USD
EUR
RUB

Ֆիզիկոսը շապիկների վրա ասեղնագործում է հերոսների պատկերներ

 

ԵՐԵՎԱՆ, ՆՈՅԵՄԲԵՐԻ 28, Aravot.am: Մասնագիտությամբ ֆիզիկոս Անի Ալավերդյանը շապիկների վրա ազգային հերոսների է պատկերում ու իր ասելով փորձում է այդ կերպ հիշելի դարձնել նրանց:

«Ի սկզբանե ցանկանում էի ունենալ շապիկ Լեոնիդ Ազգալդյանի նկարով։ Որոշեցի ինքս պատրաստել։ Երբ գաղափարի մասին պատմեցի ընկերներիցս մեկին, նա խնդրեց, որ առաջին շապիկն իր համար պատրաստեմ։ Շապիկն ընկերոջս դուր եկավ։ Երբ արդեն ինձ համար պիտի նկարեի, որոշեցի նկարել մի հերոսի, որին ինչ-ինչ պատճառներով ավելի քիչ մարդիկ են ճանաչում։ Դա լավ հնարավորություն էր՝ հերոսի մասին այլոց պատմելու։ Նկարեցի Ալբերտ Ալավերդյանին։ Այնուհետև, երբ արդեն սկսեցին հետաքրքրվել շապիկներով և պատվերներ տալ, բոլորին հորդորում էի, որ պատվիրեն քիչ ճանաչված հերոսների նկարներով շապիկներ»,-ասում է մեր զրուցակիցը:

Անին հաճախել է Ժողովրդական ստեղծագործության կենտրոնի ասեղնագործության դասընթացներին ու բավականին հմտացել։

«Որոշեցի մարդկանց ծանոթացնել այն ամենին, ինչ ինքս էի բացահայտում և ինչով ինքս էի ոգևորվում։ Սկսեցի ստեղծագործել հագուստի վրա՝ փորձելով հաճախ կիրառվող հագուստի միջոցով մարդկանց հասանելի և ճանաչելի դարձնել հայկական ասեղնագործությունը»,-ասում է մեր զրուցակիցը:

Շապիկի վրա Անին առաջինը Մարաշի ասեղնագործությունն է օգտագործել։ Նրա աշխատանքները դեռևս հասանելի են միայն օնլայն հարթակներում՝ «Աննիա ձեռագործ աշխատանքներ»:

Անիի կարծիքով՝ «ֆիզիկան և ասեղնագործության ունեն ընդհանրություն, երկուսն էլ աշխարհի մասին որոշակի պատկերացումներ են տալիս»:

Անիի խոսքով` նորը ստեղծելիս, ինքն ուսումնասիրում է նաև հին զարդանախշերն ու նմուշները` կրկին ազգայինը պահպանելու միտումով:

Հաճախ, երբ մարդիկ գնահատում են արդեն պատրաստ շապիկը, Անին հորդորում է այդ գումարը փոխանցել «Աջակցություն վիրավոր զինվորներին» հասարակական կազմակերպությանը կամ «Ողջ մնալու արվեստ» ռազմահայրենասիրական կազմակերպությանը:

Օֆելյա ՊՈՂՈՍՅԱՆ

 

Լրահոս
Ավետիք Իսահակյան․ Թե դեպի կյանքը, թե դեպի մարդիկ Մուշեղ Իշխան․ Տապանագիր ՀՐԱՏԱՐԱԿՈՒԹԵԱՆ ԿԸ ՊԱՏՐԱՍՏՈՒԻ «ԿԱՆՈՆԱԳԻՐՔ ՀԱՅՈՑ»-Ը՝ ՏԻՐԱՅՐ Ծ. ՎՐԴ. ՏԷՐՎԻՇԵԱՆԻ ԱՇԽԱՏԱՍԻՐՈՒԹԵԱՄԲ Ո՞րն է ձեր ընտրությունը Կամերային կենտրոնը կներկայացնի Ռիշար Գալիանոյի մասնակցությամբ «Տարվա եղանակներ» համերգի տեսագրությունը Երևանի Օղակաձև զբոսայգում ուղղվել և ներկայացվել է սխալ տեղադրված վիշապաքարը Ո՞ւմ կամ ինչի՞ վրա հույս դնել Հրաչյա Թամրազյան․ Փոխակերպություն Ռազմիկ Դավոյան. Ինձ էլ աշխարհից մի բան հասավ «Մինչև ե՞րբ պիտի գամված մնաս, ո´վ ծույլ․․․» Սաղմոս ՃԽԲ Հին Թիֆլիսի երգիչը ՀՀ տարածում Հնագիտության և ազգագրության ինստիտուտի արշավախումբը փաստագրել է մոտ 100 վիշապաքար Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ
website by Sargssyan