USD
EUR
RUB

Վաշինգտոնում կայացել է Կոմիտասին նվիրված համերգ

 

ԵՐԵՎԱՆ, 17 ՀՈԿՏԵՄԲԵՐԻ, Panorama.am: Կոմիտաս վարդապետի ծննդյան 150 ամյակի կապակցությամբ ԱՄՆ-ում ՀՀ դեսպանությունը կազմակերպել է համերգ ու միջոցառում, որն անցավ ԱՄՆ-ում Ֆրանսիայի դեսպանատանը: Համերգի հասույթը տրամադրվեց Վանաձորի տարեցների տանը:

«Կոմիտաս վարդապետը խորհրդանշում է հայոց ազգի վերածնունդը»,- նշել է Միացյալ Նահանգներում ՀՀ դեսպան Վարուժան Ներսիսյանը օրերս Վաշինգտոնում Ֆրանսիայի դեսպանատանը Կոմիտաս վարդապետին նվիրված միջոցառման համերգին, որի մենակատարն էր դաշնակահար Շահան Արծրունին: Միջոցառումը կազմակերպել էր ԱՄՆ-ում Հայաստանի դեսպանությունը Վաշինգտոնում սուրբ Մարիամ Աստվածածին եկեղեցու և կանանց եկեղեցական խորհրդի հետ համատեղ: Այս մասին հայտնում է Ամերիկայի Ձայնը։

ԱՄՆ-ի մայրաքաղաքում կազմակերպած հոբելյանական այս համերգն ուներ նաև մեկ այլ խորհուրդ: Այն նվիրված էր նաև Հայաստանի անկախության 28-րդ տարեդարձին, իսկ միջոցառման ողջ հասույթը կուղվի Հայ օգնության ֆոնդի հովանու ներքո գտնվող Վանաձորի տարեցների տանը:

Միացյալ Նահանգներում Հայաստանի դեսպանն իր ելույթում, երախտագիտություն հայտնելով ԱՄՆ-ում Ֆրանսիայի դեսպանությանն ու համերգի բոլոր կազմակերպիչներին, ընդգծեց Կոմիտասի ժառանգության կարևորությունը Հայաստանի պետականության և մշակույթի համար: Այն ի ցույց է դնում հայ ժողովրդի կարողությունը ծառայելու իր ազգին և պայքարելու հանուն իր գոյության պահպանման, ասել է դեսպանը:

Ծնունդով Ստամբուլից, հայ դաշնակահար Շահան Արծրունին էլ իր հերթին ներկայացրեց Կոմիտասի կյանքն ու անցած ուղին, նրա թողած ժառանգությունն ու դրա կարևորությունը հայ ժամանակակից երաժշտության համար: Առանց Կոմիտասի հայկական երաժշտությունը կունենար այլ բովանդակություն ու զարգացման ընթացք, նշել է Արծրունին:

Համերգին ներկա հայ երաժիշտ, կիթառահար Հակոբ Ջաղացպանյանը ևս համակարծիք է այս գնահատականի հետ:

«Եթե չլիներ Կոմիտասը, երևի թե, այլ կերպ կդրսևորվեր հայկական դասական երաժշտությունը: Դա մեր սյուն է, հիմքն է, որի հիման վրա մեր բոլոր դասականները կառուցեցին մեր երաժշտության պատմությունը», - ասում է նա:

Երևանի Կոմիտասի անվան կոնսերվատորիայի շրջանավարտ, դաշնակահար Աիդա Քալիկյանի կարծիքով էլ անհրաժեշտ է, որ ժամանակակից հայ երաժիշտներն ու կոմպոզիտորները հավատարիմ մնան հայ ազգային երաժշտության ակունքներին, որի ձևավորման հարցում անգնահատելի է Կոմիտասի դերը:

«Կոմիտասը հայ երաժշտության հիմնաքարերից է: Հայ ազգային երաժշտությունը հիմնվում է նրա ստեղծագործությունների ու մաքրազարդումների վրա», - ասել է Քալիկյանը:

Վաշինգտոնում կայացած համերգը համալրեց այսօր աշխարհի բազմաթիվ երկրներում և Հայաստանում անցնող Կոմիտասին նվիրված բազմաթիվ միջոցառումների ու համերգների շարքը: 2019 թվականը հռչակվել էր Կոմիտասի տարի: Սեպտեմբերի 26-ին լրացավ վարդապետի 150 ամյակը:

ԱՄՆ-ում Հայաստանի դեսպան Վարուժան Ներսիսյանի խոսքերով՝ Կոմիտասն այն անուններից է, որով Հայաստանը ներկայացված է աշխարհում:

Լրահոս
Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները «Երեք մանկունքը բաբելոնյան հնոցում» սյուժեի պատկերագրական համակարգը «Այդ չափորոշիչները չեն արտացոլում ՀՀ քաղաքացու և հայ մարդու դաստիարակությունը»․ Աիդա Թոփուզյան Սուրբ Բարսեղ եպիսկոպոսի ճառը նախանձների մասին Խորհր­դա­յին նկա­րա­հա­վա­քի ա­զատ և ան­կախ նա­վար­կու­թ­յու­նը Օպերային թատրոնն առցանց համերգ կնվիրի կորոնավիրուսի պատճառով տուժած բոլոր երաժիշտներին «Այն մեկ ա­մի­սը, որ Պետ­րոս­ը կռ­վեց իմ կող­քին, հա­վա­սար էր տաս­ն­յակ կյան­քե­րի սխ­րան­քի» Արժևորենք կյանքի ամեն վայրկյանը Ս. Էջմիածնի Մատենադարանն առաջարկում է ընթերցել Վահե Երկանյանի «Պայքար հայկական նոր դպրոցի համար Անդրկովկասում «Music 20» միջազգային փառատոնին աշխարհի տարբեր ծայրերից հետևել է մոտ 45 հազար մարդ The Independent-ը դրական է արձագանքել Կոմիտասի «Սուրբ Պատարագի» համերգային ձայնագրությանը Վահագն Մուղնեցյան․ Նախանվագ Եղիշե Չարենց. ...Մայրամուտի այս սուրբ, հրակարմիր միգում Արսեն Գրիգորյանն ու «Հայ երգասաններ» նախագիծը երգ են նվիրել հայոց բանակին Հնդկաստանի դատարանը որոշել է Բաբրի մզկիթի տարածքը վերածել հինդու տաճարի Պահապան հրեշտակը պահպանում է մեզ Ռեմբրանդտի ինքնանկարը Լոնդոնում աճուրդի ընթացքում վաճառվել է ռեկորդային 18,7 միլիոն դոլարով
website by Sargssyan