USD
EUR
RUB

Մայր Աթոռ Սուրբ Էջմիածնի պատվիրակությունը մասնակցեց Պոլսո Հայոց Պատրիարքի գահակալության արարողությանը

 

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ հունվարի 11-ին Մայր Աթոռ Սուրբ Էջմիածնի պատվիրակությունը մասնակցեց Կոստանդնուպոլսի Հայոց նորընտիր Պատրիարք Ամենապատիվ Տ. Սահակ եպիսկոպոս Մաշալյանի գահակալության արարողությանը և հունվարի 12-ին մատուցված անդրանիկ Սուրբ Պատարագին:

Գահակալության արարողությանը Մայր Աթոռի միաբան Տ. Եզնիկ արքեպիսկոպոս Պետրոսյանն ընթերցեց նորընտիր Պատրիարքին ուղղված Ամենայն Հայոց Կաթողիկոսի օրհնության և գնահատանաց գիրը, ապա հանձնեց Վեհափառ Հայրապետի կողմից ընծայված պանակեն:

ԳԻՐ ՀԱՅՐԱՊԵՏԱԿԱՆ ՕՐՀՆՈՒԹԵԱՆ ԵՒ ԳՆԱՀԱՏԱՆԱՑ
ԱՌ ՍԻՐԵՑԵԱԼ ՈՐԴԻՆ ՄԵՐ ԵՒ ՎԱՍՏԱԿԵԱԼ ՍՊԱՍԱՒՈՐՆ ԱՌԱՔԵԼԱԿԱՆ ՄԵՐ ՍՈՒՐԲ ԵԿԵՂԵՑՒՈՅ
ԱՄԵՆԱՊԱՏԻՒ Տ. ՍԱՀԱԿ ԵՊԻՍԿՈՊՈՍ ՄԱՇԱԼԵԱՆ
ՈՐ Ի ՍՏԱՄԲՈՒԼ, ԹՈՒՐՔԻԱ

Սիրելի Սրբազան Պատրիարք,

Մայր Աթոռ Սուրբ Էջմիածնից Հայրապետական Մեր օրհնութիւնն ենք յղում Ձեզ` Առաքելական մեր Սուրբ Եկեղեցու վաստակեալ սպասաւորիդ:

Շուրջ երեք տասնամեակ, իբրև կուսակրօն հոգևորական, Դուք Քրիստոսին էք վկայում տէրունապատուէր Ձեր առաքելութեամբ և Տիրոջ կենարար խօսքի քարոզչութեամբ՝ հոգևոր սնունդ մատուցելով հաւատաւոր մեր ժողովրդին և արդիւնաշատ սպասաւորութեամբ առաւել լուսաւոր դարձնելով Առաքելական մեր Սուրբ Եկեղեցու անդաստանը:

Ձեր ծառայագործութեան ընթացքին Դուք բազմաթիւ յանձնառութիւններ էք ստանձնել Կոստանդնուպոլսի և Երուսաղէմի Հայոց Պատրիարքութիւններում, Մայր Աթոռ Սուրբ Էջմիածնում` իրականացնելով վարչական, հովուական և կրթական գործունէութիւն: Մայր Աթոռի Գևորգյան Հոգևոր ճեմարանում Ձեր պաշտօնավարութեան տարիներին Մենք ականատես ենք եղել Ձեր նուիրեալ ծառայութեան բարի արդիւնքներին, Ձեր հանդէպ մեր ուսանողների և հաւատացեալների բացառիկ սիրուն ու յարգանքին, որոնց համար օրինակ դարձաք հոգևոր նկարագրով, աշխատասիրութեամբ, եկեղեցասիրութեամբ ու ազգասիրութեամբ:

Մեզ համար գոհունակութիւն է, որ Աստուծոյ կամօք և Կոստանդնուպոլսի Հայոց Պատրիարքութեան Մեր զաւակների ընտրութեամբ Դուք ստանձնեցիք Պատրիարքի պատասխանատու պաշտօնը` հաւատալով Ձեր կարողութիւններին, Ձեր նուիրումին ու նախանձախնդրութեանը: Մենք վստահ ենք, որ պիտի ջանաք առաւելագոյնն ի գործ դնել` դժուարին այս ժամանակաշրջանում վերականգնելու Պատրիարքութեան խաթարուած գործունէութիւնը և նորոգութեան ու զարթօնքի նոր շունչ ու ոգի բերելու պոլսահայ կեանքին:

Սիրելի Սրբազան, բարձր գնահատելով Առաքելական մեր Սուրբ Եկեղեցու անդաստանում տարիների Ձեր վաստակը և նուիրեալ ծառայութիւնը, Հայրապետական այսու Կոնդակով շնորհում ենք Ձեզ

Ա Ր Ք Ո Ւ Թ Ե Ա Ն Պ Ա Տ Ի Ւ

Ի խորոց սրտի հայցում ենք, որ Բարձրեալն Աստուած Իր Սուրբ Աջով պահի ու պահպանի Ձեզ, զօրակից լինի բարձր ու պատասխանատու Ձեր կոչման մէջ` շնորհելով քաջառողջութիւն, արևշատութիւն և նորանոր յաջողութիւններ:

Թող Տէրն Ամենակալ միշտ պայծառ պահի Կոստանդնուպոլսի Հայոց Պատրիարքութիւնը և Առաքելական մեր Սուրբ Եկեղեցին:

Ողջ լերուք ի Տէր, զօրացեալ շնորհօք Սուրբ Հոգւոյն և յաւէտ օրհնեալ ի Մէնջ. ամէն:

Օրհնութեամբ`
ԳԱՐԵԳԻՆ Բ
ԿԱԹՈՂԻԿՈՍ ԱՄԵՆԱՅՆ ՀԱՅՈՑ

Տուաւ Կոնդակս յ8-ն Յունուարի
յամի Տեառն 2020 և ի թուին հայոց ՌՆԿԹ
ի մայրավանս Սրբոյ Էջմիածնի
ընդ համարաւ 1095

 

Աղբուր՝ Ter-hambardzum.net

Լրահոս
Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում Գթասրտություն Հնագետ Գրիգոր Արեշյանի հուղարկավորությունը տեղի կունենա Երևանի քաղաքային պանթեոնում Ամենայն Հայոց Կաթողիկոսը հեռակապով խոսել է Հյուսիսային Ամերիկայի հայոց թեմերի առաջնորդների հետ Սաղմոս ՃԽԱ Հովհաննես Հովհաննիսյան․ Հայ զինվորին Ծաղկաթերթեր Դերասանի մենախոսություն կյանքի իմաստի մասին. «Հեռագիր»-ը ցուցադրվեց «Արմմոնո» փառատոնին Կյանքի արվեստ. Սեռական դաստիարակության խնդիրը Կորյուն Առաքելյան. Բանաստեղծություններ Սամվել Մարգարյան․ Բանաստեղծություններ Մեզ հրամցված է մի չափորոշիչ, որն առանձին անձանց քմահաճույքի արդյունք է. Տեր Սարգիս Netflix-ը «Խոստումը» ֆիլմը ցուցադրելու հեղինակային իրավունք է ստացել Ընտանիք Համո Սահյան. Հորովել Եղիա Տեմիրճիպաշյան. Անգեղն երգ Պառավքարից մինչև Մուրղուզ․․․ Տավուշյան լեգենդներն ու զրույցները Օգոստոսի 1-ից Մոսկվայում վերաբացվում են կինոթատրոնները
website by Sargssyan