USD
EUR
RUB

Երբեմն ուզում եմ երիտասարդ տարիքի թռիչքին մեկ անգամ էլ հասնել.Տիգրան Մանսուրյանը 81 տարեկան է

 

ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Ճանապարհորդություններ, համերգներ, նոր ստեղծագործություններ, հանդիպումներ. հայ կոմպոզիտորական արվեստի վառ ներկայացուցիչ, մաեստրո Տիգրան Մանսուրյանն աշխատանքային բուռն ընթացքի մեջ է: Նա հունվարի 27-ին նշում է ծննդյան 81-ամյակը, տարիքն ամենևին չի խանգարում ակտիվ աշխատելու հարցում: Մաեստրոն վաղ առավոտից ստանում է բազմաթիվ շնորհավորանքներ ու բարեմաղթանքներ, օրն անցկացնելու է հարազատների ու ընկերների հետ, սակայն մինչ այդ «Արմենպրես»-ի մամուլի սրահում հանդես եկավ ասուլիսով՝ ներկայացնելու աշխատանքային ծրագրերը, տարբեր հարցերի վերաբերյալ իր մտորումները: Տիգրան Մանսուրյանը նոր է վերադարձել ճանապարհորդությունից, այս անգամ իր ստեղծագործությունները հնչում էին Չեխիայում կայացած համերգին:

«Բռնո քաղաքում երկու օր հնչեց իմ Ռեքվիեմը: Հրաշալի երգչախումբ ու նվագախումբ էր մասնակցում: Ռեքվիեմը շատ է հնչել աշխարհի բազմաթիվ երկրներում: Այս երկու համերգները կարծես կրկնակի անգամ ավելի ուշադրության էր արժանացել հանդիսատեսի կողմից ընդունելության տեսանկունից, այն շատ կարևորվեց: Դեսպանի՝ Աշոտ Հովակիմյանի կողմից ջերմ ընդունելության արժանացա, ինչը հաճելի է»,-ասաց Տիգրան Մանսուրյանը: Համերգային հատվածից նա բազմաթիվ հանդիպումներ է ունեցել հայ համայնքի ներկայացուցիչների, տեղի լրագրողների հետ:

Տիգրան Մանսուրյանը շարունակում է ստեղծագործել և իր ստեղծագործությունները հնչեցնել աշխարհի տարբեր բեմերում: Ինչպես ինքն է բնութագրում, այսօր շատ ծանր մի գործի հետ է կապված, որն աշնանը պետք է հնչի Իտալիայում:

«Մեծ գործ է նվագախմբի, երգչախմբի և մեներգչի համար: Այս տարի աշխարհի մշակութային իրականությունը տոնում է Դանթե Ալիգիերիի հոբելյանը: Երեք կոմպոզիտորի առաջարկել են, որ յուրաքանչյուրը գրի ընդհանուր ստեղծագործության մի հատվածը: Հատվածներն են՝ դժոխք, քավարան, դրախտ: Ինձ առաջարկել են քավարանը և ես համաձայնել եմ: Իմ մասով ստեղծագործությունը պետք է մինչև մարտի վերջ վերջացնեմ»,-ասաց նա:

Այն հնչելու է Իտալիայի երեք քաղաքում: Մաեստրոն մտադիր է գործը վերանայել, ինչպես ինքն է ասում, ճանապարհորդությունից հետո հայացքը կարծես նորոգված լինի:

Նոր ստեղծագործությունների հետ կապված այլ աշխատանքային առաջարկություններ մաեստրոն ևս ունի. այդ ուղղությամբ դեռ մտածում է: Մաեստրոն մտադիր է իր ստեղծագործություններում հնարավորինս շատ տեղ բացել հայ պոեզիայի համար: Նա հիշեցրեց, որ նախորդ տարի Հայաստանում իր ծննդյան 80-ամյակի առթիվ կազմակերպված համերգներից մի քանիսը հենց այդ շեշտադրմամբ էին:

«Գիտեք, խոստովանեմ, որ երբեմն ուզում եմ երիտասարդ տարիքի այս կամ այն թռիչքին մեկ անգամ էլ հասնեմ»,-ավելացրեց մաեստրոն:

Տոնական օրը Տիգրան Մանսուրյանը նշելու է մտերիմների հետ:

Լուսանկարները` Ֆելիքս Առուստամյանի

Լրահոս
Պարույր Սևակ. Բարի լույս Մահացել է օպերային երգչուհի Գայանե Գրիգորյանը Պետրոս Դուրյան. Իմ հանգիստը Խոնարհություն Ավագ հինգշաբթի՝ Վերջին ընթրիք` Ս. Հաղորդության խորհրդի հաստատում, Ոտնլվա Նոր նախագիծ. Վանաձորի դրամատիկական թատրոնն ու «Ֆորտունան» Apple-ը հիմնադրամ կստեղծի անկախ արտիստներին օգնելու համար Արայիկ Մանուկյանը՝ առցանց մուլտֆիլմերի ու քննարկումների մասին Տեղի է ունեցել հայ-ամերիկյան դիվանագիտական հարաբերությունների հաստատման 100-ամյակին նվիրված համերգ Աշոտ Ավդալյան. Մարմին առ, օր... Դանիել Վարուժան. Ամբարներ Ավագ Հինգշաբթի դուրս կբերվի Սուրբ Գրիգոր Նարեկացու մասունքը Ռուսական թատրոնն առցանց ցուցադրում է խաղացանկից դուրս եկած լավագույն ներկայացումները Նայի՛ր քեզ Նվիրատվություններ ի զորակցություն հայրենիքի Դեռ կգա այս ծանր շրջանը հետահայաց արժեւորելու ժամանակը Սիմֆոնիկ նվագախումբը հրավիրում է Բեթհովենի 9-րդ սիմֆոնիայի առցանց ցուցադրությանը Հայկական դուդուկը ՅՈՒՆԵՍԿՕ-ի ցանկում գրանցվել է 2008 թվականին․ ԿԳՄՍՆ Անդրեա Բոչելլին առցանց համերգ կտա Զատկի օրը Սովորենք գնահատել ու արժևորել մեր ունեցածը Վիլյամ Սարոյան․ Ընկերների մեղքով Ավագ Երեքշաբթի Տեր Գրիգոր քհն. Գրիգորյանի շնորհավորական խոսքն Ավետման տոնի առթիվ Էրեբունուց հայտնաբերված նվիրատվական թիթեղը Հայրապետական Մեր օրհնությունն ու բարեմաղթանքներն ենք հղում տիկնանց և օրիորդաց Սուրբ Աստվածածնի Ավետման տոնի և Մայրության ու գեղեցկության օրվա առիթով Ռուսական արվեստի թանգարանը միացել է աշխահի խոշոր թանգարանների շարժմանը «Ան­մա՞հ է այն գոր­ծը, ո­րի հա­մար ես մե­ռա…» Խզմալյան. Մենք պատրաստում ենք անհատ, տարեց, անժառանգ արվեստագետների ցանկը «Համլետ», «Վենետիկի վաճառականը». շեքսպիրյան լավագույն ներկայացումները` առցանց հարթակում Ճա­նա­չեք գոր­ծե­րի պտուղ­նե­րից Արարատ Մկրտումյան. Սերունդ Դանիել Վարուժան․ Վերադարձ Մաթևոսյան կենտրոնի վերաբերյալ 2019 սեպտեմբերի 18-ի Նիկոլ Փաշինյանի հանձնարարականը չի կատարվել․ Դավիթ Մաթևոսյան Մայր Աթոռ Սուրբ Էջմիածնի հայտարարությունն Ավագ շաբաթվա վերաբերյալ Աստվածածին սուրբ կույս Մարիամի ավետյաց տոն Տասը երկրի թումանյանասեր մանուկներ կներկայացնեն «Սուտասանը» հեքիաթը Տիգրան Համասյանի «ոչՊաշտոնական համերգը»՝ այսօր Լուսին Աթաբեկյան. Լռությունը՝ արատավոր շրջանի սկիզբ Ներսես Աթաբեկյան․ Ոտքը «Ղազարոսի հարությունը». պատկեր և խորհուրդ
website by Sargssyan