USD
EUR
RUB

Նաղաշ Հովնաթան․ «Յայտնեցաւ գարուն» ձայն է

 

Պատկեր մի տեսի լուսնի նման,
Աչքերն պայծառ արեգական,
Ունքերն կամար խիստ պատուական,
Կու սիրեմ, զալում, զալում,
Ինձ մոտ կու բերեմ, զալում:

Ծամերդ ռէհան եւ սուսամբար,
Ծոցէդ հոտ կուգայ մուշկի ամբար,
Վզէդ կախել էս հէքալ, չամբար,
Կարօտ շատ ունիմ, զալում,
Թող մէկ համբուրեմ, զալում:

Բոլոր խալ ունիս, սիահ ծամեր,
Մատունքդ բարակ՝ թափած մոմեր,
Դու քո ձեռօքն թաս մի խմեր,
Ես կուտամ, զալում, զալում,
Մայիլ կու մնամ, զալում:

Ծոցդ աղբիւր է՝ երկու լուլայ,
Վըրացու բոլոր գինու կուլա,
Իմ աչքերըն արտասուօք կուլայ,
Ծարաւ կու կանչեմ հարայ, զալում,
Ինձ ըռահմ արա, զալում:

Գլխիդ կապել էս սամուր եաղլուխ,
Ոսկի մարջան ընկած օրթալուխ,
Նարինջի աթլաս, կարճ արխալուղ,
Դու՝ ղըմրզի գուլ, զալում,
Ես՝ շէյտայ բլբուլ, զալում:

Խաթայի գօտիկ, շապիկդ մաւ,
Քաղցր ծիծաղիս որպէս կաքաւ,
Ինձ շատ մի աներ աչքաւ-ունքաւ,
Հոգիս կորցրիր, զալում,
Ինձ փըչացրիր, զալում:

Մատնումդ կայ զմրութ մատանի,
Պօյդ նման ոսկէ շամտանի,
Թու փարսի զըբուն նա միտանի,
Եք բուսայ բըթէ, զալում.[1]
Խիստ լաւ վախտ է, զալում:

Ես սիրոյ բանի չէի խապար,
Մէկ օր ինձ տուիր վարդի նուբար,
Սիրտըս վառեցիր քեզ բարէբար,
Միտըս եմ բերում, զալում,
Ես խիստ եմ էրւում, զալում:

Ձեր կտերըն ծաղիկ էս վարել,
Խնծորի մէջն մեխակ շարել,
Ուղարկել ինձ, շատ բարեւ արել.
Դու Լեյլի ջընուն, զալում,
Ես եղէ Մէջլուն, զալում:

Ինձ հանեցիր իմ գործ ու բանէն,
Թամաշա կանեմ մեր այվանէն,
Չէս թողուլ հեռանամ իմ տանէն.
Քանի ես սաղ եմ, զալում,
Քեզի դութսաղ եմ, զալում:

Քո ձեռօքըն մէկ գիր էս գրել,
Մեխակ ու շաքար մէջըն դրել,
Ես հիւանդ էի, մէյլ ’իր տուել.
Ողջացայ, զալում, զալում,
Հեշտացայ, զալում, զալում:

Ասել էս թէ «Նա որ Նաղաշ է,
Գիտէ՝ ունքերս ղարաղաշ է,
Ասէ՛ք՝ սուրաթիս նման քաշե».
Քաշել եմ, զալում, զալում,
Մաշուել եմ, զալում, զալում:

Ասել էս. «Տես Նաղաշն տա՞նն ա,
Գիր ուղարկի՝ սիրտըս հովանայ,
Ծածուկ ուղարկի, մարդ չիմանայ».
Գրա՛ծ եմ, զալում, զալում,
Մհրած եմ, զալում, զալում:

Գիր էր գրում քո անուանն,
Միտք ի անում քո սիրոյ բանն,
Ետնէս ուղարկեց Վախտանգ խանն.
Քեզ ո՞նց մոռանա, զալում,
Ես ո՞նց հեռանամ, զալում:

Ասել էս. «Տետր գրէ տաղով,
Ծաղկէ լաջվարդ ոսկի վարաղով».
Գրել եմ, կապել՝ սուրմայ բաղով.
Կուղարկեմ, զալում, զալում,
Փափակ եմ, զալում, զալում:

Խապար էս ղրկել քո բերանէն.
«Ասէք, շատ մի՛ հեռանալ տանէն,
Մէկ օր գալոյ եմ քո քերխանէն».
Մէլով եմ, զալում, զալում,
Սիրոյդ գինով եմ, զալում:

Շաբաթ օր եկիր իմ սալամն,
Ձեռըդ արիր տիւիթ-ղալամն,
Անունս գրեցիր էն դամն,
Ինձ խեւացրիր, զալում,
Մոլորացըրիր, զալում:

Դու եկիր, ես իմ բանն նստայ,
Ասացիր. «Այն է դրուստ ուտայ,
Որ իմ մատանուն ծաղիկ դուս տայ».
Կազմեցի, զալում, զալում,
Մայլեցի, զալում, զալում:

Զալում, էդ ինչպէ՞ս դատաստան է,
Կամ դիւան արա, կամ ըսպանէ.
Կասեմ. «Հեքիմ էս՝ ցաւս հանէ»,-
Հոգիս կու հանէս, զալում,
Խե՛լքս կու տանէս, զալում:

Խօսքն ինձ հասաւ քո բերանին.
«Շատ բարեւ հասցէ Յովնաթանին».
Ասեք. խօսքըդ՝ վըրայ իմ ջանին.
Կարդացի, զալում, զալում,
Խնդացի, զալում, զալում:

1. Դու պարսկական լեզուն չգիտե՞ս, Եկ, մեկ համբույր տամ, զալում:

Լրահոս
Կարպիս Սուրենյան. Մայրենի լեզու և թարգմանություն Վրեժ Իսրայելյան․ Ես, մուսան և անդունդը Մենք մեր երկ­րում պե­տա­կան մա­կար­դա­կով վտան­գում ենք հա­յե­րե­նը «Վկայություններ կան, որ կարևոր որոշումներ կայացնելիս մեր պետության ղեկավարները պարտադիր առանձնազրույց են ունեցել այս կամ այն գրողի հետ» Գոհար Գասպարյանի անվան մեներգիչների համահայկական մրցույթը Դիարբեքիրի կիսաավեր հայկական եկեղեցին ոչնչանալու վտանգի տակ է. Ermenihaber Գրքի Երևանյան փառատոնի մեկնարկը՝ շուտով Օրհ­նե­ցե՛ք ձեզ հա­լա­ծող­նե­րին, օրհ­նե­ցե՛ք և մի՛ ա­նի­ծեք Մոսկվայում ավարտվեց հայոց թեմի քահանաների տարեկան ժողովը «Հույսդ դիր Աստծո վրա և բարիք գործիր» Ներկայացվելու են այն գծագրերը, որոնք Արտոն տրամադրել էր ինձ, և որոնք երբևէ չեն ցուցադրվել.Վահան Արծրունի. Ռուբեն Հովսեփյան. «Արագիլները վերադարձան» Եղիշե Չարենց. Ես այն չեմ այլևս Նկարիչ. Բենքսիի աշխատանքն աճուրդում վաճառում են անօրինական «Ով որ ձեր մեջ փոքրագույնն է, նա է մեծ» Օշականի Ս. Մեսրոպ Մաշտոց եկեղեցու որմնանկարը վերականգնվում է Յուրի Դավթյանը պարգևատրվել է «Հայրենիքին մատուցած ծառայությունների համար» 1-ին աստիճանի մեդալով Վահե ՔԱՉԱ. Փարիզեան պատկերներ Արվեստագետները կհարգեն քանդակագործ Արտո Չաքմաքչյանի հիշատակը նրան նվիրված համերգային ծրագրով Միայն հայ կոմպոզիտորների գործեր՝ Ջազ նվագախմբի համերգին Ո՛չ, ա­սում եմ ձեզ, սա­կայն, ե­թե չա­պաշ­խա­րեք, ա­մենքդ էլ նույն­պես պի­տի կոր­չեք Ռոման Պոլանսկու ֆիլմի պրեմիերան չի կայացել Վիլյամ Սարոյան. Հանճարը Էրմիտաժում Լեոնարդո դա Վինչիի կտավին փոխարինել է Բոտիչչելիի «Տիրամոր» պատկերը Վահագն Մուղնեցյան. «Ժպտա, երկինք» Հովհան Մանդակունի. Աղքատներին մխիթարելու մասին «Թռիչք կկվի բնի վրայով»՝ հայկական բեմում ԿԳՄՍ նախարարության պարզաբանումը Դալմայի այգու տարածքում 16-17 դդ քանդված գինու հնձանի վերաբերյալ Քրիստոնյաներին սպանել են մուսուլմանները, հայերը դարձել են ցեղասպանության զոհերի մարմնացումը Ռոբերտ Ամիրխանյանի ծննդյան օրն է Ռուբեն Հովսեփյան. Նռներ Թադևոս Տոնոյան․ Հողերկպագու անձս Դե­մոկ­րա­տա­կան օ­րենք­նե­րը կյան­քը խեղ­դող փշա­լա­րեր են Ամենահաջողակ դերասանուհիները Հան­րա­հայտ և ան­հայտ Նի­կո­ղա­յո­սը Ողորմության մասին Ռոբերտ Ամիրխանյանի 80-ամյակի առթիվ կկազմակերպվեն համերգներ «Ա­րամ Խա­չատ­ր­յա­նը մեծ ներդ­րում է ու­նե­ցել Հա­յաս­տա­նի և հա­մաշ­խար­հա­յին մշա­կու­թա­յին կյան­քում» Հայ ջութակահարուհին դարձել է «Դեբյուտների համագործակցություն» երիտասարդական մրցանակի դափնեկիր Վարդան Հակոբյան. Ապրում ենք՝ որպես հիշողությունը մեզնից առաջ ապրածների
website by Sargssyan