USD
EUR
RUB

Հայաստանն ու Հունաստանը միշտ բարեկամներ են եղել. նախագահների տիկնայք այցելեցին Պատմության թանգարան

 

ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության նախագահ Արմեն Սարգսյանի տիկին Նունե Սարգսյանն ու Հունաստանի նախագահ Պրոկոպիոս Պավլոպուլոսի տիկին Վլասիա Պավլոպուլուն նոյեմբերի 6-ին այցելեցին Հայաստանի պատմության թանգարան: Նրանց ուղեկցեց թանգարանի տնօրեն Գրիգոր Գրիգորյանը:

«Արմենպրես»-ի հաղորդմամբ` թանգարանում շրջելուց հետո ՀՀ նախագահի տիկին Նունե Սարգսյանն ասաց, որ Հայաստանն ու Հունաստանը միշտ բարեկամ երկրներ են եղել և մշտապես աջակցել են միմյանց: «Մեր անցյալն ու ճակատագիրը նման են, այնպես որ կարևոր էր պարոն Պավլոպուլոսի և նրա տիկնոջ այցը Հայաստան: Դա ավելի ամրապնդեց մեր երկրների միջև բարեկամությունը»,-նշեց Նունե Սարգսյանը:

Նա տեղեկացրեց, որ տիկին Պավլոպուլուն մասնագիտությամբ իրավաբան է, երեք երեխա ունի և արդեն տատիկ է: «Մենք քննարկելու ընդհանուր թեմաներ ունեինք: Նա հիացած է մեր երկրի մշակույթով: Լինելով հույն և ունենալով այդքան հարուստ հին մշակույթ` մեզ համար դժվար էր տիկին Պավլոպուլուին ներկայացնել մեր հնագույն ժառանգությունը, բայց տեսանք, թե ինչպես է նա հիանում թանգարանի գեղեցիկ ցուցանմուշներով, որոնցից յուրաքանչյուրը հարուստ պատմություն ունի»,-շեշտեց տիկին Սարգսյանը:

Խոսելով Հունաստանի հետ համատեղ ծրագրերից` նա ընդգծեց, որ հեռանկարում հնարավոր է երկու երկրները համագործակցեն ՅՈՒՆԵՍԿՕ-ի հետ: «Հայաստանն ու Հունաստանը, լինելով հնագույն երկրներ, ունեն բազմաթիվ կոթողներ, հուշարձաններ, արվեստի նմուշներ, որոնք անհրաժեշտ է խնամել: Մենք այս մեծ աշխարհում չենք կարող դա միայնակ անել, և մեզ աջակցություն է հարկավոր: ՅՈՒՆԵՍԿՕ-ն այս դեպքում շատ օգտակար կառույց է»,-ասաց նախագահի տիկինը:

Վերադառնալով Հայաստանի պատմության թանգարան այցին` Նունե Սարգսյանը նշեց, որ սա այն թանգարանն է, որտեղ ինքն առանց վարանելու կայցելի տարբեր հյուրերի հետ, քանի որ այն բարվոք վիճակում է: «Ցավոք, մեր ոչ բոլոր թանգարաններն են ներկայանալի: Մի քանի օր առաջ Հովհաննես Թումանյանի թանգարանում էի: Այն բավականին լավ վիճակում է, միայն կոսմետիկ խնամքի կարիք ունի: Օրերս նաև Եղիշե Չարենցի տուն-թանգարանում էի, որն այնքան էլ լավ վիճակում չէ: Այն հոգատարության կարիք ունի: Հուսով եմ` բոլորս դրան ուշադրություն կդաձնենք և կանենք հնարավորը, որ այդ և մեր այլ մեծերի տուն-թանգարաններն ավելի ներկայանալի դառնան»,-եզրափակեց Նունե Սարգսյանը:

Հունաստանի նախագահի տիկին Վլասիա Պավլոպուլուն շնորհակալություն հայտնեց տիկնոջը հյուրընկալության համար: «Երբեք ժամանակը բավարար չէ ամեն ինչից հաճույք ստանալու համար: Իսկ սա հետաքրքիր այց էր ինձ համար»,-խոստովանեց նա:

Պավլոպուլուն շեշտեց` Հայաստանի պատմության թանգարանում թաքնված գանձերն ապացուցում են, որ երկու երկրները ընդհանուր պատմական անցյալ ունեն և կարողանում են մինչ օրս պահպանել բարեկամական հարաբերությունները:

Հունաստանի Հանրապետության նախագահ Պրոկոպիոս Պավլոպուլոսը տիկնոջ՝ Վլասիա Պավլոպուլուի հետ երկօրյա պաշտոնական այցով Հայաստան է ժամանել նոյեմբերի 5-ին Հայաստանի Հանրապետության նախագահ Արմեն Սարգսյանի հրավերով:

Լրահոս
Մատթեոս Զարիֆյան․ Խնդրանք Բանտում էի, և ինձ այցի եկաք (Մատթ. 25:36). մաս 1-ին Ավետիք Իսահակյան. Հայաստանին Վահան Տերյան․ Թովիչ քնքշությամբ հանգչող աշխարհում Սուրբ Բարսեղ եպիսկոպոսի ճառը հիսունիններորդ (ԾԹ) սաղմոսի մասին Մայր Աթոռ Սուրբ Էջմիածնից Մասիս կբերվի Սուրբ Գևորգ Զորավարի մասունքը Ողջախոհություն Եղիշե Թադևոսյանի չցուցադրված էտյուդները կներկայացվեն հեղինակին նվիրված նորաբաց ցուցասրահում «Ուղղակի չեմ տառապել մեծամտությամբ» Հայ ազգային բազմաբնույթ տոները հետաքրքիր մեկնաբանություններով տեղ են գտել մեկ գրքում Մարիամ և Երանուհի Ասլամազյան քույրերի պատկերասրահի խանութի բացումը Կամերային կենտրոնը Կոմիտասի ծննդյան օրը բացօթյա համերգ կկազմակերպի Կինոկենտրոնը սկսել է «Հայֆիլմ» կինոստուդիայի տարածքում գտնվող նյութերի արխիվացման աշխատանքները ԴասA-ի մասնակիցները շնորհավորում են Սերգեյ Սմբատյանին ու հույս հայտնում, որ շատ շուտով կհանդիպեն համերգասրահում Կկայանա «Անուշ. անավարտ օպերա» ֆիլմի պրեմիերան Ռուբեն Սևակ․ Ինչու Նորայր Գրիգորյան. Բաց աչքերով Պարույր Սևակ․ Ռետին չեմ-թուղթ եմ Եգիպտոսում հայտնաբերվել են տասնյակ հնագույն սարկոֆագներ «Հին Երևան» ծրագիրը մայրաքաղաքի կայուն զարգացման առանցքային բաղադրիչներից է. Վարագ Սիսեռյան COVID-19-ի պատճառով Նոբելյան մրցանակաբաշխության ձևաչափը փոխվել է «Ընթրիք հիմարի հետ». Ֆրանսիս Վեբերի հանրահայտ կատակերգությունը կներկայացվի Վանաձորի թատրոնի բեմում Երևանում կանցկացվի «Արմենիա» միջազգային երաժշտական փառատոնը Երեխաները պատահականություն չեն Ֆիլմ Տ. Բագրատ եպիսկոպոս Գալստանյանի մասին Երիտասարդ դաշնակահարների ինքնատիպ ելույթը Նախանձ Սեր, խրախճանք, ժանտախտ. Մայր թատրոնի 99-րդ թատերաշրջանի մեկնարկը՝ «Դեկամերոն» բացօթյա ներկայացմամբ Միշտ ներկա Համո Սահյանին այժմ բացակա են դնում Ամենայն Հայոց Կաթողիկոսն ընդունեց նորաօծ քահանաներին (նկարներ, տեսանյութ) Շիրակի մարզի Հողմիկ գյուղի խոնարհված եկեղեցին օծվել է (նկարներ, տեսանյութ) Վահան Սաղաթելյան. Տխուր թատրոն՝ առանց հանդիսատեսի Մարո Մարգարյան․ Խեղդվելու չափ պետք ունեմ ես․․․ «Խաղաղությանը նվիրված» համերգ Նիդերլանդների Մաստրիխտ քաղաքում «Ապրե՛ք որպես ազատներ» Սաղմոս ՃԽԸ Մոցարտյան երաժշտությունը կհնչի Ֆիլհարմոնիկի լավագույն երաժիշտների կատարմամբ Մշակութային ՊՈԱԿ-ներում նորոգումներ կլինեն, ձեռք կբերեն անհրաժեշտ տեխնիկա Արժևորելով միտքն ու համառությունը. Նախագահի նստավայրում հանձնվեցին «Պողոսյան մրցանակները» «Ֆիրդուս այլընտրանքայինի» առաջին մրցանակը շնորհվում է վիետնամցի ճարտարապետին
website by Sargssyan