հակոբ Կարապետյան. «Ծնողները կվճարեն, եթե արվեստի դպրոցները լրացնեն 4 ամիսներին բաց թողնված պարապմունքները» Առցանց ներկայացումներ, կրթական ծրագրեր. Մայր թատրոնի աշխատանքն արտակարգ իրավիճակում Սաղմոս ՃԼԶ Խաչատուր Աբովյանի թանգարանը փորձում է առցանց հարթակից տեղափոխվել անմիջական շփման դաշտ «Խորտակված եկեղեցի» Հայր Գէորգ Եպս. Ասատուրեան․ «Ուխտի իմաստը եւ հասկացողութիւնը» Վահագն Դավթյան. Ավերակ վանքում Արմենուհի Սիսյան. Արձակ բանաստեղծություններ «Կարիբյան ծովի դեմ» վերնագրով նոր ֆիլմ կնկարահանվի «Քաջալերվեցե՛ք, ե՛ս եմ, մի՛ վախեցեք» (Մարկ․6:50) Կարանտինը՝ «Կարանտին» անսամբլի «նախաձեռնող ու աջակից» Լուվրը կհրաժարվի իր «վախեցնող էլիտար իմիջից» Արհեստական ինտելեկտով ռոբոտը գիտաֆանտաստիկ ֆիլմում հանդես կգա գլխավոր դերում (տեսանյութ, լուսանկարներ)
website by Sargssyan