USD
EUR
RUB

Սուրբ Հովհան Ոսկեբերան. Դատարկության եվ ճոխության մասին

 

Դատարկաբանության և ճոխության մեջ իր կյանքն անցկացնող մարդուց ավելի անօգուտ բան չկա: Ուտելու և անգործության բավականությունն այնպես չէ, ինչպես թվում է, այլ կարճաժամկետ է և անցողիկ: Չզբաղվենք այդպիսի կյանքով: Նայենք, թե ով է ավելի հաճելի անցկացնում ժամանակը. աշխատողը և աղքատության մեջ ապրո՞ղը, թե՞ ճոխությունների տրվողը, ապա կտեսնենք, որ առաջինը, որովհետև նախ վերջինիս մարմինը փափկության մեջ թմրած է, նրա մարմնական ցանկությունները առողջ վիճակում չեն, այլ թույլ և անկենդան են, իսկ առանց դրա չկա նաև առողջության հաճելի զգացում: Ինչպիսի՞ նավն է օգտակար՝ լողացո՞ղը, թե՞ անշարժ կանգնածը, ինչպիսի՞ երկաթը՝ գործի մեջ օգտագործվո՞ղը, թե՞ անգործածելին: Առաջինը փայլում է արծաթի պես, իսկ մյուսը ժանգոտվում է, դառնում անպիտան և նույնիսկ կորցնում իր նյութի մի մասը: Նման մի բան էլ տեղի է ունենում նաև ծույլ հոգու հետ, կարծես ժանգը ծակում է նրան և ոչնչացնում նրա փայլը: Ինչո՞վ կարելի է ոչնչացնել այդ ժանգը՝ վշտի փորձաքարով, որը հոգուն դարձնում է օգտակար և ամեն ինչի ընդունակ:

Ո՞ւմ կարող է հաճելի լինել իր մարմինը պարարտացրած մարդը: Սա չեմ ասում նրանց համար, ովքեր բնականից այդպիսին են, այլ նրանց համար, ովքեր պարարտացնում են իրենց մարմինը ճոխությամբ և բնականից գեր չեն: Արևը ծագում է, ամենուր տարածում իր լուսավոր ճառագայթները. հողագործն իր բահը վերցրած՝ դուրս է գալիս, բոլորը սկսում են իրենց աշխատանքը, իսկ նա վաղ առավոտից զբաղված է ստամոքսը լցնելով և մտածելով, թե ինչ ճոխ ընթրիք պատրաստի: Արթնանում է, երբ արևն արդեն լուսավորել է ամեն ինչ, երբ արդեն բոլորը բավականին հոգնել են իրենց աշխատանքներից, պառկում է անկողնում՝ օրվա լավագույն ժամերը կորցնելով մռայլ երազների մեջ, այնուհետև երկար ժամանակ նստում է անկողնու մեջ՝ այդպես անցկացնելով օրվա մեծ մասը: Ապա զարդարում է իրեն, դուրս գալիս փողոց, սկսում խոսել և այնպիսի բաներ անել, որ ավելի լավ կլիներ նորից քնելը, քան արթուն մնալը: Եթե նրան որևէ տհաճ բան են ասում, դառնում է դյուրազգաց աղջիկների պես, իսկ եթե հաճելի բան են ասում, ապա դառնում է երեխաների նման թեթևամիտ: Նա պատրաստ է ենթարկվել բոլոր նրանց, ովքեր ցանկանում են չարիք գործել, եթե նույնիսկ ոչ մարդկանց, ապա կրքերին: Նրան հեշտությամբ են գրավում նաև բարկությունը, հեշտասիրությունը, նախանձը և մյուս կրքերը:

Բոլորը նրան շողոքորթում են, ծառայում՝ առավել ևս կուրացնելով նրա հոգին: Ամեն օր նա ավելացնում է իր հիվանդությունները: Եթե ընկնի դժվարին դրության մեջ, կվերածվի հող ու մոխրի, մետաքսյա հոգուստները նրան ոչ մի օգուտ չեն տա: Այս ամենը ձեզ հենց այնպես չի ասվում, այլ որպեսզի սովորեցնի, որ դատարկախոսությունն ու ճոխությունը ոչ ոքի պիտանի չեն, այլ միայն ծառայում են սնափառությանը և հաճույքներին: Ինչպե՜ս են բոլորն արհամարհում այդպիսի մարդուն, նա բեռ է աշխարհին և ծնվել է իր կործանման և մարդկանց վնասելու համար: Իր բնությամբ հոգին պահանջ է զգում շարժումի և չի կարողանում հանդուրժել անգործությունը: Աստված նրան գործունյա է ստեղծել, գործը հատուկ է նրա բնությանը:

Դատարկությունից և անգործությունից ամոթալի բան չկա, այդ պատճառով էլ Աստված մեզ աշխատանքի անհրաժեշտությունը տվեց: Անգործությունը վնասում է ամեն ինչ, նույնիսկ՝ մարմնի անդամները: Եթե աչքը կամ ստամոքսը կամ մյուս անդամները չեն կատարում իրենց գործը, ապա ավելի վատ հիվանդություններ են առաջանում. այդ ամենը հատկապես հոգին է կրում: Օրինակ, եթե մեկը ոչինչ չուտի, կվնասի իր ատամները և եթե սկսի ուտել անպետք բաները, նույնպես կվնասի: Նույնն է նաև այստեղ. եթե հոգին ոչ մի բան չի անում կամ անում է այն, ինչ հարկավոր չէ, կորցնում է իր ուժը: Այդ պատճառով ջանանք խուսափել թե՛ դատարկությունից և թե՛ այդպիսի գործունեությունից, ինչը դատարկությունից ավելի վատ է: Ի՞նչ գործեր են դրանք. անառակություն, բարկություն, նախանձ և մյուս կրքերը: Հեռու փախչենք այդպիսի գործերից, փութաջանորեն բարեգործություն անենք, որպեսզի արժանանանք մեզ խոստացված բարիքներին:

Ռուսերենից թարգմանեց Գայանե ԹԵՐԶՅԱՆԸ

Սկզբնաղբյուր՝ «Շողակն Արարատյան» երկշաբաթաթերթ

Լրահոս
Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները
website by Sargssyan