USD
EUR
RUB

Մարի Հովհաննիսյանը հրատարակելու է Սոս Սարգսյանի կենսամատենագիտությունից դուրս մնացած փաստերը

 

ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Սոս Սարգսյանի կենսամատենագիտության կազմող Մարի Հովհաննիսյանը նախատեսում է հրատարակել գրքից դուրս մնացած փաստերը, որոնք կամբողջացնեն թատրոնի և կինոյի մեծ վարպետին վերաբերող տեղեկությունները:

«Արմենպրես»-ի թղթակցի հետ զրույցում Հովհաննիսյանն ասաց, որ կենսամատենագիտությունը տեղեկատվական գրականություն է, և, եթե բացում ենք որևէ կենսամատենագիտություն կամ մատենագիտություն, լիարժեք ինֆորմացիա ենք գտնում այս կամ այն անձի, թեմայի վերաբերյալ:

«Սոս Սարգսյան. կենսամատենագիտություն»-ը լույս է տեսել 2010 թվականին «Լոռվա ձոր» հայրենակցական միության աջակցությամբ: Մեծ քանակությամբ նյութեր դուրս մնացին, որոնք, կարծում եմ, անհրաժեշտ է հրատարակել: Կան նյութեր, որոնք նոր են հավաքվել»,-ընդգծեց Մարին:

Նրա խոսքով`անդրադարձել է հենց Սոս Սարգսյանին, որովհետև ցանկացել է առնչվել կենդանի լեգենդի հետ:

«Իմ դիպլոմային աշխատանքն էր: Պահանջվում էր վաթսուն էջ, բայց ես ներկայացրեցի 120: Մի մասն էլ կրճատեցի: Երեք տարի աշխատեցի. հավաքեցի նյութեր Հայաստանի ազգային գրադարանի ֆոնդերից, օգտվեցի Համազգային թատրոնում, Սոս Սարգսյանի ձեռքի տակ եղած նյութերից և այլ աղբյուրներից: Չեմ կարողանում գտնել համապատասխան բառեր նկարագրելու, թե ինչ դրական ապրումներ եմ ունեցել Սոս Սարգսյանի հետ հաղորդակցվելիս: Դա հրաշալի էր, անպատմելի»,-ներկայացրեց Հովհաննիսյանը:

Նա պատմեց, որ իր դասախոսի հետ այցելել է Սարգսյանի տուն` նրա անձնական արխիվն ուսումնասիրելու և դրանից օգտվելու համար: «Սարգսյանը մեզ ասաց, որ դուրս է գալիս սենյակից` այն հանձնելով մեզ: Նա նշեց, որ 15 րոպեից ետ կգա, և մենք սենյակը պետք է վերադարձնենք իրեն: Ինքնամոռաց ուսումնասիրում էինք Սոս Սարգսյանի նամակները, երբ ընդունարանում ձայներ լսվեցին: Պարզվեց`Ռազմիկ Դավոյանն է հյուր եկել վարպետին: Սարգսյանն ասում էր, որ չի ցանկանում մեզ խանգարել, ուստի իրենք սուրճն ընդունարանում կխմեն: Մենք զարմացած էինք նրա` մեր հանդեպ սիրալիրությունից»,-հիշեց կենսամատենագիտությունը կազմողը:

Նա հավելեց, որ Սոս Սարգսյանը մեծություն էր, որից անընդհատ կարելի էր սովորել:

Լրահոս
Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները
website by Sargssyan