USD
EUR
RUB

Գյումրու քաղաքապետարանը կաջակցի Իսահակյանի և Շիրազի անտիպ գրքերի տպագրությանը

 

ԳՅՈՒՄՐԻ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի գրողների միության 85-ամյակին նվիրված տոնական տարվա շրջանակներում շարունակվում են միջոցառումները միության մարզային բաժանմունքներում: Նոյեմբերի 14-ին, մինչ մարզի գրողների ու ընթերցողների հետ հանդիպումը, Հայաստանի գրողների միության նախագահ, բանաստեղծ Էդվարդ Միլիտոնյանին և գրողների միության Շիրակի մարզային բաժանմունքի նախագահ Անդրանիկ Կարապետյանին ընդունեց Գյումրու քաղաքապետ Սամվել Բալասանյանը: Քաղաքապետը կարևորեց գրողների միության աշխատանքը, խոսեց Ավետիք Իսահակյանի Երկերի լիակատար ժողովածուի 6-րդ հատորի մասին, որի շնորհանդեսը տեղի է ունեցել օրեր առաջ՝ Ավետիք Իսահակյանի տուն-թանգարանում և որի տպագրությունն իրականացվել էր քաղաքապետարանի աջակցությամբ:

«2020 թվականի բյուջեում կներառենք Հովհաննես Շիրազի «Հայոց դանթեական»-ի տպագրությունը, քանի որ ինձ տեղեկացրել են, որ շատ հատվածներ պոեմից մինչ այս անտիպ են: Պատրաստ ենք աջակցել նաև Շիրազի այլ հատորի տպագրությանը, իսկ 2021 կրկին կանդրադառնանք Իսահակյանին»,-«Արմենպրես»-ի փոխանցմամբ՝ խոստացավ Գյումրու քաղաքապետը:

Համագործակցության համար Էդվարդ Միլիտոնյանը շնորհակալություն հայտնեց քաղաքապետին, ապա խոսեց Գյումրու մշակութային ու գրական կյանքի մասին: Էդվարդ Միլիտոնյանն ընդգծեց, որ Գյումրին միշտ եղել է արվեստի, գրականության, փիլիսոփաների կենտրոն: «Գյումրին միշտ էլ եղել է գրականության կենտրոն։ Քաղաքի հոգևոր զարգացումը տեսնում ենք շարունակության մեջ, և այստեղ իրենց դերն ունեն գրողներն ու միության Գյումրու բաժանմունքը, որը շատ լավ գործ է անում: Շնորհակալ ենք նաև քաղաքապետարանին՝ նրանց գործունեությանը աջակցելու համար»,- նշեց Էդվարդ Միլիտոնյանը:

Գյումրու քաղաքապետը վստահեցրեց, որ ինչպես անցած տարիներին, այսուհետ ևս քաղաքապետարանը կլինի գրողների միության կողքին: Գյումրու քաղաքապետը Էդվարդ Միլիտոնյանին հանձնեց շնորհակալագիր՝ մաղթելով ստեղծագործական կանաչ երթ ու համագործակցություն:

Արմենուհի Մխոյան

Լրահոս
Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները
website by Sargssyan