USD
EUR
RUB

Աղոթք հիվանդների համար

 

- Հա՛յր, մարդիկ են եկել ու խնդրում են, որ հիվանդ երեխայի համար աղոթեք: Հարցնում են նաև, թե կապաքինվի՞ նա արդյոք: Ի՞նչ պատասխանենք:

- Այսպես պատասխանեք. «Ծեր վանականը կաղոթի: Քրիստոս սիրում է այդ երեխային և ամեն ինչ կանի, որ ի օգուտ նրա լինի: Եթե Նա տեսնի, որ երեխան մեծանալով ավելի լավը կդառնա, ապա կլսի ծերունու աղոթքը: Սակայն, եթե Քրիստոս տեսնի, որ մեծանալով՝ երեխան հոգևոր լավ վիճակում չի լինելու՝ հիմա Իր մոտ կվերցնի: Այդպես կանի, որովհետև սիրում է նրան»: «Խնդրիր,- ասում է Նա,- և Ես կտամ քեզ (խնդրածդ)» (Մատթ. 7:7): Սակայն Աստված խնդրածս այն դեպքում կտա, եթե ես ինքս եմ ինձ Նրան տվել: Հակառակ դեպքում ինչո՞ւ ինձ պետք է կյանք տա: Որպեսզի հեռանա՞մ Նրանից: Եթե ես աղոթում եմ հիվանդի համար, ապա ուրախանում եմ թե՛ այն ժամանակ, երբ նա ապաքինվում է, և թե՛ այն ժամանակ, երբ մահանում է:

- Հա՛յր, իսկ ճի՞շտ ենք վարվում, երբ սեփական առողջության համար ենք աղոթում:

- Ավելի լավ կլինի, որ Աստծուն մեր կրքերից ձերբազատվելու համար աղոթենք: Այսինքն, նախ Աստծո Արքայությունը փնտրենք ու խնդրենք: Մեր երկնային ունեցվածքն ենք կորցնում, երբ Աստծուն խնդրում ենք բուժել մեր հիվանդությունը: Սակայն, եթե չենք դիմանում հիվանդության պատճառած տառապանքներին, ապա խնդրենք Աստծուն բուժել մեզ և Նա համապատսխան քայլեր կձեռնարկի (այն ինչ ավելի օգտակար է մեզ համար):

- Հա՛յր, իսկ մեր աղոթքները կօգնե՞ն հիվանդին, եթե ինքն Աստծուց ուրիշ բան է խնդրում:

- Եթե հիվանդը խնդրում է Աստծուն, որպեսզի միայն ինքն առողջանա և չի աղոթում, որպեսզի ուրիշ հիվանդներն էլ ապաքինվեն, ապա ճիշտ չի վարվում: Այ դո՛ւ, քո՛ւյր, աշխարիկ կյանքում հիվանդանոցում էիր աշխատում: Ի՞նչ էիր անում, երբ հիվանդը չէր կարողանում Հիսուսի աղոթքն ասել:

- Ինքս էի ասում, հա՛յր:

- Իհարկե լավ էիր անում, բայց հիվանդն ինքն էլ պետք է աղոթեր:

- Նա էլ էր աղոթում: Ասում էր. «Ամենասուրբ Աստվածածին, իմ Տիրուհի, փրկիր ինձ»: Հա՛յր, բայց մի՞թե ցավին դիմանալն աղոթք չէ:

- Ապրե՛ս: Դե իհարկե դա նույնպես աղոթք է: Եթե մարդ խնդրում է ձեզ աղոթել իր համար, որովհետև այնինչ օրը վիրահատության պիտի գնա, ապա դուք սկսում եք միանգամից աղոթել, հենց որ նա խնդրում է: Երբեք մի սպասեք այն օրվան ու ժամին, երբ նրան վիրահատարան կտանեն ու միայն այդ ժամանակ սկսեք աղոթել: Եվ արարողությունների ժամանակ, երբ հոգևորականն արտասանում է. «Վասն հիվանդաց»՝ սրտացավությամբ «Տեր ողորմյա» երգեք: Եթե դուք շատ օդ եք հավաքում ու սկսում եք կամերտոնի տակ «ու-ու-ու» գվվալ, որպեսզի «Տեր ողորմյան» ավելի մեղեդային երգեք, ապա ձեր միտքն էլ այդ «ու-ու-ու»-ի և տարբեր փուչ բաների մեջ պիտի սավառնի, իսկ խեղճ հիվանդները, որ տանջվում, տառապում են, սպասելու են, որ մի փոքր օգնություն ստանան ձեզնից: Հիվանդները տանջվում են ցավից: Դու ցավ չունես: Դե ուրեմն աղոթիր նրանց համար, որպեսզի օգնություն ստանան: Եթե դու ցավից ախ չես քաշում ու չես տնքում հիվանդասենյակի մահճակալին այս ու այն կողմ պտտվելով, ապա գոնե հիվանդների համար աղոթելուց հոգոց հանիր: Եթե առողջները գոնե մի փոքր չաղոթեն հիվանդների համար, ապա Քրիստոս շատ շուտով նրանց կասի. «Դուք առողջ էիք և չէի՞ք աղոթում նրանց համար, ովքեր տառապում էին», «...ձեզ չեմ ճանաչում» (Մատթ. 25:12):

Հիվանդությունը բնականոն կերպով է զարգանում, եթե չենք աղոթում հիվանդի համար: Իսկ եթե աղոթում ենք նրա համար, ապա հիվանդությունը կարող է իր բնականոն ընթացքը փոխել: Այդ պատճառով էլ միշտ աղոթեք հիվանդների համար:

Պաիսիոս Աթոսացու «Ընտանեկան կյանք» գրքից

Ռուսերենից թարգմանությունը՝ Էմիլիա Ապիցարյանի

Աղբյուր՝ Surbzoravor.am

Լրահոս
Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն Հովհաննես Գրիգորյան․ Մի քանի ճշմարտություն Աշոտ Ավդալյան․ Արդար առավոտ Նիկա Ջորջանելի․ «Բան, որ լսվել է ոչ մեկ անգամ» Հակոբոս 5.16 Մենք սովորել ենք աշխատել խտրական վերաբերմունքի պայմաններում, սակայն վերջերս այդ դիմակայությունը համալրվել է վտանգավոր դրսևորումներով. բաց նամակ «Ես ի պաշ­տո­նե պար­տա­վոր եմ ա­նե­լու այդ մր­ցույ­թը» Հայաստանում առաջին անգամ ցուցադրվեց ռեժիսոր Միքայել Վարդանովի «Հայկական հողի գույնը» ֆիլմը Ուկրաինայում կոչ են արել ոչնչացնել սովետական գրքերը Պարույր Սևակ. Երջանկություն Եղիշե Չարենց. Ամեն տեսակ երգ երգեցի... Դանիել Վարուժան․ Հունձք Ալեքսանդր Ծատուրյան. Երկու խոստովանանք Ռուբիկի խորանարդներով պատրաստված «Մոնա Լիզան» վաճառվել է 480 հազար եվրոյով Մեծ պահքի կիրակիները
website by Sargssyan