USD
EUR
RUB

Պողոս առաքյալի նամակը Եփեսացիներին և Փիլիմոնին

 

Պողոս առաքյալի Եփեսացիներին ուղղված նամակը իր մեջ կրում է «դարեր ի վեր Աստծո մեջ թաքնված խորհուրդը» (Եփես. Գ 9), այն խորհուրդը, որը մեզ բոլորիս հայտնեց մեր Տեր Հիսուս Քրիստոս, այն է՝ Եկեղեցու միջոցով փրկագործության ծրագրի իրականացում:

Հարկ է նշել, որ նամակի նյութի ընդհանրականությունը հետաքրքրություն է առաջացրել ոչ միայն տեղական, այլև ողջ Եկեղեցու համար: Այս պատճառով էլ որոշ մեկնիչներ այն կոչել են «համակարգված աստվածաբանական երկ», «պողոսյան աստվածաբանության համառոտ շարադրանք», «մկրտության ճառ», «Քրիստոսի խորհրդի իմաստության մասին մտածումներ» և այլն:

Նամակի բովանդակության ընդհանրական լինելու հանգամանքը, հիմք է տալիս ենթադրելու, որ այս նամակը եղել է ընդհանրական բնույթի՝ ուղղված ոչ միայն Եփեսոսի Եկեղեցուն, այլ նաև Փոքր Ասիայի այլ եկեղեցիների:

Ինչպես արդեն հասկացանք, նամակում ներկայացված է ընդհանուր հետաքրքրություն ունեցող մի նյութ`Աստծո փրկչական տնտեսության իրականացումը մարդկության պատմության մեջ՝ Եկեղեցու հիմնադրումով: Եկեղեցու մեջ նաև միանում և մեկ ամբողջական մարմին են կազմում նախկին երկու թշնամիները`հրեաները և հեթանոսները: Եվ հենց այս է իրենից ներկայացնում Քրիստոսի առաքելությունը, որ Խաչելությամբ և Հարությամբ աշխարհին շնորհեց խաղաղություն և սահմանեց հաշտություն՝ մարդկանց և Աստծո միջև: Իսկ Սուրբ Հոգին հովանավորում և սնուցում Քրիստոսի ողջ մարմինը՝ փրկվածներին:

Այս բովանդակությունը հստակորեն ներկայացված է նամակի առաջին հատվածում: Իսկ նամակի երկրորդ մասում խոսվում է դեպքերի մասին, որոնք անմիջականորեն հիմնվում են առաջին մասի աստվածաբանական վարդապետության վրա, ինչպես օրինակ`ամուսինների փոխհարաբերությունները, ծնող-երեխա փոխհարաբերությունը, ստրուկների և տերերի փոխհարաբերությունները և այլն:

Շատ մեկնիչներ են փորձել հասկանալ նամակի իրական նպատակը, սակայն առավել հավանական է այն, որ Կողոսիայի հերետիկոսների դեմ պայքարելուց հետո Պողոս առաքյալը եկեղեցիներին է ներկայացնում իր վարդապետության ամփոփումը, որպեսզի հավատացյալները, հիմնված Քրիստոսի «մարմնի» վրա, կարողանան դիմագրավել հերետիկոսների պառակտիչ գործողություններին:

Փիլիմոնին ուղղված նամակն ամենակարճն է Պողոսի բոլոր նամակների մեջ: Այն իրենից ներկայացնում է մի անհատական նամակ, որն ուղղված է Կողոսայում բնակվող և Պողոս առաքյալի կողմից դարձի եկած Փիլիմոնին, որի ստրուկներից մեկը`Օնեսիմոսը, փախել էր տիրոջ մոտից, այնուհետև հանդիպել Պողոս առաքյալին և դարձել քրիստոնյա:

Օնեսիմոսին Պողոսը ցանկանում էր պահել իր մոտ իբրև գործակից և օգնական, սակայն ոչ առանց նրա տիրոջ` Փիլիմոնի համաձայնության: Այդ պատճառով էլ Պողոս առաքյալը նրան ուղարկում է Փիլիմոնի մոտ՝ նրան դիմելով. «Թերևս նա հեռացավ, որ ընդմիշտ ունենաս նրան այլևս ոչ իբրև ծառա, այլ ... որպես մի սիրելի եղբայր ... Եթե ինձ ընկերակից ես համարում քեզ, ընդունիր նրան, ինչպես ինձ կընդունես»:

Եզնիկ Ծ. Վրդ. Պետրոսյան` Ներածություն Նոր Կտակարանի

Արմեն Չաքմիշյան

Աղբյուր՝ Qahana.am

Լրահոս
Հովհաննես Գրիգորյան Հենրիկ Էդոյան. Ինչպես երեխան Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն Հովհաննես Գրիգորյան․ Մի քանի ճշմարտություն Աշոտ Ավդալյան․ Արդար առավոտ Նիկա Ջորջանելի․ «Բան, որ լսվել է ոչ մեկ անգամ» Հակոբոս 5.16 Մենք սովորել ենք աշխատել խտրական վերաբերմունքի պայմաններում, սակայն վերջերս այդ դիմակայությունը համալրվել է վտանգավոր դրսևորումներով. բաց նամակ «Ես ի պաշ­տո­նե պար­տա­վոր եմ ա­նե­լու այդ մր­ցույ­թը» Հայաստանում առաջին անգամ ցուցադրվեց ռեժիսոր Միքայել Վարդանովի «Հայկական հողի գույնը» ֆիլմը Ուկրաինայում կոչ են արել ոչնչացնել սովետական գրքերը Պարույր Սևակ. Երջանկություն Եղիշե Չարենց. Ամեն տեսակ երգ երգեցի... Դանիել Վարուժան․ Հունձք Ալեքսանդր Ծատուրյան. Երկու խոստովանանք
website by Sargssyan