USD
EUR
RUB

Պատվի պարտք

 

Երկուշաբթի Փարիզում նշեցին առաջին աշխարհամարտի ավարտի 101-ամյակը: Նոյեմբերի 11-ին, որ Ֆրանսիայում տոնական օր է, նախագահ Էմանուել Մակրոնը բացեց 1963-ից արտասահմանում ռազմական գործողությունների ժամանակ զոհված ֆրանսիացի զինվորների հիշատակին առաջին համազգային հուշարձանը:

Երեկոյան Մակրոնը հանդիսավորությամբ բացեց ամենամյա «Խաղաղության համաժողովը», որ առաջին անգամ Փարիզում կազմակերպվեց անցյալ տարի՝ Կոմպյենի հրադադարի ստորագրման 100-ամյակի պատվին, որով վերջ դրվեց առաջին աշխարհամարտին: Հիշատակի արարողությունները նոյեմբերի 11-ին սկսվեցին Ելիսեյական դաշտերում Ժորժ Կլեմասոյի հուշարձանին ծաղկեպսակ դնելով, նա մեկ դար առաջ Ֆրանսիայի վարչապետն էր: Կլեմանսոյի հուշարձանից Մակրոնը Հանրապետական գվարդիայի ուղեկցությամբ քայլեց դեպի Հաղթական կամար: Անհայտ զինվորի հուշարձանի մոտ կատարվեց Հավերժական կրակը վառելու զինվորական ավանդույթը (կրակն առաջին անգամ վառվել է 1923-ին): Կեսօրից հետո Ելիսեյան պալատում Ֆրանսիայի նախագահը հանդիսավոր նախաճաշի էր հրավիրել վետերանների կազմակերպություններին: Ժամը 16-ին Փարիզում բացվեց 1963-ից սկսած արտասահմանում ռազմական գործողությունների ժամանակ զոհված ֆրանսիացի զինվորների հիշատակին առաջին համազգային հուշարձանը: Հուշահամալիրի բացմանը ներկա էին զոհվածների 600 ազգականներ: Նախագահ Էմանուել Մակրոնը հիշատակի խոսք ասաց «հերոսների նոր կոհորտային», որ բարձրագույն զոհաբերության են գնացել՝ իրենց կյանքը տալով վերջին տասնամյակների զինված կոնֆլիկտներում ու խաղաղարար գործողություններում:

«Այս հուշարձանով Ֆրանսիան կատարում է իր պատվո պարտքը»՝ ասաց Մակրոնը, որ անձնական որոշումով վերացրել էր հուշարձանի կառուցման 2011-ի արգելքը: Մակրոնը ընդունեց ռազմական որոշումների «մարդկային հետևանքների» ամբողջ ծանրությունը, որ ստիպված է ընդունել Ֆրանսիայի նախագահը՝ իբրև զինված ուժերի գերագոււյն գլխավոր հրամանատար: Պետության ղեկավարը, Մակրոնի խոսքով, ստիպված է ապրել ողբերգության գիտակցությամբ, որ դառնում է հանուն ազգի տրվող հրամանի մաս: «Բայց դա անհրաժեշտ է հանուն մեր հայրենակիցների, մեր շահերի պաշտպանության և աշխարհում կայունության պահպանման»՝ ընդգծեց Ֆրանսիայի նախագահը և հավելեց. «Որովհետև դա անհրաժեշտ է, այսօր ու միշտ մենք կշարունակենք, ինչպես երեկ, պաշտպանել մեր արժեքները ու պայքարել մեր թշնամիների դեմ»: Հուշարձանը Փարիզի 15-րդ շրջանում է, Անդրե Սիտրոենի այգում: Հուշարձանի կենտրոնում 6 բրոնզե զինվորներ են, որ տանում են անտեսանելի դագաղ: Հուշահամալիրի պատին ֆրանսիացի 549 զինվորականների անուններն են, որ զոհվել են Ալժիրի պատերազմի ավարտից հետո արտասահմանում ռազմական գործողությունների ժամանակ: Վերջին կես դարում Ֆրանսիայի զինված ուժերը մասնակցել են 17 ռազմական գործողության: 141 զինվոր զոհվել է Լիբանանում, 129-ը՝ Չադում, 85-ը՝ Աֆղանստանում, 78-ը՝ Հարավսլավիայում: Վերջինը ավագ կապրալ Ռոնան Պուանտոն է, որ նոյեմբերի 2-ին զոհվել է Մալիում, որտեղ Ֆրանսիան «Բարխան» գործողությունն է իրականացնում: Սախելի շրջանում (Մալի, Չադ, Նիգերիա, Բուրկինա Ֆասո) ֆրանսիացի 4 500 զինվորականներ կան: 2013-ից Ֆրանսիան օգնում է իսլամիստների զինված խմբավորումների դեմ պայքարում տեղի ուժերին, Մալիում Ֆրանսիան 23 զոհ է ունեցել:

2018-ին Կոմպյենի հրադադարի 100-ամյակը Փարիզում նշվեց սամիթով, որին մասնակցում էին 70 պետությունների ու կառավարությունների ղեկավարներ: Ֆրանսիայի նախագահի հրավերով Փարիզում էին Եվրոպայի, ԱՄՆ-ի ու Ռուսաստանի ղեկավարները: Մակրոնի նախաձաեռնությամբ այդ ժամանակ Փարիզում կազմակերպվեց խաղաղության առաջին համաժողովը, որին այս անգամ մասնակցում են 30 պետությունների ղեկավարներ և ՄԱԿ-ի գլխավոր քարտուղար Անտոնիու Գուտերեշը:
RFI

Հ.Գ. Միանշանակ է, որ առաջին աշխարհամարտի 101-ամյակի տոնակատարությունը Ֆրանսիայի նախագահը օգտագործելու է՝ պարզելու երրորդ աշխարհամարտի ավարտի հարցերը, որ վաղուց սկսվել է՝ իբրև հիբրիդային պատերազմ՝ բոլորը բոլորի դեմ, բոլոր միջոցներով: Իսկ հիմա վերածվում է երկրորդ սառը պատերազմի:

Անահիտ ԱԴԱՄՅԱՆ

Լրահոս
Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները
website by Sargssyan