USD
EUR
RUB

Չարենցը հավերժական է

 

ԵՐԵՎԱՆ, ՆՈՅԵՄԲԵՐԻ 28, Panorama.am: «Եղիշե Չարենցն այնպիսի մեծություն է, որ ժամանակի ընթացքում անընդհատ նորովի է ներկայանում: Կարևոր է, որ համահունչ այս ժամանակներին, մենք նորից հայտնաբերենք մեր Չարենցին»,- Panorama.am-ի հետ զրույցում ասաց Եղիշե Չարենցի տուն-թանգարանի տնօրեն Անահիտ Ասատրյանը:

Նրա խոսքով, մեծ հարգանքի են արժանի չարենցագետները, որոնք հրաշալի աշխատանք են կատարել, բայց, կարծում է, նոր սերունդ է եկել, նորովի պետք է նայի:

«Չարենցը հավերժական է, կանցնի 50 տարի, կգա նոր սերունդ, էլի նորովի կբացահայտի Չարենցին»,- ընդգծեց Ա. Ասատրյանը:

Նշենք, որ տուն-թանգարանում ընթանում է չարենցագիտական ուսումնասիրությունների գիտաժողով՝ «Չարենցը և իր ժամանակաշրջանը» խորագրով:

Չարենցի տուն-թանգարանի գլխավոր ֆոնդապահ Անուշ Թասալյանի զեկույցի թեման է ««Ստանդարտ»-ը քաղաքական իրավիճակների զոհ»:

Նա ասաց, որ 1924 թվականին տպագրվում է «Ստանդրատ» ամսագիրը, որի պատասխանատու խմբագիրը Չարենցն էր: Մյասնիկյանի խորհրդով արգելվում է դրա տպագրությունը, ամբողջ խմբաքանակը վառում են, միայն մեկ օրինակ է մնում, որն այսօր պահվում է Չարենցի անվան Գրականության և արվեստի թանգարանում:

«Գրականագիտությունը պիտակել է «Ստանդրատ»-ին իբրև թույլ: Ես ուսումնասիրելով ամսագրի այդ մեկ օրինակը՝ հասկացա, որ ամենևին թույլ ամսագիր չի եղել, ժամանակի համար բավականին ուժեղ էր, և հայ, և ռուս գրականության մեջ նման ամսագիր չի եղել: Արգելվել է «Ստանդարտ»-ի տպագրությունն իր համարձակության համար»,- ասաց Ա. Թասալյանը:

Նա նշեց, որ Չարենցը դեռ շատ բացահայտվելու տեղ ունի, կարելի է ասել՝ դեռևս չի բացահայտվել. «Թանգարանի կողմից այդ ուղղությամբ ամեն օր աշխատանք է տարվում»։

Նրա խոսքով, Չարենցն այն եզակի անհատակություններից էր, որ, իրոք, մտածում էր գրականության վաղվա օրվա մասին, նրա համար կարևոր էր գրականությունը սերունդներին ավանդելու համար: Նա պատասխանատու էր մոտենում այդ հարցին:

«Ապագան ցույց է տալիս, որ Չարենցը բավականին լուրջ ազդեցություն ունեցավ ժամանակաշրջանի գրականության վրա»,- ասաց Ա. Թասալյանը:

Panorama.am-ի հետ զրույցում Եղիշե Չարենցի թոռնուհի, Չարենցի տուն-թանգարանի գիտաշխատող Գոհար Չարենցն ասաց, որ բանաստեղծը հսկայական ժառանգություն է թողել, չնայած կյանքն ավարտվել է ընդամենը 40 տարեկանում՝ իր արարչական գործի ճանապարհի կեսին. «Հսկայական ժառանգություն թողեց, որը ոչ միայն ազդեց իր ժամանակաշրջանի վրա, նաև դրանից հետո ու մինչև հիմա»:

Նրա խոսքով, իսկապես, Չարենցը միշտ շատ առեղծվածային է եղել, մշտապես մի նոր փաստ է երևան գալիս, մի նոր առեղծված է բացահայտվում նրա հետ կապված:

«Թանգարանի գիտաշխատողներով դրանով ենք զբաղվում, նույնիսկ նույն բանաստեղծությունը եթե մի քանի անգամ կարդում ես, նոր բաներ ես գտնում, նորովի բացահայտում: Կան շատ առեղծվածներ, որոնք բացահայտման կարիք ունեն, կան առեղծվածներ, որոնք այդպես էլ չեն բացահայտվում: Մահվան առեղծվածը: Մահացել է բանտի հիվանդանոցում, գերեզմանի տեղը մինչև հիմա անհայտ է: Այս ուղղությամբ էլ աշխատանքներ են տարվում, տեղեր են մատնանշվել, ստուգվել է, որևէ բան չի հայտնաբերվել: Ասում ենք՝ թող նրա գերեզմանը մնա ժողովրդի սրտում, ում նա այդքան շատ սիրում էր»,- ասաց Գոհար Չարենցը:

Լրահոս
Լևոն Խեչոյան. Քամին ու ճայերը Ռուբեն Հովսեփյան․ Ամառ էր, կիրակի Տիգրան Մանսուրյան. «Ժամանակակից դասականներ» փառատոնը հայ երաժիշտներին ներշնչող, ստեղծագործական եռանդի մղող մի փառավոր իրադարձություն է» Դանիել Վարուժան․ Արտերուն հրավերը Անցյալն ասես գիրք լինի, որն անընդհատ վերընթերցում ես. Գուրգեն Խանջյանը նշում է ծննդյան 70-ամյակը Ուշագրավ թումանյանական հրատարակություն «Հայաստանի Հանրապետություն» օրաթերթ. Կոմիտասի եւ Արշակ Չոպանյանի առաջին հանդիպումը Փարիզում Հայրապետական սրբատառ կոնդակով հռչակվեց Բալթյան երկրների հայոց թեմը Ֆրանչիսկոս Պապ .«Նախանձը օճառի փրփուրի նման կ՝անհետանայ, սակայն չարիքներու պատճառ կը դառնայ:» «Ո՜ւշ-ո՜ւշ են գալիս, բայց ո՛չ ուշացած». այսօր Պարույր Սևակի ծննդյան օրն է Հայաստանի պետական սիմֆոնիկ նվագախումբը հաղթել է բանակցություններում Կարդում է Պարույր Սևակը․ «Վարք մեծաց» Նոր հրատարակություն «Անընդունելի ու դատապարտելի է Հայ Եկեղեցու դերի եւ առաքելության նենգափոխված ներկայացումը». Եպիսկոպոսաց ժողով Նոր նշանակում «Կեր­պար­վես­տի Ե­րու­սա­ղեմ» երկ­րի ուխ­տագ­նա­ցը. Դեղձ Ա­շոտ Հոր փո­րողն ին­քը կընկ­նի հո­րի մեջ, ցան­կա­պատ քան­դո­ղին կխայ­թի օ­ձը Մարզահամերգային համալիրն իր հարկի տակ կհյուրընկալի կովկասյան շանսոնի հայտնի կատարողների Կամերային նվագախումբը հանդես կգա ջութակահար Անուշ Նիկողոսյանի հետ Հայտնի Է դարձել Բեռլինի կինոփառատոնի բացման ֆիլմը Հոլոքոստի հիշատակի համաշխարհային համաժողովը, և՝ ոչ միայն «Չեմ դա­դա­րում զար­մա­նա­լուց, թե հա­մալ­սա­րա­նա­վարտ, քիչ թե շատ հա­յոց պատ­մու­թ­յուն կար­դա­ցած մար­դիկ ոնց են թույլ տա­լիս, որ մթագ­նի ի­րենց ու­ղե­ղը» Մի խումբ գրողներ արժանացան Գրողների միության և Պաշտպանության նախարարության մրցանակներին HBO-ն մուլտսերիալ է նկարում Եղիսաբեթ Երկրորդի ընտանիքի մասին Վահան Տերյան. Ես սիրում եմ քո մեղավոր աչքերը խոր Վիլիամ Սարոյան․ «Ա՜խ, վաթան, վաթան» Քրիստոս աշխարհ եկավ, որպեսզի միավորի բոլոր պառակտումները Հունվարի 29-ին «Արշակ Բ» օպերան նվիրվում է Գեղամ Գրիգորյանի հիշատակին Սիցիլիա՝ առանց շպարի Իտալիա Ռուզան Մանթաշյանը Դրեզդենի համերգին կկատարի Տատյանայի արիան` «Եվգենի Օնեգին» օպերայից Վրաստանը Հայ առաքելական եկեղեցուն կտրամադրի 600.000 լարի Սոպրանո Ռուզան Մանթաշյանն իր համաձայնությունն է տվել՝ մասնակցելու Դրեզդենի օպերային թատրոնում կայանալիք գալա համերգին Ճշմար­տու­թ­յու­նը մեկն է, իսկ խա­բեու­թ­յու­նը բազ­մա­դեմ է ու բազ­մա­պա­տիր Մարդ-թատրոն. Կարպ Խաչվանքյանն այսօր կդառնար 97 տարեկան Արման Մանարյանի «Կարինեն» ցուցադրվել է լոնդոնյան «Cine Lumiere»-ում Մեկնարկեց «Մշակութային ժառանգություն. փորձ և հեռանկարներ միջազգային համատեքստում» գիտաժողովը Դրեզդենի օպերան Ռուզան Մանթաշյանին կրկին հրավիրել է ելույթ ունենալ Semper Opera Ball փառատոնին Ռուս դերասանուհի Վալենտինա Տալիզինան նշում Է իր 85-ամյա հոբելյանը Ադրբեջանցի Էյվազովի և Ռուզաննա Մանթաշյանի շուրջ առաջացած սկանդալի սենսացիոն լուծումը «Հրաժեշտ պատրանքներին». Մոսկվայում տեղի կունենա Վլադիմիր Պոզների գրքի հայերեն տարբերակի շնորհանդեսը
website by Sargssyan