USD
EUR
RUB

Աղոթքի մեջ պետք է հաստատակամ ու համբերող լինել

 

- Հա՛յր, երբեմն, երբ ինչ-որ բան եմ խնդրում Աստծուց ու չեմ ստանում, հարց եմ տալիս ինձ. «Արդյո՞ք Աստված լսում է իմ աղոթքը»:

- «Արդյոք»-ը նշանակում է, որ կասկածում ես Աստծու սիրուն և այդպիսով ինքդ էլ չեղարկում ես խնդրանքդ այն ներկայացնելու պահին, ինչն էլ նշանակում է, որ կորցնում ես արտահերթ սպասարկման իրավունքը:

- Հա՛յր, երբ որևէ բան եմ խնդրում Աստծուց և միանգամից չեմ ստանում, արդյո՞ք պետք է համառորեն պնդեմ:

- Այո՛, պետք է: Տե՛ս, երբ որևէ հիմնարկություն ենք գնում և խնդրանքով դիմում պատասխանատու անձին, ապա ցանկացածիդ հասնելու համար երբեմն ստիպված ես համառություն ցուցաբերել: «Խնդրում եմ օգնեք, այլապես այստեղից չեմ հեռանա»: Այդպես էլ աղոթքի մեջ է համառություն պահանջվում. և՛ քանանացի կինն էր Քրիստոսին համառորեն խնդրում(1), և՛ այրին՝ անիրավ դատավորին(2):

- Բայց որքան շատ է ժամանակն անցնում, հա՛յր, և խնդրանքս անպատասխան է մնում, այնքան ավելի եմ վշտանում:

- Աղոթքի մեջ որևէ բան խնդրելիս պետք է համբերությամբ սպասել: Մի անգամ աչքս ուռեց ու սաստիկ ցավում էր: Երեք անգամ գնացի Աստվածամոր պատկերի մոտ և աղաչեցի բժշկության համար, որպեսզի կարողանամ գիշերները Սաղմոսարան կարդալ: Սրբապատկերի առջև դրված կանթեղի ձեթն էլ աչքիս քսեցի, բայց չանցավ: Մի քանի օրից վիճակը վատթարացավ՝ աչքս ավելի ուռեց ու սկսեց ավելի սաստիկ ցավել: Տասնհինգ օր անցավ: Այնժամ ես կրկին խոնարհությամբ գնացի Աստվածածնի պատկերի մոտ և ասացի. «Սո՛ւրբ Աստվածածին, ների՛ր ինձ, մեկ անգամ էլ անհանգստացնեմ քեզ»: Կրկին ձեթ վերցրի կանթեղից և հազիվ էի աչքիս քսել, երբ այն միանգամից առողջացավ: Մի՞թե Աստվածածինը չէր կարող առաջին անգամ էլ բժշկել աչքս: Սակայն թույլ տվեց տառապել, որպեսզի օգուտ քաղեմ դրանից: Դու ևս խոնարհաբար խնդրիր և համբերությամբ սպասիր: Աղոթքը լսելի է լինում, եթե արվում է հավատով, սրտացավությամբ, համառությամբ ու համբերությամբ և եթե խնդրածը հօգուտ մեզ է լինելու:

1. Մտթ. 15:21-28

2. Ղուկ. 18:2-8

Պաիսիոս Աթոսացի

Ռուսերենից թարգմանեց Էմիլիա Ապիցարյանը

Աղբյուր՝ Surbzoravor.am

Լրահոս
Հրանտ Մաթևոսյան․ Գոմեշը Ղևոնդ Ալիշան. Հրազդան Deutsche Welle-ն անդրադարձել է Գազայի հատվածի հայազգի լուսանկարչի արխիվին Գիտնականները պարզել են` իրականում ինչ տեսք է ունեցել Ռաֆայել Սանտին Մեր խիղճը կփրկի մեզ Դատաստան, հալածանքների պատճառը Պարույր Սևակ. Անտառի վեպը Սուրբ Բարսեղ Կեսարացի եպիսկոպոսապետի ճառը Սուրբ Երրորդության մասին «Մոսկվայի «Գարաժում» հայ ճարտարապետների կառուցած ամառային կինոթատրոնը շատ զիլ է ստացվել» Թանգարանը կարիք ունի այցելուների, մեր թախիծն է, որ թանգարանը չի գործում նախկին աշխուժությամբ. Ա. Իսահակյանի անվան թանգարանի տնօրեն Ավետիք Իսահակյան․ Թե դեպի կյանքը, թե դեպի մարդիկ Մուշեղ Իշխան․ Տապանագիր ՀՐԱՏԱՐԱԿՈՒԹԵԱՆ ԿԸ ՊԱՏՐԱՍՏՈՒԻ «ԿԱՆՈՆԱԳԻՐՔ ՀԱՅՈՑ»-Ը՝ ՏԻՐԱՅՐ Ծ. ՎՐԴ. ՏԷՐՎԻՇԵԱՆԻ ԱՇԽԱՏԱՍԻՐՈՒԹԵԱՄԲ Ո՞րն է ձեր ընտրությունը Կամերային կենտրոնը կներկայացնի Ռիշար Գալիանոյի մասնակցությամբ «Տարվա եղանակներ» համերգի տեսագրությունը Երևանի Օղակաձև զբոսայգում ուղղվել և ներկայացվել է սխալ տեղադրված վիշապաքարը Ո՞ւմ կամ ինչի՞ վրա հույս դնել Հրաչյա Թամրազյան․ Փոխակերպություն Ռազմիկ Դավոյան. Ինձ էլ աշխարհից մի բան հասավ «Մինչև ե՞րբ պիտի գամված մնաս, ո´վ ծույլ․․․» Սաղմոս ՃԽԲ Հին Թիֆլիսի երգիչը ՀՀ տարածում Հնագիտության և ազգագրության ինստիտուտի արշավախումբը փաստագրել է մոտ 100 վիշապաքար Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն
website by Sargssyan