USD
EUR
RUB

Նկարչուհի Նունե Աղբալյանը անհատական ցուցահանդեսով ներկայացրեց իր նոր ստեղծագործությունները

 

Նկարչուհի Նունե Աղբալյանի անհատական ցուցահանդեսում ներկայացված է հեղինակի ավելի քան վաթսուն աշխատանք, որոնք ծնվել են մեկ տարվա ընթացքում: Ատլասի, մետաքսի և կտորի այլ տեսակների վրա Աղբալյանը ստեղծում է վառ գույներով հարուստ ինքնատիպ աշխատանքներ, որոնցում պատկերված են բնությունը, ծաղիկները, մարդիկ և ոգեշնչման աղբյուր դարձած այլ երևույթներ:

«Արմենպրես»-ի հաղորդմամբ` Աղբալյանի «Painting. Printing» խորագրով ցուցահանդեսը բացվեց նոյեմբերի 28-ին Հայաստանի նկարիչների միությունում:

Հայաստանի Հանրապետության ժողովրդական նկարիչ Փարավոն Միրզոյանն ասաց, որ վաղուց է ճանաչում հրաշալի արվեստագետին: «Յուրաքանչյուր ցուցահանդեսով Նունեն նորություն է բերում: Նախկինում պլաստիկան չկար, միայն դեկորատիվ հետաքրքիր լուծումներ էին, իսկ այսօր տեսա, որ նրա գործերը նոր շունչ են ստացել: Այս ստեղծագործությունները հասուն նկարչուհու արվեստի գործեր են»,-ընդգծեց Միրզոյանը:

Նունե Աղբալյանն էլ, որն առաջինն է Հայաստան բերել բատիկի մշակույթը, մեզ հետ զրույցում պատմեց, որ 1982 թվականին ավարտել է Մոսկվայի տեքստիլի պետական ինստիտուտի կիրառական արվեստի բաժինը: «Ինձ ուղեգիր տվեցին, որ գամ Հայաստան և աշխատեմ որևէ արտադրությունում, որտեղ գործվածքի ձևավորմամբ են զբաղվում: Այդպես էլ արեցին: Արդյունքում գործվածքի վրա նկարչությունն ու գործվածքի ձևավորումն իմ մասնագիտությունը դարձան: Այժմ դասավանդում եմ Գեղարվեստի պետական ակադեմիայում և իմ փորձն եմ փոխանցում ուսանողներին»,-ներկայացրեց նա:

Անդրադառնալով ցուցահանդեսին՝ նկարչուհին շեշտեց, որ մասնակցել է ավելի քան հարյուր ցուցահանդեսի, իսկ Նկարիչների միությունում հինգերորդ անգամ է ներկայանում: «Պետք է խոստովանեմ, որ ամեն ցուցահանդեսից առաջ մտածում եմ, թե արդյոք կհաջողի՞ այն: Դասախոսներիցս մեկը մի առիթով ասաց, որ, երբ գա մի օր, երբ կհավանեմ բոլոր գործերս, ուրեմն մահացել եմ որպես նկարիչ: Ես միշտ դժգոհ եմ իմ արածից, և ցուցահանդեսը պատրվակ է, որ կողքից տեսնեմ, թե ինչ եմ ստեղծել: Դա ինձ օգնում է կրկին աշխատել ու ավելին անել, իսկ իմ ստեղծագործությունների վառ գույները խոսում են լավատեսության մասին»,-անկեղծացավ նկարչուհին:

Ցուցահանդեսում ներկայացված են նաև պայուսակներ, շարֆեր և կանացի այլ աքսեսուարներ, որոնք զարդարված են Նունե Աղբալյանի պայծառ ու ոճային նկարներով:

Լրահոս
Ավետիք Իսահակյան․ Թե դեպի կյանքը, թե դեպի մարդիկ Մուշեղ Իշխան․ Տապանագիր ՀՐԱՏԱՐԱԿՈՒԹԵԱՆ ԿԸ ՊԱՏՐԱՍՏՈՒԻ «ԿԱՆՈՆԱԳԻՐՔ ՀԱՅՈՑ»-Ը՝ ՏԻՐԱՅՐ Ծ. ՎՐԴ. ՏԷՐՎԻՇԵԱՆԻ ԱՇԽԱՏԱՍԻՐՈՒԹԵԱՄԲ Ո՞րն է ձեր ընտրությունը Կամերային կենտրոնը կներկայացնի Ռիշար Գալիանոյի մասնակցությամբ «Տարվա եղանակներ» համերգի տեսագրությունը Երևանի Օղակաձև զբոսայգում ուղղվել և ներկայացվել է սխալ տեղադրված վիշապաքարը Ո՞ւմ կամ ինչի՞ վրա հույս դնել Հրաչյա Թամրազյան․ Փոխակերպություն Ռազմիկ Դավոյան. Ինձ էլ աշխարհից մի բան հասավ «Մինչև ե՞րբ պիտի գամված մնաս, ո´վ ծույլ․․․» Սաղմոս ՃԽԲ Հին Թիֆլիսի երգիչը ՀՀ տարածում Հնագիտության և ազգագրության ինստիտուտի արշավախումբը փաստագրել է մոտ 100 վիշապաքար Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ
website by Sargssyan