USD
EUR
RUB

Կոմիտասը օտարազգիներին էլ է հուզում արտասվելու աստիճան

 

ԵՐԵՎԱՆ, 7 ԴԵԿՏԵՄԲԵՐԻ, Aravot.am: Կոմիտասյան գանձերը հատկապես այս տարի՝ Վարդապետի ծննդյան հոբելյանի առիթով, արտասահմանյան երկրներում ներկայացվում են ոչ միայն անհատ երաժիշտների, տարբեր կազմերով անսամբլների, երգչախմբերի կողմից, այլեւ կազմակերպվում են գիտաժողովներ: Դրանցից մեկը Գերմանիայում՝ Հումբոլտի անվան համալսարանում անցկացված միջազգային գիտաժողովն էր՝ «Կոմիտասը եւ իր ժառանգությունը» խորագրով: Օրերս էլ Գերմանիայում կայացած «կոմիտասյան» հյուրախաղերից վերադարձել է «Հովեր» պետական կամերային երգչախումբը: «Առավոտի» հետ զրույցում երգչախմբի արտիստ, խմբավար Նարինե Ոսկանյանը մանրամասնեց. «Վարդապետի ծննդյան 150-ամյա հոբելյանին նվիրված համերգներով հանդես եկանք ոչ միայն Գերմանիայում, այլեւ Բելգիայում, Եվրոպական մշակութային հիմնադրամի եւ Բելգիայի հայկական մշակութային կենտրոնի (ASBL) հրավերով, կրթության, գիտության, մշակույթի եւ սպորտի նախարարության աջակցությամբ: Համերգները կայացան Մյունխենի Բոլոր սրբերի եկեղեցում եւ Բրյուսելի Մայր տաճարում:

Իհարկե, ներկայացված ծրագրում գերիշխում էր Կոմիտասը, բայց, օրինակ, Մյունխենում կատարեցինք նաեւ Երեւանի Կոմիտասի անվան պետական կոնսերվատորիայի ուսանող Հակոբ Մազլումյանի (պրոֆեսոր Վարդան Աճեմյանի դասարան) «Լռություն» ստեղծագործությունը՝ գրված երգչախմբի եւ թավջութակի համար: Կատարմանը մեզ միացավ գերմանաբնակ ճանաչված թավջութակահար Միքայել Հախնազարյանը: (Երիտասարդ այս կոմպոզիտորի «Կուզեմ» ստեղծագործությունը ժամանակին «Հովերի» մեկնաբանմամբ Երեւանում անցկացվող երիտասարդ կոմպոզիտորների փառատոնում արժանացել է առաջին մրցանակի-Ս.Դ.):

 

Հնչեց նաեւ Վաչե Շարաֆյանի «Նե» յուրատեսակ ստեղծագործությունը՝ գրված երգչախմբի եւ զանգերի համար, Սեւակի խոսքերով Արզաս Ոսկանյանի «Եթե մեռնել… բայց առայժմ ապրել է պետք» երկը եւ այլն, իհարկե, Կոմիտասի հոգեւոր ու աշխարհիկ խմբերգերից Սոնա Հովհաննիսյանի ղեկավարությամբ…»:

Հետաքրքրությանը՝ իսկ ձեր ղեկավարությամբ հնչե՞ց որեւէ ստեղծագործություն, մեր զրուցակիցը պատասխանեց. «Այո, «Հովերի» «Լե» իգական կազմի մեկնաբանմամբ հնչեցին Կոմիտասի աշխարհիկ խմբերգերի շարան, Աննա Ազիզյանի «Կուկու»՝ երգչախմբի, զանգերի եւ հարվածային գործիքների համար, Պենդերեցկու Sanctus եւ Մյուրեյ Շաֆֆերի Snowforms ստեղծագործությունները»,- հայտնեց մեր զրուցակիցը: Խմբավարը հավելեց նաեւ, որ մյունխենյան համերգին խոսքով հանդես է եկել Europamusicale կազմակերպության խորհրդի նախագահ Մարտին Շտայնմայերը, Գերմանիայում ՀՀ դեսպան Աշոտ Սմբատյանը, հավատարմագրված դիվանագիտական կորպուսի, քաղաքային իշխանությունների, տարբեր կառույցների ներկայացուցիչներ եւ, Բրյուսելի համերգի համեմատ՝ ավելի քիչ հայ հանդիսական:

Մեր զրուցակիցը հավաստիացրեց, թե կոմիտասյան կատարումներից հետո արտասահմանցի ունկնդիրը, որ ժամանել էր ոչ միայն հարեւան քաղաքներից, այլեւ երկրներից, արտասվելու աստիճան հուզված էր: Հետաքրքրվեցինք՝ պարզ խոսքերով կարո՞ղ է մեկնաբանել այն, որ գոնե վերջին շրջանում մեզ հետ զրուցած հայ երաժիշտները իրենց հյուրախաղերից հետո նույնպես հավաստիացնում են, թե Կոմիտասը արտասվելու աստիճան հուզում է օտար հանդիսատեսին: Նարինե Ոսկանյանը հայտնեց. «Կոմիտասյան ցանկացած ստեղծագործություն կամ մշակում գանձ է, այդ գոհարները դուրս են եկել ժողովրդից, հետեւաբար պարզ են, անկեղծ եւ իսկապես արտասվելու աստիճան հուզիչ»:

Հետաքրքրությանը, թե «Հովերը» քանի՞ կոմիտասյան CD ունի, խմբավարն ասաց, որ 2-ը՝ «Պատարագը» եւ «Կոմիտասի աշխարհիկ խմբերգերը», սակայն երգչախմբի մյուս 7 CD-ներում էլ են ընդգրկված Վարդապետի ստեղծագործություններից:

Սամվել ԴԱՆԻԵԼՅԱՆ

Լրահոս
Զահրատ․ Իր աչքերը Վահագն Դավթյան. Իմ մայրենի, իմ բարբառ Ամենայն Հայոց Կաթողիկոսը հանձնարարականներ տվեց Արցախում տիրող իրավիճակի առնչությամբ Ուխտի օրհնյալ օրը եկեղեցու համայնքն ու հոգևոր դասը նշեց նաև Տեր Վահանի քահանայական ձեռնադրության տասնհինգ ամյակը Քրիստոնեության ապրեցնող ուժը Արամ Խաչատրյանը երբեք չի հանդիպել Սալվադոր Դալիի հետ «Օսկար»-ի առաջադրվելու համար Հայաստանի կողմից կներկայացվի Արման Նշանյանի «Սողոմոնի երգերը» ֆիլմը Մատթեոս Զարիֆյան․ Շքեղ օրհաս Կոմիտասի ձայնը Կոմիտաս․ Կյանք Հայերեն ձեռագրերի մայր ցուցակը «Կոմիտաս․․․» առցանց բեմադրություն Առաջին անգամ Կոմիտասի ծննդավայրի պաշտոնական տարեգրքում տեղեկություն է ներառվել Կոմիտասի մասին Գերմանիայում 1500 տարի առաջ ապրած գերմանացի լորդի դամբարան է հայտնաբերվել (լուսանկարներ) Վարագա Սուրբ Խաչ Կայացավ Կոմիտասի 151-ամյակին նվիրված «Անուշ. անավարտ օպերա» ֆիլմի պրեմիերան Եղիշե Թադևոսյանի 150-ամյակին` հոբելյանական փառատոն «Արմենիա» 4-րդ միջազգային փառատոնը երաժշտասերներին է ներկայացնում մեծահամբավ արտիստների «Արմենիա» փառատոնի փակմանը հանդես կգա Բեռլինի ֆիլհարմոնիկ նվագախմբի գլխավոր կլարնետահարը Մատթեոս Զարիֆյան. Ճերմակ գիշեր Վահան Սաղաթելյան. Արնախաչ «Մաեստ­րո Քո­չար» պու­րա­կը Ա­լեք­սանդր Թա­մա­ն­յա­նի թի­կուն­քում Իսպանացի լուսանկարիչը բացահայտել է շքեղ լուսանկարներ ստանալու գաղտնիքները (լուսանկարներ) Սուրբ «սպասավորներն» ու «պաշտպանները» Ագահություն «Կան­թեղն ան­տա­ռում՝ Հա­ղար­ծին» Հայաստանի պետական ֆիլհարմոնիայի տնօրենի ժամանակավոր պաշտոնակատար է նշանակվել Արտյոմ Նաղդյանը Բոտիչելիի հազվագյուտ կտավը կվաճառվի Sotheby's աճուրդու «Միշտ հնարավոր է ելք գտնել՝ առանց ընկճվելու» Ջիվան Ավետիսյանի «Դրախտի դարպասը» ֆիլմի համաշխարհային պրեմիերան կկայանա Մոսկվայի կինոփառատոնում «Հն­չեց կրա­կո­ցը, և մարդն այլևս չկա» Ռուսական արվեստի թանգարանի այցելուները կհայտնվեն Բորիս Գրիգորևի կտավում VR տեխնոլոգիայի միջոցով Իր հետ­մա­հու ա­զա­տամ­տու­թ­յու­նը կի­սեց Սեն գե­տի ա­լիք­նե­րի հետ Մատթեոս Զարիֆյան․ Խնդրանք Բանտում էի, և ինձ այցի եկաք (Մատթ. 25:36). մաս 1-ին Ավետիք Իսահակյան. Հայաստանին Վահան Տերյան․ Թովիչ քնքշությամբ հանգչող աշխարհում Սուրբ Բարսեղ եպիսկոպոսի ճառը հիսունիններորդ (ԾԹ) սաղմոսի մասին Մայր Աթոռ Սուրբ Էջմիածնից Մասիս կբերվի Սուրբ Գևորգ Զորավարի մասունքը Ողջախոհություն
website by Sargssyan