USD
EUR
RUB

Լևոն Անանյան․ Հավաքական ուժի պատգամը

 

Հայերս անցյալի փառավոր ուղի ենք անցել, ինչպես 1500 տարի առաջ Մ. Խորենացին է գրել՝ «Թեպետ մենք փոքր ածու ենք և թվով շատ սահմանափակ ու զորությամբ թույլ…, բայց և այնպես մեր երկրումն էլ գրելու և հիշատակելու արժանի շատ սխրագործություններ են կատարվել»:
Սակայն հայոց պատմությունն ունի մի անբարետես երես, որի անունը ազգային անմիաբանության ախտանիշ է:
Մենք անմիաբան էինք, երբ աշխարհակալ Տիգրան Մեծի կայսրությունը փլուզվեց իր իսկ որդիների դավաճանության պատճառով:
Արշակունիների հարստությունը կործանվեց, քանի որ կենտրոնախույս նախարարները երկիրը ծախեցին պարսիկներին:
Բագրատունիները զոհ գնացին բյուզանդասեր հայ ազնվականության խարդավանքներին:
Կաթոլիկ դարձած Կիլիկյան Հայաստանը կորցրինք՝ սեփական ուժի փոխարեն ապավինելով Հռոմի պապի ողորմածությանը:
Անկախ պետականության 600-ամյա անկումից հետո Հայաստանի Առաջին Հանրապետությունը խեղդամահ արինք քաղաքացիական եղբայրական կռիվների մեջ:
Թերևս հենց համազգային այս պարտությունների շարունակական շարանն է ստիպել Նժդեհին ասել՝ «Երբեք չենք իմացել՝ ինչպես օգտագործել մեր ցեղի բովանդակ ուժը» և մանավանդ Թումանյանին մորմոքել. «Երկիր ունենք - չենք ճանաչում, գրականություն ունենք - չենք ճանաչում, լեզու ունենք - չենք իմանում»:
Իսկ մեր կողմից ավելացնենք՝ այսպես էլ թափ կառնի ազգային կորուստների այս վիճակագրությունը, եթե ազգովի չվանենք մեր մեջ բուն դրած անմիաբանության ախտը, եթե չսերտենք Պատմության դասերը:
Հապա փորձենք բացել այն գումարելիները, որոնք կազմում են նորանկախ Հայաստանի մթնոլորտը, փորձենք առանց թունավորվելու թերթել մեր մամուլը:
Մաղձը, ատելությունը, անհանդուրժողականությունը հետզհետե վերաճում են ազգային բնավորության: Ազգային գաղափարախոսությունը, որ այնքա՜ն սիրում ենք վանկարկել, այդպես էլ պարապ վախտի խաղալիք է մնում, և մեր աչքի առաջ ազգը դառնում է խալխ, ազգային գաղափարը՝ վիրտուալ երազանք:
Հատվածականությունը հոշոտում է մեզ ներսից ու դրսից՝ է՛լ ավելի խորացնելով սոցիալական աղետներից հուսահատ մեր հասարակության դեպրեսիան:
Առանց այն էլ երկփեղկված հայոց եկեղեցու հավատի միասնությունը սասանվում է այլևայլ աղանդների գրոհներից:
100-ից ավելի մեր կուսակցությունների զգալի մասը ձգտում է սեփականաշնորհել ազգը՝ հաճախ խտրություն չդնելով ազգադավ գործարքների միջև:
Մեր Սփյուռքը ծյուրվում-մաշվում է միջհամայնքային, ներհամայնքային, արտահամայնքային երկպառակություններից:
Մեր հայրենիքը աստիճանաբար դառնում է համաշխարհայնացման փորձադաշտ՝ ազգային ինքնության անշտկելի աղավաղումներով:
Լեզուն, մեր մեծասքանչ լեզուն իսկ, որ դարերով փոխարինել է պետականությանը, ազգը բաժանել է երկու անհաշտ բանակի, և այսօր դարավոր թշնամու հանդեպ ավելի հանդուրժող ենք, քան ճակատագրով մեզ պարտադրված երկու ուղղագրությունների:
Իսկ մեր ոխերիմ դրկիցը քնած չէ, շարունակում է փայփայել և իրագործել Մեծ Թուրանի իր զառանցանքը՝ ներսից նվաճելով Եվրոպան և ափաշկարա սերմանելով պանթուրքիզմի վարակը. «Մենք սիրում ենք մարդկությանը, բայց ամենից շատ սիրում ենք մեր ազգը», «Թող մեր արյունը հեղվի, բայց հաղթանակի իսլամը», «Ավելի լավ է ունենալ մի ատրճանակ, քան 10 եղբայր»,- ասում է թուրքը:
Իսկ մենք ինքնակոչ խորթ եղբայր ենք խաղում հաշտեցման կակածելի հանձնաժողովներում՝ վտանգելով Հայ դատը, ապա խորհրդարանում ու շքամուտքերում կրակում ինքներս մեզ վրա:
Իսկ մենք, արտագաղթի ճամպրուկներն առած, ամայացնում ենք մեր երկիրը:
Իսկ մենք անձնական շահի մոլուցքով թշնամու ջրաղացին ջուր ենք լցնում՝ խարխլելով հայոց պետության հիմքերը, չխնայելով անգամ անկախության թերևս միակ ձեռքբերումը՝ Հայոց բանակը:
Իսկ մենք աղքատ ազգականի դերն ենք վերապահում մեր մշակույթին, ավելին՝ ազգային փառքի՝ Նարեկացու «Մատյանի» 1000-ամյակը տոնում ենք կիսադատարկ դահլիճում:
Մեր կրթությունը պատանդ ենք դարձնում Համաշխարհային բանկի ձեռքին, մեր ձեռքից եկածն էլ Հայկական հանրագիտարանը փակելն է, հավանաբար… կիսագրագետ սերունդ ունենալու ռազմավարությամբ:
Սթափվելու ժամանակն է: Ինքնակազմակերպվելու ժամանակը: Անմիաբանության բարդույթը թոթափելու ժամանակը:
Ճիշտ է, մենք փոքր ածու ենք, բայց չէ՞ որ մեր բոլոր հաղթանակները, Սարդարապատն ու Արցախի հերոսամարտը մեզ է պարգևել հենց միասնության ոգին՝ հայոց նահատակների սխրանքի գնով:
2003 թ.

Աղբյուր՝ Grakantert.am

Լրահոս
Ամփոփվեց մանկագիրների և նկարազարդողների մրցույթը. ներկա էր Նունե Սարգսյանը «Պատգամ» հոբելյանական երեկո՝ նվիրված Սոս Սարգսյանի ծննդյան 90-ամյակին Եղիշե Չարենց. Այրած երգեր Կոմիտասյան հոբելյանական համերգ Հռոմում Համո Սահյան․ Ես կուզեի․․․ Սուրբ Հակոբ Մծբնեցի հայրապետ. հոգեշահ քարոզիչը «Ավետիսը» աշխարհահռչակ դաշնակահարին հրավիրել է Երեւան Հովհննես Երանյան․ Գորտը, կամ սցենար նկարահանված ֆիլմի համար Վիլյամ Սարոյան. Այդ օրը Հայաստան են ժամանում միջազգային կինոարտադրության ոլորտում փորձառու և անվանի կինոգործիչներ 44 000 տարվա պատմություն. Ինդոնեզիայում հայտնաբերվել են մարդկանց կողմից արված հնագույն որմնանկարները Երևանի պետական կամերային երգչախումբը վեցերորդ համերգով ամփոփեց Կոմիտասին նվիրված ելույթները Ամենայն Հայոց Կաթողիկոսը ողջունել է ԱՄՆ Սենատի բանաձևը Հայոց Ցեղասպանության վերաբերյալ Ամանորի տոներին մի շարք թատրոններ ու թանգարաններ կաշխատեն «Պետք է գնա­հա­տել, սի­րել մեր կող­քին ապ­րող կոմ­պո­զի­տո­րին» «Ինչ ցան­կա­նում եք, որ մար­դիկ ձեզ ա­նեն, նույնն էլ դուք ա­րեք նրանց» Աղոթքը «դատ է դատաստանից առաջ» Չաքմաքչյանի «Քայլող մարդը» հնարավոր է տեղադրվի Հյուսիսային պողոտայի՝ Աբովյան փողոցին հարող տարածքում Թումանյանը՝ հայերեն և վրացերեն. Թբիլիսիում լույս է տեսել միանգամից երեք գիրք Մաքսիմ Վենգերով. Հայաստանը գալը նշանակալի և հաճելի իրադարձություն է Հովհաննես Թումանյան. Երկինք ու երկիր Սամվել Սևադա․ Ահա և վերջի սկիզբը․․․ Յուսուպ Ռազիկովի «Սուսերով պար» ֆիլմի հայաստանյան մեծ պրեմիերան՝ վաղը Օրհնեցե՛ք Տիրոջ անունը Տիրոջ տանը գտնվողներ «Հայաստանի Հանրապետություն» օրաթերթ. Ո՞րն էր Չարենցի ու Բակունցի միջեւ տարաձայնության պատճառը Ջութակահար Դիանա Ադամյանը՝ «Համագործակցության դեբյուտներ» միջպետական մրցանակի դափնեկիր Հովհաննես Երանյան. Երեք ամիս հետո Պոլսոյ Պատրիարք դառնալու աւելի մեծ հնարաւորութիւն ունի Սահակ Սրբազան Մաշալեանը Պարույր Սևակ․ Լույսի աղբյուրը Երանելի Մայր սուրբ Թուրքիոյ Հայոց 85-րդ Պատրիարքի ընտրութեան առաջին քայլը. մամլոյ հաղորդագրութիւն Հայտնի են «Ոսկե գլոբուսի» անվանակարգորդները «Լավագույն օտարերկրյա ֆիլմ» կատեգորիայում Հաջորդ տարի Արցախում կանցկացվի «Թատերական Արցախ» փառատոն. Հակոբ Ղազանչյան Օծվել է Ներքին Գետաշեն գյուղի Ս.Գրիգոր Լուսավորիչ եկեղեցին «Իմ հայկական անունը Միքայել է». Երևանում ծնված Էրմիտաժի տնօրենը ռուսական հեռուստատեսությանը ներկայացրել է Երևանը Հռոմում ներկայացվել է «Կորսված Հայաստան. ճամփորդություն մի ժողովրդի հիշողության մեջ» գիրքը Հայ ընթերցողին է ներկայացվել Շառլ Ազնավուրի «Մեղմ շշուկով» գիրքը «Հայրենիքի և ընտանիքի գաղափարները Մայր Աթոռ Սուրբ Էջմիածնի հրատարակություններում» գիտաժողով Մայր Աթոռում Չարենցն ու Կոմիտասը Կարսում բացվել է «Անի. Քարե պոեզիա» խորագրով ցուցահանդեսը, Կարո Փայլանը կոչ է արել «անպայման այցելել»
website by Sargssyan