USD
EUR
RUB

Իրական հերոսն ու հաղթանակը

 

ԵՐԵՎԱՆ, 14 ՆՈՅԵՄԲԵՐԻ, Panorama.am: Որևէ մեկը կասկած չի կարող ունենալ, որ հայ ազգը հարուստ է իրական հերոսներով, լեգենդներով, տաղանդներով ու հանճարներով: Ցանկացած ոլորտից՝ մշակույթ, գիտություն, ռազմական և այլն, կարող ենք ներկայացնել անուններ, որոնց մշտապես հպարտությամբ ենք հիշում ու հիշելու ենք: Այսօր էլ մեր կողքին ունենք իրական հերոսներ: Թեև որոշակի շրջանակում իրական հերոսի մասին պատկերացումները որոշակիորեն խեղված են, սակայն իրական հերոսին երբեք հնարավոր չէ նսեմացնել ու ստիպել, որ նրան մոռացության մատնեն:

Իրական հերոսներից է ծանրամարտ աշխարհի ու Եվրոպայի չեմպիոն Նազիկ Ավդալյանը: Գյումրեցի աղջիկն իր կարիերայի ընթացքում ցույց տվեց, թե ինչպես պետք է լինի իսկական մարզիկն ու կինը:

Հայ ծանրորդուհին ավտովթարից, վիրահատությունից հետո իր մեջ ուժ գտավ ու վերադարձավ սպորտ: Ոչ միայն վերադարձավ, այլ դարձավ չեմպիոն:

Լրագրող, ռեժիսոր Սուրեն Արեենցը պատրաստվում է ֆիլմ նկարել Նազիկ Ավդալյանի մասին: Նախապատրաստական աշատանքներն արդեն սկսված են, սցենարը գրվում է: Թեև նա դեռ անձամբ չի հանդիպել Նազիկի հետ, սակայն հույս ունի, որ առաջիկայում այդ հանդիպումը կկայանա:

«Վաղուց գաղափար կար, որ վեր հանվի մեր հայոց թագուհիների պատմությունները: Տեղեկություններ կան, որ շատ-շատ վաղուց ենք հայ թագուհիներ ունեցել, որոնք ղեկավարել են տարածաշրջանը: Հիմնական նպատակն է՝ ցույց տալ, որ մեր կանայք միշտ ունեցել են հավասար դերակատարում, ինչ տղամարդիկ, նույնիսկ ղեկավարման առումով որևէ տարանջատում չի եղել: Մեզ մոտ կինն ունի նաև իր կարևոր գործառույթը՝ ընտանիքում լինել մայր, երեխա ծնող ու ազգը շարունակող»,- Panorama.am-ի հետ զրույցում ասաց Սուրեն Արեենցը:

Նա ընդգծեց, որ Նազիկի օրինակով ուզում են ցույց տալ, որ կինն ինչքան կարող է ուժեղ լինել ընտանիքում, նույնքան էլ գործում:

«Հաճախ արական սեռի ներկայացուցիչներն իրենց մեջ ուժ չեն գտնում վնասվածքից հետո կրկին վերադառնալ սպորտ ու հաղթանակ բերել իր ազգին: Սակայն դա արեց Նազիկը, որովհետև կնոջը հատուկ է ցավը վերապրելու ունակությունը»,- ասաց ռեժիսորը:

Սուրեն Արեենցը նշեց, որ Նազիկի կերպարն ընտրել է համացանցի պահանջով: Փաստավավերագրական ֆիլմի նկարահանման համար նա դիմելու է կրթության, գիտության, մշակույթի և սպորտի նախարարություն՝ ֆինանսավորման որոշակի ակնկալիքով: Միաժամանակ նշում է, որ անկախ ամեն ինչից «Areents Production»-ը նկարահանելու է այդ ֆիլմը:

«Երբեք չպետք է կնոջ դերակատարումը նվաստացնել կամ գուցե արհեստականորեն ստեղծել մթնոլորտ, որտեղ իբր կնոջը չենք հարգում կամ կնոջը միայն տանը, խոհանոցում ենք սիրում», - ասաց ռեժիսորը:

Ս. Արեենցի խոսքով, այս շարքը շարունակական է լինելու:

«Նույնիսկ երբ կոտրված էր ողնաշարս, ու ես հիվանդանոցում պառկած էի, միշտ հույս ունեի, համոզված էի, որ կվերադառնամ սպորտ: Եթե հիասթափվեի ու այդ համոզմունքը չլիներ, հաստատ վերադառնալու փորձեր չէի անի», - հաղորդումներից մեկի ժամանակ ասել է Նազիկ Ավդալյանը:

Սկզբնական շրջանում բժիշկներն էին այն կարծիքին, որ նման կարգի վնասվածքով սպորտ չեն վերադառնում, այն էլ՝ ծանրամարտ: Թեև բժիշկներն ասել էին, որ չի կարող մարզվել, բայց Նազիկը «գողտու» զբաղվել է ու բարձրացրել ծանրաձող: Բարձրացրեց ու 2016 թվականին Հայաստանն ունեցավ ծանրամարտի Եվրոպայի չեմպիոն: Իր հաղթանակը նա նվիրեց «Ղարաբաղում կռվող բոլոր տղաներին»:

Լրահոս
Ավետիք Իսահակյան. Մեղքի և զղջման երգեր Մեղ­քի վարձ­քը մահն է, բայց Աստ­ծո շնոր­հը` հա­վի­տե­նա­կան կյանք` մեր Տեր Հի­սուս Քրիս­տո­սի ձեռ­քով Ղևոնդյանց տոնի առիթով Մայր Աթոռում տեղի ունեցավ պարգևաբաշխություն Ադելը հայտնել է, որ նոր ալբոմը կթողարկվի սեպտեմբերին «Բո­լոր սլա­վո­նա­կան ժո­ղո­վուրդ­նե­րի մեջ ա­մե­նա­հե­րո­սա­կա­նը սեր­բերն են» «Ո՞վ է Գանդին Հայ ժողովրդի ու Հայ մշակույթի համար. զրո, բացառիկ զրո» Բարեկենդանը Հայաստանում կնշվի մեծ տոնակատարություններով Դանիել Վարուժան․ Անդապահը Գուրգեն Մհարի․ Հեքիաթ Վախճանվել Է կինոռեժիսոր Գեորգի Շենգելայան Ֆիլհարմոնիկի լեգեոներ երաժիշտների փառատոնն առաջինն է աշխարհում Տիգրան Մանսուրյանի կինոերաժշտությունը՝ Գյումրիում Սուրբ Ղևոնդյան քահանաների վկայաբանություն Գրողների միությունը բազմազան միջոցառումներով կտոնի Գիրք նվիրելու օրը Նոր նշանակում «Մեկ օր Աբովենց տանը» Մահացել է լուսանկարիչ Գերման Ավագյանը Մայր Աթոռի պատվիրակությունը Վատիկանում մասնակցելու է երիտասարդ հոգևորականների հավաքին Մոսկովյան «Գրանդ Մանեժ» շապիտո կրկեսը Հայաստան է գալիս Հայաստանի պետական սիմֆոնիկ նվագախմբի կատարումները հասանելի են IDAGIO-ում Հովհաննես Թումանյան. Ալեք Դանիել Վարուժան․ Կակաչներ Նշվեց Տեառնընդառաջի տոնը Պարույր Սևակ․ Աշխարհ․․․Աշխարհ Ամենայն Հայոց Կաթողիկոսը նամակ է հղել Սիրիայի նախագահին Հրանտ Թոխատյան. «Անընդհատ վարձով ապրելը դժվար է» Հայտնի են «Հրանտ և Մանուշակ Սիմոնյան» գրական հիմնադրամի մրցանակակիրների անունները Արդյո՞ք Աստված պատասխանում է մեր աղոթքներին Մաթևոսյանի 85-ամյակին նրա թանգարանը դեռևս չի գործում Գրականության և արվեստի թանգարանում բացվեց Ղազարոս Աղայանին նվիրված ցուցահանդես Տեառնընդառաջի քարոզ Փողոցային նկարիչ Բենքսին Սբ Վալենտինի օրվա առթիվ ուշագրավ աշխատանք է ներկայացրել Նոր ծրագ­րեր, նոր խն­դիր­ներ, նոր տնօ­րեն Թույլ մի՛ տվեք, որ լես­բի­նե­րի, գե­յե­րի, տրանս­գեն­դեր­նե­րի, պղ­ծա­սեր­նե­րի բա­նակ­նե­րը ձեր իսկ քվե­նե­րով իշ­խեն ձեր վրայ «Դրախտի դարպասը» կցուցադրվի նաև Կանադայում Ներկայացվել են Ալ. Հարությունյանի կամերային ստեղծագործությունները Ակսել Բակունց․ Աղոթք Կամերային տանը կանցկացվի աշխարհահռչակ օպերային երգչուհի Լիլի Չուգասզյանի 100-ամյակին նվիրված համերգ Գարեգին Նժդեհ. Կյանքի օրենքը Լույսով ու հավատով՝ Տիրոջն ընդառաջ
website by Sargssyan