USD
EUR
RUB

«Ուր խոնարհություն չկա, այնտեղ նաև Աստված չկա»

 

Հավատքի մեջ խորամուխ անձի համար պարզ է այն անհամեմատելի տարբերությունը, որ ունի Երկնային Արքայությունն աշխարհի հետ համեմատ: Մարդն այսօր ապրում է մի աշխարհում, ուր իշխանության համար պայքար կա և ուր իշխանություն ունեցողն ամեն կերպ փորձում է պահպանել ձեռք բերածը՝ չնկատելով, որ սպառում է թե՛ իրեն և թե՛ իրեն շրջապատող մարդկանց: Երբ Հիսուսին տարան Պոնտացի Պիղատոսի մոտ, վերջինս հարցրեց Նրան՝ Դո՞ւ ես հրեաների թագավորը: Հիսուս պատասխանեց՝ Իմ թագավորությունն այս աշխարհից չէ (Հովհ. 18:32; 36):

Քրիստոսի առաքյալները ևս մի միջավայրում էին ապրում, ուր մեծ էր համարվում նա, ով իշխանություն ուներ: Երբ Քրիստոս նրանց ընտրեց որպես առաքյալներ, նրանք հավատացին, որ Քրիստոսն է Մեսիան: Այդ ժամանակ նրանք կարծում էին, որ Երկնային Արքայությունը գալու է ուժով և իշխանությամբ: Այն հրաշքները, որ գործում էր Քրիստոս՝ բժշկում էր, հարություն տալիս, աստվածային մեծագույն ուժի միջոցով էր կատարում, ինչն առաքյալներին գայթակղեցնում էր: Շուտով Տերը սասանեց նրանց թյուր պատկերացումը. մի անգամ Քրիստոսին մոտեցան Հովհաննես և Հակոբոս առաքյալները հետևյալ խնդրանքով. «Երբ Քո թագավորության փառքի գահին նստես, շնո՛րհ արա մեզ, որ մենք նստենք Քո աջ և ձախ կողմը» (Մարկ. 10:37): Նրանք ծարավ էին իշխանության, իսկ Հիսուս պատասխանեց նրանց և ասաց. «Չեք իմանում, թե ինչ եք ուզում» (Մարկ. 10:38): Այդ ժամանակ Հիսուս նրանց ասաց, որ Ինքը մերժվելու է, անարգվելու և չարչարվելու, ինչը դեռևս չէին ընկալում առաքյալները: Մի անգամ էլ, երբ Հիսուս առաքյալներին ասաց, որ Ինքը պետք է Երուսաղեմ գնա, այնտեղ շատ չարչարվի ավագ քահանաներից, Օրենքի ուսուցիչներից և երեցներից, սպանվի և երրորդ օրը հարություն առնի, Պետրոսը նրան մի կողմ տարավ և սկսեց հակառակվելով վիճել նրա հետ ու ասել. «Քա՛վ լիցի, Տե՛ր, այդպիսի բան թող չպատահի քեզ»: Հիսուս, դառնալով Պետրոսին, ասաց. «Հետև՛ս գնա, սատանա՛, դու արգելք ես ինձ համար, որովհետև դու Աստծո ծրագրի մասին չես խոսում, այլ մարդկանց մտահոգություններն ես արտահայտում» (Մատթ. 16:21-23):

Ավելի վաղ առաքյալները հասկացան, որ Երկնային Արքայությունը պահանջում է ներքին փոփոխություն: Երբ առաքյալները մոտեցան Հիսուսին և հարցրին, թե իրենցից ով է մեծը Երկնքի Արքայության մեջ (Մատթ. 18:1), ի՞նչ արեց Հիսուս. Նա կանչեց մի երեխայի, կանգնեցրեց նրանց մեջ և ասաց. «Հաստա՛տ իմացեք, որ եթե չփոխվեք ու չլինեք մանուկների նման, Երկնքի Արքայությունը չեք մտնի: Արդ, ով իր անձը խոնարհեցնի այս մանկան նման, նա՛ է մեծը Երկնքի Արքայության մեջ» (Մատթ. 18:3-4): Երկնքի Արքայություն մտնելու կարևոր պայմանը Տերը համարում է մանկան նման խոնարհ և հնազանդ լինելը: Երեխան չունի իշխանություն, նա ամբողջովին կախված է ուրիշներից, անպաշտպան է, ինչ որ իմաստով նաև խոցելի: Նա պարտավոր է ապավինել ծնողական սիրուն, պարտավոր է վստահել, որ ծնողները կպահպանեն, կխնամեն, կկերակրեն և կկրթեն իրեն, և երեխաների ողջ կյանքը լի է այդպիսի վստահությամբ: Այդ մասին է Քրիստոս շեշտում, որպեսզի մարդիկ Երկնավոր Հոր հանդեպ նման վստահություն ունենան: Երեխան նաև հնազանդ է, առաքինություն, որ օգնում է մարդուն հնազանդվել ու վստահել աստվածային կամքին և նախախնամությանը: Խոնարհություն է, երբ մարդ իր կամքն ու ցանկությունները խոնարհեցնում է Աստծո կամքի և ցանկությունների առջև, ինչը նրան մեծ է դարձնում Երկնային Արքայության մեջ: Այդպիսի խոնարհության օրինակ հանդիսացավ Աստվածամայրը: Ո՞վ էր նա՝ ըստ աշխարհի չափանիշների: Պարզ հրեա մի աղջիկ, ում նշանել էին այրի Հովսեփի հետ: Երբ նրան հայտնվեց Գաբրիել հրեշտակապետը և ասաց, որ նա աշխարհի Փրկչի մայրն է դառնալու: Մարիամն ասաց. «Ես Աստծո աղախինն եմ, թող քո ասածը լինի» (Ղուկ. 1:38): Նա իր սրտում չգովաբանեց իր մեծությունը, այլ հակառակը՝ խոնարհվեց իր սրտում, ինչ էլ նրան Երկնային Արքայության մեջ մեծության արժանացրեց:

Ավետարանական առակներից «Աղքատ Ղազարոսի» առակը պատմելիս Քրիստոս հանդիմանեց փարիսեցիներին և ասաց. «Դուք ձեզ արդար եք ցույց տալիս ուրիշների առջև, սակայն Աստված գիտի ձեր սրտերը, որովհետև մարդկանց աչքին փառավոր երևացողը Աստծո աչքին անարգ է» (Ղուկ. 16:14):

Որպեսզի ընկալելի լինի խոնարհության խորությունը, մարդ պետք է թափանցի Քրիստոսի կերպարի մեջ և նմանվի Նրան, Ով հանուն մարդկության փրկության մարդացավ՝ ծնվելով ոչ թե արքայական, այլ հյուսնի ընտանիքում: Նա Իր ուժով կարող էր իշխել աշխարհը, բայց ընտրեց մաքսավորների, մեղավորների, անառակների, հիվանդների և հաշմանդամ մարդկանց հետ հաղորդակցությունը: Քրիստոսին սիրելով և Նրա ուղենշած ուղին ընտրելով՝ մարդը ձեռք է բերում Աստծուն ցանկալի խոնարհությունը:

Մեծն աբբա Մակարիոսն ասել է. «Որքան մարդ սիրի մարդկանց տված փառքը, այնքան նա հեռու է Աստծո փառքից, քանզի խոնարհություն չունի, այլապես նա գովեստ չէր փնտրի, որ եղծանելի է: Իսկ ուր խոնարհություն չկա, այնտեղ նաև Աստված չկա»:

Կարինե Սուգիկյան

Աղբյուր՝ Surbzoravor.am

Լրահոս
Եղիշե Չարենց․ Հեռացումի խոսքեր Վահան Տերյան․ Կույր լինելու ցանկություն ԿԳՍՄ նախարարը ունակ չէ կրթական օբյեկտիվ չափորոշիչներ ստեղծել. Տեր Տիգրան քահանա Բադիրյան «Այս որոշումը կբարդացնի քրիստոնյաների և մուսուլմանների կյանքը». Գարո Փայլանը՝ Սուրբ Սոֆիայի տաճարը մզկիթի վերափոխելու մասին Լեհ դրամատուրգ Սլավոմիր Մրոժեկի պիեսներից մեկը կբեմադրվի Ռուսական թատրոնում ՅՈՒՆԵՍԿՕ-ն ափսոսանք է հայտնել Սուրբ Սոֆիայի տաճարի կարգավիճակի վերաբերյալ Թուրքիայի որոշման կապակցությամբ Փորձագետները գնահատել են պանդեմիայի հասցրած վնասը թանգարաններին «Ըստ ձեր հավատի թող լինի ձեզ» (Մատթ․ 9։29) Գրադարանների վիրտուալ անցուդարձը «Հայ Եկեղեցու պատմություն» դասաժամի ոդիսականը. Սերովբե եպիսկոպոս Շառլ Ազնավուրի հրապարակում բացվելու է Աղասի Այվազյանի անվանական աստղը Փարիզի Ռոդենի թանգարանը կվաճառի քանդակագործի աշխատանքների պատճենները Նոր Խարբերդի դպրոցը պատրաստ է շահագործման Պարույր Սևակ. Լինել, թե չլինել Միսաք Մեծարենց. Առտվան արևի մեջ Օձա­վարս Գոր­գոն մե­դու­զան իր թու­նա­ծա­վալ վար­սե­րը տա­րա­ծել է ամ­բողջ աշ­խար­հում, Պան­դո­րան բա­ցել է կեղ­ծի­քի կոր­ծա­նա­րար սն­դու­կ Մեծ Բրիտանիայում Հռոմի 180-րդ Պապի 700-ամյա կնիքն է հայտնաբերվել Սալոնիկում Աթաթուրքի տունը պետք է դառնա հույների ցեղասպանության թանգարան․ Greek City Times «Կր­թու­թ­յան ո­լոր­տի պա­տաս­խա­նա­տու­նե­րը եր­բեք չեն թաքց­րել ի­րենց կեղծ պա­ցի­ֆիս­տա­կան գա­ղա­փա­րա­խո­սու­թ­յու­նը» Իմպրեսիոնիզմի խռովկանը՝ Կլոդ Մոնե Մի՛ ստիր, Հայ Եկեղեցու պատմությունը չունի՛ «ծածուկ» էջեր Հայաստանին հաշտության օրակարգ է պետք․ Բագրատ եպիսկոպոս Գալստանյան (տեսանյութ) Պետությունը չի կարող արշավ սկսել իր իսկ Ազգային Եկեղեցու դեմ, պետք չէ լինել աստվածամարտ. Հայր Ասողիկ աբեղա Կարապետյան Օպերային թատրոնն առցանց կմատուցի Ռոսինիի «Ճանապարհորդություն դեպի Ռեյմս» երկի համերգային կատարումը Էդգար Շա­հին. ֆրան­սա­հայ­կա­կան օ­ֆոր­տի հրա­ցա­նա­կի­րը Աստվածածնի օգնության մասին Եկե­ղե­ցին գո­յութ­յուն ու­նի 2000 տա­րի և գո­նե ա­ռա­ջի­կա 2000 տար­վա հա­մար պետք է ա­պա­հո­վի ե­կող սե­րունդ­նե­րի հոգևոր կա­րիք­նե­րը ՅՈՒՆԵՍԿՕ-ն կոչ է արել Թուրքիային Սուրբ Սոֆիայի տաճարը չվերածել մզկիթի Միքայել սրբազանը՝ ԿԳՄՍ նախարարին. «Դուք մի ամիս չեք կարող կուսակրոն մնալ, մենք ողջ կյանքներս ենք կուսակրոն» Տերևաթափ իմ թխկի, օ, իմ թխկի ձյունածածկ... Գուրգեն Մահարի. Դաշտերում սեզ ու ծաղիկ Պարույր Սևակ․ Քմծիծաղ «Մերձավորի մահը». մաս 2-րդ Թուրքիան վաղը կհայտարարի Սուրբ Սոֆիայի տաճարը մզկիթի վերածելու որոշման մասին. թուրք լրագրող Ղևոնդ Ալիշանի 200-ամյակի առթիվ կստեղծվեն անիմացիոն մուլտֆիլմեր «Music 20» դասական երաժշտության փառատոնը Հայաստան է բերում աշխարհահռչակ արտիստների Միքայել Նալբանդյանի գրական ժառանգության թվայնացումը գիտական, կրթական նշանակություն ունի «Մեր թիկունքում գաղտագողի այսպիսի բան են անում. վտանգներ ենք տեսնում ՀՀ քաղաքացու համար». Տ․ Զաքարիա ծայրագույն վարդապետ Բաղումյան Ղազանչյան. Համաճարակով պայմանավորված պարապուրդը կարող է կործանարար լինել ստեղծագործ կոլեկտիվի համար Գովեստի խոսքերը՝ շարժիչ ուժ
website by Sargssyan