USD
EUR
RUB

Արվեստագետները կհարգեն քանդակագործ Արտո Չաքմաքչյանի հիշատակը նրան նվիրված համերգային ծրագրով

 

ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Քանդակագործ Արտո Չաքմաքչյանի հիշատակին հարգանքի տուրք մատուցելու նպատակով նոյեմբերի 19-ին Կոմիտասի անվան կամերային երաժշտության տանը երգիչ, երգահան Վահան Արծրունին կներկայացնի «Կոմիտաս. տասը հայտնություն» երգաշարը:

«Արմենպրես»-ի հաղորդմամբ` երեկոյին հանդես կգան Հայաստանի պետական կամերային նվագախումբը (գեղարվեստական ղեկավար և գլխավոր դիրիժոր՝ Վահան Մարտիրոսյան), Մայր Աթոռ Սուրբ Էջմիածնի և ՀԲԸՄ Նորքի հայորդաց տան «Շողակաթ» մանկական երգչախումբը (խմբավար՝ Կարինե Երզնկյան), ֆլեյտահար Նելլի Մանուկյանը, հոբոյահար Հովհաննես Պապիկյանը, գալարափող կնվագի Մերուժան Տեր-Մինասյանը, իսկ հայկական վիոլա` Գրիգոր Առաքելյանը:

«Բոլորովին վերջերս կյանքից հեռացավ մեծանուն արվեստագետներից մեկը` Արտո Չաքմաքչյանը, որի կյանքը լի էր ինչպես նվաճումներով ու վերելքներով, այնպես էլ` դրամատիկ պահերով: Բազմաթիվ անհարթություններ են եղել Արտո Չաքմաքչյանի և նրա հայրենիքի միջև: Պետական վերահսկողության պատճառով նա մտածել է երկիրը թողնելու և ավելի ազատ պայմաններում ստեղծագործելու մասին»,-համերգի առիթով կազմակերպված մամուլի ասուլիսում ասաց ՀՀ կրթության, գիտության, մշակույթի և սպորտի փոխնախարար Արա Խզմալյանը:

Նրա խոսքով` նման նախաձեռնությունը, որի հեղինակը Վահան Արծրունին է, առիթ է հարգանքի տուրք մատուցելու արվեստագետի հիշատակին:

«Չաքմաքչյանն արվեստագետ է, որն ամփոփում է ինչպես խորը ազգային արմատները, էությունը, այնպես էլ միջազգային տարբեր դպրոցների, տարբեր ուղղությունների, մեծ մշակույթի ազդեցություններն ու շերտերը: Նա կարողանում էր համադրել ամենն այնպես, որ շատ դժվար էր հստակ սահմանագիծ անցկացնել ազգայինի և միջազգայինի միջև»,-շեշտեց նախարարի տեղակալն ու հավելեց` փոխնախարար Նարինե Խաչատուրյանը աջակիցների հետ քայլեր է ձեռնարկել քանդակագործի ժառանգությունը Հայաստան տեղափոխելու համար:

«Պրինտ ինֆո» հրատարակչության տնօրեն նկարիչ Արամ Մեհրաբյանն էլ պատմեց, որ մի առիթով Չաքմաչյանն ասել է` իր քանդակները դերասաններ են, որոնք խոսում են իր մտքերի մասին:

«Նրանք, ովքեր հնարավորություն են ունեցել զրուցել Արտոյի հետ, կվկայեն, որ դրանք մեծ բավականություն պատճառող զրույցներ են եղել, միևնույն ժամանակ՝ դժվար: Նա ոչ թե խոսում էր, այլ խոսքը վերածում էր հերթական քանդակի, և ստիպված էիր դադար առնել` հասկանալու համար, թե ինչ ասվեց»,-խոստովանեց նկարիչը:

Վահան Արծրունին պատմեց, որ Չաքմաքչյանին հանդիպել է 2004 թվականին Նյու Յորքում: «Մեկ շաբաթ շարունակ նրա հետ շփվելու արդյունքը եղավ այն, որ նա առաջարկեց հետևյալը. ասաց, որ եթե հրատարակեմ «Կոմիտաս. տասը հայտնություն» ալբոմը, ինքը կնկարի գծանկարներ ցանկացած բանաստեղծության համար: Դա տեղի ունեցավ: Ալբոմի յուրաքանչյուր էջին զետեղված են նրա քանդակների պատկերները, գծանկարները: Այս համերգին ներկայացվելու են այն գծագրերը, որոնք Արտոն տրամադրել էր ինձ, և որոնք երբևէ չեն ցուցադրվել»,-եզրափակեց Արծրունին:

Արտո Չաքմաքչյանը հայ ժամանակակից քանդակագործության ամենաերևելի ներկայացուցիչներից մեկն է, որի ստեղծագործություններում կենտրոնական թեմաներ են մարդկային կյանքի դրամատիզմը, տառապանքն ու վիշտը, համամարդկային աղետները, ցեղասպանությունները: Չաքմաքչյանի գործերը ներկայացված են ամբողջ աշխարհում և արժանացել են բարձր գնահատականի:

 

Լրահոս
Ամփոփվեց մանկագիրների և նկարազարդողների մրցույթը. ներկա էր Նունե Սարգսյանը «Պատգամ» հոբելյանական երեկո՝ նվիրված Սոս Սարգսյանի ծննդյան 90-ամյակին Եղիշե Չարենց. Այրած երգեր Կոմիտասյան հոբելյանական համերգ Հռոմում Համո Սահյան․ Ես կուզեի․․․ Սուրբ Հակոբ Մծբնեցի հայրապետ. հոգեշահ քարոզիչը «Ավետիսը» աշխարհահռչակ դաշնակահարին հրավիրել է Երեւան Հովհննես Երանյան․ Գորտը, կամ սցենար նկարահանված ֆիլմի համար Վիլյամ Սարոյան. Այդ օրը Հայաստան են ժամանում միջազգային կինոարտադրության ոլորտում փորձառու և անվանի կինոգործիչներ 44 000 տարվա պատմություն. Ինդոնեզիայում հայտնաբերվել են մարդկանց կողմից արված հնագույն որմնանկարները Երևանի պետական կամերային երգչախումբը վեցերորդ համերգով ամփոփեց Կոմիտասին նվիրված ելույթները Ամենայն Հայոց Կաթողիկոսը ողջունել է ԱՄՆ Սենատի բանաձևը Հայոց Ցեղասպանության վերաբերյալ Ամանորի տոներին մի շարք թատրոններ ու թանգարաններ կաշխատեն «Պետք է գնա­հա­տել, սի­րել մեր կող­քին ապ­րող կոմ­պո­զի­տո­րին» «Ինչ ցան­կա­նում եք, որ մար­դիկ ձեզ ա­նեն, նույնն էլ դուք ա­րեք նրանց» Աղոթքը «դատ է դատաստանից առաջ» Չաքմաքչյանի «Քայլող մարդը» հնարավոր է տեղադրվի Հյուսիսային պողոտայի՝ Աբովյան փողոցին հարող տարածքում Թումանյանը՝ հայերեն և վրացերեն. Թբիլիսիում լույս է տեսել միանգամից երեք գիրք Մաքսիմ Վենգերով. Հայաստանը գալը նշանակալի և հաճելի իրադարձություն է Հովհաննես Թումանյան. Երկինք ու երկիր Սամվել Սևադա․ Ահա և վերջի սկիզբը․․․ Յուսուպ Ռազիկովի «Սուսերով պար» ֆիլմի հայաստանյան մեծ պրեմիերան՝ վաղը Օրհնեցե՛ք Տիրոջ անունը Տիրոջ տանը գտնվողներ «Հայաստանի Հանրապետություն» օրաթերթ. Ո՞րն էր Չարենցի ու Բակունցի միջեւ տարաձայնության պատճառը Ջութակահար Դիանա Ադամյանը՝ «Համագործակցության դեբյուտներ» միջպետական մրցանակի դափնեկիր Հովհաննես Երանյան. Երեք ամիս հետո Պոլսոյ Պատրիարք դառնալու աւելի մեծ հնարաւորութիւն ունի Սահակ Սրբազան Մաշալեանը Պարույր Սևակ․ Լույսի աղբյուրը Երանելի Մայր սուրբ Թուրքիոյ Հայոց 85-րդ Պատրիարքի ընտրութեան առաջին քայլը. մամլոյ հաղորդագրութիւն Հայտնի են «Ոսկե գլոբուսի» անվանակարգորդները «Լավագույն օտարերկրյա ֆիլմ» կատեգորիայում Հաջորդ տարի Արցախում կանցկացվի «Թատերական Արցախ» փառատոն. Հակոբ Ղազանչյան Օծվել է Ներքին Գետաշեն գյուղի Ս.Գրիգոր Լուսավորիչ եկեղեցին «Իմ հայկական անունը Միքայել է». Երևանում ծնված Էրմիտաժի տնօրենը ռուսական հեռուստատեսությանը ներկայացրել է Երևանը Հռոմում ներկայացվել է «Կորսված Հայաստան. ճամփորդություն մի ժողովրդի հիշողության մեջ» գիրքը Հայ ընթերցողին է ներկայացվել Շառլ Ազնավուրի «Մեղմ շշուկով» գիրքը «Հայրենիքի և ընտանիքի գաղափարները Մայր Աթոռ Սուրբ Էջմիածնի հրատարակություններում» գիտաժողով Մայր Աթոռում Չարենցն ու Կոմիտասը Կարսում բացվել է «Անի. Քարե պոեզիա» խորագրով ցուցահանդեսը, Կարո Փայլանը կոչ է արել «անպայման այցելել»
website by Sargssyan