USD
EUR
RUB

Մարդ-թատրոն. Կարպ Խաչվանքյանն այսօր կդառնար 97 տարեկան

 

ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Դերասան, ռեժիսոր ՀԽՍՀ ժողովրդական արտիստ Կարպ Խաչվանքյանը, որի տաղանդի առաջ խոնարհվել են բազմաթիվ թատերասերներ, հունվարի 23-ին կտոներ ծննդյան 97-ամյակը:

«Մարդ-թատրոն»,-«Արմենպրես»-ի թղթակցի հետ զրույցում այսպես բնութագրեց Խաչվանքյանին Երևանի պետական տիկնիկային թատրոնի գեղարվեստական ղեկավար և տնօրեն Ռուբեն Բաբայանը, որը Խաչվանքյանին անձամբ ճանաչելու բարեբախտությունն է ունեցել:

«Նրա աստղային տարիներին, երբ աշխատում էր Հ. Պարոնյանի անվան երաժշտական կոմեդիայի պետական թատրոնում, որի գեղարվեստական ղեկավարը հայրս էր՝ Արտաշես Բաբայանը, և ամեն երեկո հորս հետ ներկայացումներ դիտելու էի գնում, ներկա էի գտնվում նրանց զրույցներին: Խաչվանքյանը փայլուն դերասան էր, նրա՝ բեմ դուրս գալը բուռն ծափողջույններով էր ընդունվում: Խաչվանքյանը մարդ-թատրոն էր: Հաճախ մարդիկ տոմս էին գնում ոչ թե այս կամ այն ներկայացումը դիտելու, այլ կոնկրետ դերասանին նայելու համար: Այո՛, մարդիկ գալիս էին Խաչվանքյանին տեսնելու, որը փրկում էր յուրաքանչյուր ներկայացում: Նա ինքն էր իր դերի բեմադրիչը: Կարևոր է նաև այն հանգամանքը, որ Խաչվանքյանը նաև արտակարգ մարդ էր՝ համեստ, չէր տառապում աստղային հիվանդությամբ»,-շեշտեց Բաբայանը:

Ռուբեն Բաբայանի խոսքով՝ Խաչվանքյանն այնպես էր պահում իրեն փողոցում, որ նրան երբեմն չէին ճանաչում: «Կարող էր անտրամադիր լինել, բայց բավական է՝ բեմ դուրս գար, և դու պարզապես չէիր ճանաչում այն մարդուն, որի հետ տասը րոպե առաջ շփվում էիր: Դա իսկական արտիստի հատկություն է: Բեմը բուժում է… Ներկայացումն ավարտվում էր, փակվում էր վարագույրը, և Խաչվանքյանը դառնում էր նույն քչախոս անձնավորությունը: Կրկնում եմ՝ նա արտակարգ մարդ էր, փայլուն դերասան»,-եզրափակեց Բաբայանը:

Կարպ Խաչվանքյանը ծնվել է 1923 թվականի հունվարի 23-ին Ախալցխայում: Թբիլիսիում «Վրացֆիլմ» ստուդիայի կինոդերասանի դպրոցն ավարտելուց հետո նրան հրավիրել են Երևանի երաժշտական կոմեդիայի նորաստեղծ թատրոն, որտեղ աշխատել է 54 տարի՝ լինելով թատրոնի առաջատար դերասաններից մեկը: Խաչվանքյանը սիրվել է ժողովրդի կողմից, դարձել թատրոնի խորհրդանիշը՝ մարմնավորելով անզուգական կերպարներ:
Տաղանդավոր դերասանի մասին բարձր կարծիքներ են հայտնել Ավետիք Իսահակյանը, Համո Բեկնազարյանը, Վահրամ Փափազյանը,Վարդան Աճեմյանը, Առնո Բաբաջանյանը և այլոք:

Նա խաղացել է դասական գրեթե բոլոր օպերետներում, սակայն առանձնակի վերաբերմունք ուներ հայկական օպերետների և երաժշտական կոմեդիաների հանդեպ:
Խաչվանքյանը կերտել է կերպարներ, որոնք ձեռք են բերել միջազգային ճանաչում` Թոդորոսը («Պահանջվում է ստախոս»), Դոն Կիխոտը («Լամանչեցի մարդը»), Կնյազը («Տաքսի, տաքսի»):

Խաչվանքյանը փայլուն երգում էր, պարում, նվագում տարբեր գործիքներ, նույն թատրոնում ստեղծել է 13 բեմադրություն, նկարահանվել է «Հայֆիլմ» կինոստուդիայի չորս կինոնկարում, տասնյակ դերեր է ստեղծել հեռուստատեսային ներկայացումներում, մասնակցել ռադիոբեմադրությունների:

Այսօր էլ շատերը Երաժշտական կոմեդիայի թատրոնն անվանում են «Կարպի թատրոն»:

Անժելա Համբարձումյան

Լրահոս
Հովհաննես Գրիգորյան Հենրիկ Էդոյան. Ինչպես երեխան Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն Հովհաննես Գրիգորյան․ Մի քանի ճշմարտություն Աշոտ Ավդալյան․ Արդար առավոտ Նիկա Ջորջանելի․ «Բան, որ լսվել է ոչ մեկ անգամ» Հակոբոս 5.16 Մենք սովորել ենք աշխատել խտրական վերաբերմունքի պայմաններում, սակայն վերջերս այդ դիմակայությունը համալրվել է վտանգավոր դրսևորումներով. բաց նամակ «Ես ի պաշ­տո­նե պար­տա­վոր եմ ա­նե­լու այդ մր­ցույ­թը» Հայաստանում առաջին անգամ ցուցադրվեց ռեժիսոր Միքայել Վարդանովի «Հայկական հողի գույնը» ֆիլմը Ուկրաինայում կոչ են արել ոչնչացնել սովետական գրքերը Պարույր Սևակ. Երջանկություն Եղիշե Չարենց. Ամեն տեսակ երգ երգեցի... Դանիել Վարուժան․ Հունձք Ալեքսանդր Ծատուրյան. Երկու խոստովանանք
website by Sargssyan