USD
EUR
RUB

Հռոմի պապը կաղոթի բոլոր մոլորյալ հոգիների համար

 

Մամուլը գրում է, որ վարչապետ Նիկոլ Փաշինյանը նոյեմբերի 20-ին պաշտոնական այցով Վատիկանում կլինի ու կհանդիպի Հռոմի Սրբազան Քահանայապետ Ֆրանցիսկոս պապին: Նրա մամլո քարտուղարը չի հերքել տեղեկությունը, բայց և ոչինչ չի ասել օրակարգի մասին: Փորձենք պատկերացնել նրա զրույցի կետերը կաթոլիկ աշխարհի քահանայապետի հետ:

1. Պաշտոնական ընդունելության 45 րոպեներից 20 րոպե Նիկոլ Փաշինյանը կպատմի թավշե, սիրո ու հանդուրժողականության հեղափոխության մասին ու այն մասին, որ Հայաստանում երբևէ չի եղել նման ժողովրդավարական կառավարություն: Ֆրանցիսկոս պապը կժպտա:

2. Մնացած 20 րոպեում ստիպված է տեղավորել իր մյուս ձեռքբերումները, որ թիվ ու հաշիվ չունեն: Հարկավ՝ նա քահանայապետին կասի, որ իր իմաստուն որոշումով հայոց դպրոցներում չի դասավանդվի հայոց եկեղեցու պատմության առարկան, որովհետև մեզ պետք է ընդհանրական ու ճշմարիտ պատմություն: Ֆրանցիսկոս պապը չի ժպտա:

3. Խրախուսվելով պապի լռությունից՝ Նիկոլ Փաշինյանը նրան կպատմի, որ ճիշտ է՝ ԽՍՀՄ-ի ժամանակ եկեղեցին շատ է հալածվել, բայց անկախության տարիներին սերտաճել է իշխանության հետ ու հիմա պիտի հատուցի իր սխալների համար: Ու որովհետև եկեղեցին չի կարող հեռանալ ինչպես ՙնախորդ հանցավոր ռեժիմի՚ պաշտոնյաները, պիտի հեռանա կաթողիկոսը: Հայ հանրությունը դա է ուզում: Համենայն դեպս՝ մի 20-30 հոգի, ու նույնիսկ BBC-ին երկու անգամ գրել է այդ մասին: Ճիշտ է՝ պատվիրատուն ռուսներն էին, բայց խոսքը Հայ առաքելական եկեղեցուն էր վերաբերում: Իսկ ինքը, որ ճշմարիտ քրիստոնյա է, խոր հավատացյալ, չի պահանջում Ամենայն հայոց կաթողիկոս Գարեգին Բ-ի հրաժարականը, սերտ կապեր է հաստատել Արամ Ա-ի հետ՝ Անթիլիասի կաթողիկոսի: Կաթողիկոսը կաթողիկոս է՝ ինչ տարբերություն: Նիկոլ Փաշինյանը պարծանքով կասի, որ ինքը նույնիսկ չշնորհավորեց Վեհափառին գահակալության 20-ամյակի առիթով՝ ոչ ընտրության, ոչ օծման օրը: Թեև պարտավոր էր: Ֆրանցիսկոս պապը կմռայլվի:

4. Նիկոլ Փաշինյանը պարծանքով Հռոմի պապին կպատմի, որ բուհերում այլևս հայոց լեզուն ու հայ գրականությունը պարտադիր ուսուցման առարկաներ չեն լինելու՝ ինքն է որոշել: Թող ուսանողները սովորեն իրենց մասնագիտական առարկաները, լեզուն ու գրականությունը նրանց պետք չեն, ոչ էլ հայ ժողովրդի պատմությունը՝ դա էլ է հանելու: Տեսնելով, որ Հռոմի պապը խոժոռվում է, Նիկոլ Փաշինյանը նրան կառաջարկի, որ այդ առարկաները ուսուցանվեն Վատիկանում:

5. Նիկոլ Փաշինյանը Հռոմի պապին կպատմի Պապ թագավորի մասին, որ հայոց եկեղեցին անջատեց բյուզանդական եկեղեցուց ու թունավորվեց բյուզանդացի դեսպանի ձեռքով: Ու կառաջարկի Վատիկանում մի տեղ Պապի արձանն էլ դնել՝ ծախսերը թող պապը հոգա: Ու սլացիկ կանցնի հաջորդ հարցին:

6. Ինչու՞ պիտի եկեղեցին փող չտա: Հո պետություն չէ պետության մեջ: Հետո ի՞նչ, որ հարկերը վճարում է, որ Մայր Աթոռն է շենացնում ու տասնյակ նոր կառույցներ են ավելացել, նոր եկեղեցիներ են կառուցվում ու վերականգնվում, սոցիալական ծրագրեր ունեն, բանակին են օգնում, Հայորդյաց տներ են պահում, հոգևորականներ են ուսուցում՝ Հայաստանում ու արտասահմանում, թող քեշ փող տա: Եթե Հռոմի պապտ չհասկանա ինչ է ՙքեշը՚, Նիկոլ Փաշինյանը կարճ հակակոռուպցիոն դասախոսություն կկարդա: Հռոմի պապը կփորձի գոնե մեկ բառ ասել՝ չի ստացվի:

7. Իբրև հանդիպման պարտադիր մաս՝ Նիկոլ Փաշինյանը Հռոմի Ֆրանցիսկոս պապին կհրավիրի Երևան՝ իրեն հյուր: Պապը ինքն իրեն կստիպի ժպտալ: Նա երկրորդ անգամ կփորձի ժպտալ, երբ հանդիպման ավարտին Նիկոլ Փաշինյանը նրան նվիրի իր գիրքը ու հանձնարարի, որ թարգմանեն իտալերեն կամ իսպաներեն, որ պապը կարողանա կարդալ ու տեսնել երկրի հակառակ երեսը:

Եթե Հռոմի պապին հաջողվի գոնե 5 րոպե խոսել, նա կպատմի, որ 2016-ին արդեն եղել է Հայաստանում՝ Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի և Կաթոլիկ եկեղեցու հրավերով՝ «Այց առաջին քրիստոնյա երկիր» կարգախոսով: Կասի, որ իր համար էլ շատ հուզիչ պահ էր Ամենայն Հայոց կաթողիկոսի հետ Սուրբ Պետրոսում 2015-ին մատուցված պատարագը, որի ժամանակ ինքն ասաց ՙգենոցիդ՚ բառը, թեպետ ելույթի տեքստում չկար, բայց չասել չէր կարող ճշմարտությունը: ՙՃշմարտություն՚ բառը պապը կշեշտի: Ու Նիկոլ Փաշինյանը նրան կընդհատի, որ մոռացած շնորհակալությունը հայտնի:
Հանդիպումից հետո պապը երկար կաղոթի բոլոր մոլորյալ հոգիների համար:

Անահիտ ԱԴԱՄՅԱՆ
Հ.Գ. Ու որ ամեն ինչ հենց այս ընթացքը չունենա, հիշեցում՝ Հռոմի պապին հանդիպելիս ոչ թե նրա ձեռքն են սեղմում, այլ՝ համբուրում են: Դա կարգ է: ԱՐԱՐՈՂԱԿԱՐԳ, որի վրա Հայաստանում թքած ունեն, բայց Վատիկանում՝ ոչ: Վատիկանը հզոր պետություն է՝ Հայաստանից փոքր է, բայց մի քանի միլիարդ ՙբնակչություն՚ ունի աշխարհում: Ու՝ անսահման իշխանություն՝ հոգևոր ու աշխարհիկ:

Լրահոս
Սարոյանի տուն-թանգարանում տեղի է ունեցել նոր հոլոգրամի առաջին ցուցադրությունը Գլխուղեղի վիրահատության ժամանակ կինը ջութակ է նվագել Սիրո խոստովանություն Թումանյանին. Ռուսական թատրոնում բեմ կբարձրանա «Քաջ Նազար» ներկայացումը «Նկարն էլ իր կյանքն ու­նի, չես կա­րող փա­կել ար­վես­տա­նո­ցում, միայն ինքդ տես­նել» Ջազ նվագախումբը կներկայացնի գերշվինյան ինքնատիպ երեկո Սաղմոս ՃԻԲ Մատթեոս Զարիֆյան. Լեռներն իմ երազիս Փրկու­թ­յու­նը յոթ կնի­քով կնք­ված չէ Կոմիտաս․ Աստվա՜ծ իմ Դանիել Վարուժան․ Հասուն արտ Վարդանանք՝ մեր վերածնունդի գրաւականը Take On Me. նորվեգական խմբի հիթը դարձել է 80-ականների երկրորդ երգը, որը 1 մլրդ դիտում է հավաքել YouTube-ում Ֆիլհարմոնիկ նվագախումբը 2020-ի առաջին համերգին կհնչեցնի Բեթհովենի, Մոցարտի և Նիլսենի գործերը Վարդանանց տոնի քարոզ Իրանահայ մաեստրո Լորիս Ճգնավորյանը երաժշտություն է գրել՝ ի հիշատակ ուկրաինական ինքնաթիռի վթարի զոհերի «Մոնա Լիզայի» վրայի ճաքերը պաշտպանում են կտավը Պատմական դեմքեր, որ բանտում կլինեին, եթե ապրեին Նոր Հայաստանում Մահացել է ՀՀ ժողովրդական արտիստ, դիրիժոր Յուրի Դավթյանը Բեռլինի հոբելյանական կինոփառատոնը մեկնարկում Է «Սելինջերի իմ տարին» դրամայի ցուցադրությամբ Վախճանվել է Երվանդ Մանարյանը Վահագն Դավթյան․ Ժամ Հայտնության Հովհաննես Թումանյան․ Գութանի երգը Կոմիտաս. Բուսաբարև Հայկական կինոժառանգությունը ներկայացվելու է ամերիկյան հանդիսատեսին Հայտնի հայ նկարիչներն ի աջակցություն Չինաստանի ստեղծել են միասնական կտավ Նոր հրատարակություն Կանադայից մինչև Չինաստան. տարվա լավագույն բնապատկերային լուսանկարները՝ Insider-ի ֆոտոշարքում Սուրբ Վարդանանց զորավարների և 1036 վկաների հիշատակության օր «Ամստերդամի կենտրոնական գրադարանում բացվելու է հայկական հավաքածու»․ Հրաչյա Սարիբեկյան Հովհաննես Թումանյանի ծննդյան օրն է Բրեքսիթից հետո Հունաստանը Բրիտանիայից պահանջում է վերադարձնել Էլգինի մարմարե արձանները Թումանյանի թանգարանը հետաքրքիր նախաձեռնություններով տոնեց գրողի 151- ամյակը «Գարնանային ջազ երեկո»՝ Երևանում և մարզերում 500 տարվա մեջ առաջին անգամ Վատիկանում Ռաֆաել Սանտիի էսքիզներով միանգամից 10 գոբելեն աշխատանքներ ներկայացվել են ցուցադրության «Հայաստանի Հանրապետություն» օրաթերթ. Մեր նախնիները գիրքը գանձ են համարել Համո Սահյան. Անունդ տալիս Կոմիտաս․ Խաչյալին Հետազոտությունը բացահայտել է, որ Փենսիլվանիայի թանգարանում պահվող վիճահարույց կտավն իրականում պատկանում է Ռեմբրանտի վրձնին Կցուցադրվեն ավետարանական թեմայով մանրանկարներ Սոնա Արշունեցի. Արարատն է իմ խոսքերի գեթ վկան
website by Sargssyan