USD
EUR
RUB

Ամերիկահայ բանաստեղծ Սոնա Վանը հայրենիքում ներկայացրեց «Հայրս ասում էր» նոր ժողովածուն

 

ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Բանաստեղծ, հասարակական գործիչ Սոնա Վանը ընթերցասերների դատին հանձնեց «Հայրս ասում էր» գիրքը: Ժողովածուն ամփոփում է բանաստեղծություններ, որոնք հեղինակը գրել է վերջին տարիներին:

«Արմենպրես»-ի հաղորդմամբ` գրքի շնորհանդեսը տեղի ունեցավ հոկտեմբերի 18-ին Արամ Խաչատրյան համերգասրահում:

«Իմ ձևավորման գործում մեծ ազդեցություն է ունեցել հայրս: Նա մասնագիտությամբ ֆիզիկոս էր, բայցև գրում էր, նկարում. արվեստի մարդ էր: Ես նրան վաղ եմ կորցրել, բայց մինչ օրս հորս խոսքն ինձ հետ է, հատկապես այն ժամանակ, երբ նստում եմ ճերմակ թղթի առաջ, հաշվետու եմ նրան և Աստծուն»,-նշեց գրողը:

Սոնա Վանը խոստովանեց, որ հաճախ է իր բանաստեղծական խոսքում օգտագործում «հայրս ասում էր» արտահայտությունը: «Նա զգուշացնում էր ուշադիր լինել բառի նկատմամբ, քանի որ այն դառնում է հոգու, հավատի, ճակատագրի մի մասը»,-պատմեց գրողը:

Հեղինակը նշեց, որ գրելիս չի մտածում, թե ում համար է ստեղծագործում: Նրա խոսքով` եթե 12 հոգի հավատա իր գրականությանը, ուրեմն հաջողել է: «Պարտադիր չէ մեծ լսարան ունենալ, որ շարունակաբար պահպանվի խոսքը: Եթե այն ճշմարիտ է ու արժեք ունի, կարող է գոնե 2000 տարի ապրել»,-շեշտեց Սոնա Վանը:

Նա հավելեց, որ պոեզիան ապրելու և մարդ մնալու գործիք է:

Գրքի շնորհանդեսից հետո տեղի ունեցավ կոմպոզիտոր Վաչե Շարաֆյանի «Ռեքվիեմ անապատի համար» ստեղծագործության համաշխարհային պրեմիերան՝ գրված Սոնա Վանի «Լիբրետո անապատի համար» պոեմի հիման վրա։ Այն կատարեց Հայաստանի ազգային ֆիլհարմոնիկ նվագախումբը դիրիժոր Պրեմիլ Պետրովիչի ղեկավարությամբ:

Պոեմը նվիրված է Հայոց ցեղասպանության զոհերի հիշատակին:

Վաչե Շարաֆյանը պատմեց, որ իրեն «Լիբրետո անապատի համար» պոեմն ընթերցելու խորհուրդ է տվել Արամ Խաչատրյան համերգասրահի տնօրեն Ռուզաննա Սիրունյանը: «Շատ հետաքրքիր գործ էր, որը կարդալու արդյունքում ծնվեց իմ նոր ստեղծագործությունը: Առաջին անգամ ձայնագրվել է մեկ տարի առաջ Էդուարդ Թոփչյանի ղեկավարությամբ, բայց համերգային կատարմամբ հնչում է առաջին անգամ»,-շեշտեց կոմպոզիտորը:

Սոնա Վանը 1975 թվականին ավարտել է Երևանի բժշկական ինստիտուտը: 1978 թվականից ապրում է Կալիֆոռնիայում։ Ամերիկյան համալսարանում ստացել է կլինիկական և հոգևոր-հոգեբանական մագիստրոսի կոչում։ Քնարախոհական բանաստեղծությունների հեղինակ է:

Նա լույս է ընծայել «Լույսի ծվեններ», «Ես անուն չունեմ», «Ես ձայն եմ լսում», «Չառա անունով թռչունը» և այլ ժողովածուներ: Նրա գրքերը թարգմանվել են անգլերեն, ֆրանսերեն, ռուսերեն, հունարեն և այլ լեզուներով: Սոնա Վանն արժանացել է ՀՀ մշակույթի, ՀՀ սփյուռքի նախարարությունների ոսկե մեդալների:

 

Լրահոս
Հրաչյա Թամրազյան․ Կյա՜նք` դու զգում ես ինձ․․․ Վահն Տերյան․ Հրաժեշտի խոսքերից Նաղաշ Հովնաթան. Տաղ ի վերայ Գուրջստանայ գօզալներին Ռուբեն Որբերյան․ Հին տնակս Նավումի մարգարեությունը Հախնազարյանները՝ մեկ բեմում Մարզական պարերի առաջնություն. 300 մասնակից Հայաստանից, Արցախից, այլ երկրներից Սերգեյ Սմբատյանն ու Մալթայի ֆիլհարմոնիկ նվագախումբը հանդես կգան Մոսկվայի հեղինակավոր համերգասրահներում Մոսկվայում ժամանակավորապես կհայտնվի հայ ճարտարապետների նախագծած ամառային կինոդահլիճը Կարպիս Սուրենյան. Մայրենի լեզու և թարգմանություն Վրեժ Իսրայելյան․ Ես, մուսան և անդունդը Մենք մեր երկ­րում պե­տա­կան մա­կար­դա­կով վտան­գում ենք հա­յե­րե­նը «Վկայություններ կան, որ կարևոր որոշումներ կայացնելիս մեր պետության ղեկավարները պարտադիր առանձնազրույց են ունեցել այս կամ այն գրողի հետ» Գոհար Գասպարյանի անվան մեներգիչների համահայկական մրցույթը Դիարբեքիրի կիսաավեր հայկական եկեղեցին ոչնչանալու վտանգի տակ է. Ermenihaber Գրքի Երևանյան փառատոնի մեկնարկը՝ շուտով Օրհ­նե­ցե՛ք ձեզ հա­լա­ծող­նե­րին, օրհ­նե­ցե՛ք և մի՛ ա­նի­ծեք Մոսկվայում ավարտվեց հայոց թեմի քահանաների տարեկան ժողովը «Հույսդ դիր Աստծո վրա և բարիք գործիր» Ներկայացվելու են այն գծագրերը, որոնք Արտոն տրամադրել էր ինձ, և որոնք երբևէ չեն ցուցադրվել.Վահան Արծրունի. Ռուբեն Հովսեփյան. «Արագիլները վերադարձան» Եղիշե Չարենց. Ես այն չեմ այլևս Նկարիչ. Բենքսիի աշխատանքն աճուրդում վաճառում են անօրինական «Ով որ ձեր մեջ փոքրագույնն է, նա է մեծ» Օշականի Ս. Մեսրոպ Մաշտոց եկեղեցու որմնանկարը վերականգնվում է Յուրի Դավթյանը պարգևատրվել է «Հայրենիքին մատուցած ծառայությունների համար» 1-ին աստիճանի մեդալով Վահե ՔԱՉԱ. Փարիզեան պատկերներ Արվեստագետները կհարգեն քանդակագործ Արտո Չաքմաքչյանի հիշատակը նրան նվիրված համերգային ծրագրով Միայն հայ կոմպոզիտորների գործեր՝ Ջազ նվագախմբի համերգին Ո՛չ, ա­սում եմ ձեզ, սա­կայն, ե­թե չա­պաշ­խա­րեք, ա­մենքդ էլ նույն­պես պի­տի կոր­չեք Ռոման Պոլանսկու ֆիլմի պրեմիերան չի կայացել Վիլյամ Սարոյան. Հանճարը Էրմիտաժում Լեոնարդո դա Վինչիի կտավին փոխարինել է Բոտիչչելիի «Տիրամոր» պատկերը Վահագն Մուղնեցյան. «Ժպտա, երկինք» Հովհան Մանդակունի. Աղքատներին մխիթարելու մասին «Թռիչք կկվի բնի վրայով»՝ հայկական բեմում ԿԳՄՍ նախարարության պարզաբանումը Դալմայի այգու տարածքում 16-17 դդ քանդված գինու հնձանի վերաբերյալ Քրիստոնյաներին սպանել են մուսուլմանները, հայերը դարձել են ցեղասպանության զոհերի մարմնացումը Ռոբերտ Ամիրխանյանի ծննդյան օրն է Ռուբեն Հովսեփյան. Նռներ
website by Sargssyan