USD
EUR
RUB

Դուստրը` Ռոբերտ Ամիրխանյանին նվիրված ֆիլմի մասին. «Կուզենայի, որ այս համատեքստում նա չդիտարկվեր որպես իմ հայր»

 

ԵՐԵՎԱՆ, 5 ՆՈՅԵՄԲԵՐԻ, Aravot.am: «Օրդեր ֆիլմ փրոդքաշընը» ֆիլմ է նկարում կոմպոզիտոր Ռոբերտ Ամիրխանյանի մասին, ֆիլմի աշխատանքներում ներգրավված է նաեւ ճանաչված կոմպոզիտորի դուստրը` Աննա Ամիրխանյանը: Նա ֆիլմի համապրոդյուսերն է, ֆիլմի ռեժիսորը Հայկ Մկրտչյանն է, իսկ գլխավոր պրոդյուսերը՝ Հայկ Օրդյանը:

«Ֆիլմը նկարվում է Ռոբերտ Ամիրխանյանի արժեքը ապագա սերունդների համար պահպանելու համար, նրա մասին տեղեկատվության, նրա երգերի, անձնական վառ արժանիքներին ծանոթացնելու համար, Ամիրխանյանի տեսակը ցույց տալու համար: Կարծում եմ` Ռոբերտ Ամիրխանյանը երեւույթ է, այն հիմնաքարերից է, ում վրա հենվելով ցանկացած երիտասարդ պետք է ճիշտ կողմնորոշվի», - Aravot.am-ի հետ զրույցում նշեց կոմպոզիտորի դուստրը` Աննա Ամիրխանյանը:

«Ես չեմ վախենում իրեն համեմատել մեր ժողովրդի փայլուն այլ անունների հետ: Կարծում եմ` գալիք սերունդը Ռոբերտ Ամիրխանյանին բացահատելու դեռ շատ բաներ ունի: Ես կուզենայի, որ այս համատեքստում նա չդիտարկվեր որպես իմ հայր, որովհետեւ ֆիլմում իմ վերաբերմունքը բացառապես հայ մարդու, քաղաքացու եւ հայ մշակույթում մեծագույն ավանդ ունեցողի հանդեպ վերաբերմունք է: Ես այստեղ բացարձակ չեմ ուզում խոսել իր` իմ հայրը լինելու մասին: Ֆիլմը պետք է վեր լինի ընտանեկան մանրուքներ բարձրաձայնելուց, այստեղ ես խոսում եմ որպես երաժշտագետ, որպես արվեստը սիրող ու գնահատող մարդ: Ֆիլմը միայն Ամիրխանյան երեւույթի, Ամիրխանյան մարդու, Ամիրխանյան արվեստագետի մասին է»,-հավելեց մեր զրուցակիցը:

Նա հայտնեց, որ լսել էր «Օրդեր ֆիլմի» մասին, տեղյակ էր մասնագիտական որակին. «Ավելի մեծ բացահայտումներ արեցի ինձ համար երբ ծանոթացա եւ սկսեցինք աշխատել միասին»: Աննա Ամիրխանյանի ձեւակերպմամբ, ֆիլմի ստեղծագործական կազմում նվիրյալ պրոֆեսիոնալներ են, որոնց աշխատանքի արդյունքում Ռոբերտ Ամիրխանյանը մեծագույն հանգստությամբ ու հաճույքով է մասնակցում նկարահանումներին:

«Երբ խոսում ենք արվեստագետի մասին, ցանկացած շերտ կապված է իր ստեղծած արվեստի հետ, Ամիրխանյանի երգերի այն հատվածը, որ ծանոթ է մեզ, կազմում է իր ստեղծագործական ժառանգության ընդամենը 1/8-րդ մասը: Մենք սառցաբեկորի միայն գագաթն ենք տեսնում, Ամիրխանյանի ժառանգությունը դեռ պետք է բացահայտել:

Ֆիլմին զուգահեռ կհրատարակվեն նաեւ նրա անտիպ ստեղծագործությունները, եթե դա լինի մինչեւ ֆիլմի ավարտը, ապա այդ մասին ֆիլմում եւս կխոսվի: Խոսքը 6 տասնյակ երգերի, երգային շարերի, կանտատների մասին է, եթե գործիքային երաժշտության մասին էլ խոսենք, ապա այնտեղ դաշնամուրային կոնցերտ կա, կվարտետներ, եւ դրանցից ամեն մեկը մի առանձին էջ է իր ստեղծագործական դիմանկարում»,-հայտնեց ֆիլմի համապրոդյուսերը:

«Նախքան ֆիլմի գաղափարը հղանալը, ամեն ինչ սկսվեց նրանից, որ ես սկսեցի հավաքագրել Ամիրխանյանի այն երգերը, որոնք մինչեւ հիմա անհայտ են մնացել: Դա հասունացավ մինչեւ հատորներ…ընդհուպ 5-րդ հատոր, այսպես ամփոփվելու է Ամիրխանյանի ստեղծագործական ժառանգությունը եւ կյանքի ուղին, բազմաթիվ նկարներով, հուզիչ դրվագներով` իր կողմից պատմված»,-ընդգծեց Աննա Ամիրխանյանը: Նաեւ հավելեց, որ իր համար ընդունելի չէ, երբ ինչ-որ մարդկանց հրավիրում են եւ նրանք պատմում են կոնկրետ արվեստագետի մասին, սակայն 3 հոգու ինքը չի կարողացել շրջանցել: Նրանցից մեկը դիրիժոր Ռոբերտ Մլքեյանն է, ում հետ կոմպոզիտորը վերջին շրջանում շատ է աշխատում, մյուսը կոմիտասագետ Մհեր Նավոյանն է, երրորդը` Ամիրխանյանի մանկության ընկեր Լեւոն Իգիթյանն է: Աննա Ամիրխանյանը հույս ունի, որ 2020-ին ամիրխանյանական 5 հատորներն էլ հրատարակված կլինեն: Գիրքը կոչվելու է «Սիրո խոստովանանք»:

Գոհար ՀԱԿՈԲՅԱՆ

Լրահոս
Հրաչյա Թամրազյան․ Բնորդ Վահան Թոթովենց․ Վանե՛ շողերդ․․․ Ինչպես շարունակել Ավետարանների մանրանկարչության արվեստը Մեկնարկում է «Կին»​​ միջազգային ​​16-րդ ​​կինոփառատոնը Սկզբու՞նք թե՞ նպատակահարմարություն․․․ Յուրի Բաշմետ. «Ժամանակակից դասականներ» կոմպոզիտորական փառատոնի նման բովանդակության չեմ հանդիպել «Գոհություն հայտնեցե՛ք ամեն ժամ ամեն ինչի համար» Մահացել Է ռեժիսոր Ռոման Խրուշչը Ամենայն Հայոց Կաթողիկոսն ընդունեց Սուրբ Աթոռի պետությունների հետ հարաբերությունների քարտուղարին Մշակույթում ցենզուրան պարտադիր է. չգիտեմ՝ ով ինչ գործակալ է, բայց ոչ մեկին չի հաջողվի վերացնել ազգի մշակույթը, լեզուն. Արտաշես Ալեքսանյանը՝ Արայիկ Հարությունյանի հայտարարության մասին Կրոնական դասավանդությունը Գերմանիայի հանրակրթական դպրոցներում կամ կրկին «Հայ Եկեղեցու պատմություն» դասաժամի մասին Հռոմի պապը կաղոթի բոլոր մոլորյալ հոգիների համար «Պեպո»-ն կթվայնացվի և կվերականգնվի. Ազգային կինոկենտրոն Ռազմիկ Դավոյան․ Ով իմ սուրբ աշխարհ Հայուհին «Ձայն տուր ով ծովակ» երգով հիացրել է ռուսական մրցույթի ժյուրիի անդամներին Սատանիզմ Եղիշե Չարենց. Աշխարհիս մեջ ես էլ մե օր... Վահագն Մուղնեցյան. Մենք այնպես ենք ապրում... Մեկ նկարի թանգարանի նոր ցուցանմուշը կլինի Այվազովսկու կտավը «Ռոլան» մանկապատանեկան ֆիլմերի 15-րդ միջազգային փառատոնը «Դա­վի­թը շատ ան­կեղծ է, գրա­կա­նու­թ­յան մեջ ար­տա­ցո­լած զգա­ցա­կան շեր­տը հա­մա­պա­տաս­խա­նում է նրա խառն­ված­քին» Թումանյանի թանգարանը լույս է ընծայել հեղինակի ստեղծագործությունները` արևմտահայերեն փոխադրությամբ Կոնստանտին Օրբելյան. Մեր արտիստներին ճանաչում են դրսում ու պահանջված են Կայացավ Խաչատրյանին նվիրված «Նվիրում ուսուցչիս» կոնցերտի պրեմիերան Փաս­տե­րը վկա­յում են Էդուարդ Իսաբեկյանի ծննդյան օրն է Christie’s-ը աճուրդի կհանի Այվազովսկու «Իսկիայի մայրամուտը» կտավը Ներսես Աթաբեկյան․ Մանկությունս արթնանում էր տատիս ավելի քստքստոցից Նոնա Պողոսյան․ Գոյ Սիմեոն Երևանցի. Հայոց ազգի եւ եկեղեցիների համար աղոթք «Հոգուն տանք հոգևորը, իսկ մարմնին՝ մարմնավորը» Երկու կարևոր ինստիտուտ՝ եկեղեցին և ընտանիքը ենթարկվում են հարձակման Յուրի Բաշմետը Երևանում կկատարի Ալեքսանդր Չայկովսկու ստեղծագործությունները Կյանքից հեռացել է ամերիկաբնակ բանաստեղծ Ժակ Հակոբյանը Հունաստանի Հանրապետության նախագահն այցելեց Մայր Աթոռ Սուրբ Էջմիածին Մեկնարկում է «Արմմոնո Plus»-ի երևանյան փուլը Երևանի արվեստների կենտրոնն ու Հայկական գրաֆիկայի թանգարանը մեկ հարկի տակ կհրավիրեն արվեստասերներին Մշակութաբան. Չգիտեի՝ նվնվոցները, սեռական գործողությունների իմիտացիան մշակույթ են Համո Սահյան․ Դու ուզեցիր Ամենայն Հայոց Կաթողիկոսն ընդունեց ՀՀ-ում ԵՄ դեսպան Անդրեա Վիկտորինին
website by Sargssyan