USD
EUR
RUB

Զինվորական նվագախումբը բարձր մակարդակով է ներկայանում՝ ամենուր թողնելով իր հետքը. Արմեն Պողոսյան

 

ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության զինված ուժերի գլխավոր շտաբի զինվորական նվագախումբը, որը պատվով է ներկայացնում մեր երկիրը՝ փայլուն ելույթներ ունենալով ոչ միայն Հայաստանում, այլև արտերկրում կազմակերպված հանդիսավոր արարողություններին, համերգներին, փառատոներին, կազմավորումից ի վեր շարունակում է նորանոր բարձունքներ նվաճել:

Հայաստանի Հանրապետության զինված ուժերի կազմավորման 28-րդ տարեդարձի կապակցությամբ «Արմենպրես»-ի թղթակիցը զրուցել է ՀՀ զինված ուժերի գլխավոր շտաբի ռազմանվագախմբային բաժնի պետ, գլխավոր դիրիժոր, գնդապետ Արմեն Պողոսյանի հետ:

Պողոսյանի խոսքով՝ նվագախումբը, որը կազմավորվել է 1992 թվականին, տարիների ընթացքում զարգացում է ապրել, չի նահանջել և նորանոր հաղթանակներ է ունեցել, հաջողությունների հասել՝ հաստատակամ առաջ գնալով:

«Դա ամենօրյա քրտնաջան աշխատանքի արդյունք է: Նվագախմբում ընդգրկված երաժիշտների մեծ մասը պայմանագրային զինծառայողներ են: ՀՀ զինված ուժերի գլխավոր շտաբի զինվորական նվագախմբից բացի կարևորում եմ նաև Երևանի կայազորի զինվորական նվագախմբի գործունեությունը, որն իր որակական հատկանիշներով գրեթե չի զիջում գլխավոր նվագախմբին»,-շեշտեց Պողոսյանը:

Նա տեղեկացրեց, որ ՀՀ զինված ուժերի գլխավոր շտաբի զինվորական նվագախումբը պարբերաբար համալրվում է Երևանի Կոմիտասի անվան պետական կոնսերվատորիայի, տարբեր երաժշտական ուսումնական հաստատությունների լավագույն երաժիշտներով՝ լսումների, քննությունների միջոցով: «Տղաներն ընդգրկվում են կամ մեր, կամ զորամասերի նվագախմբերում: Նշեմ, որ նվագախումբը հաճախ հաղորդակցվում է այլ նվագախմբերի հետ: Փորձի փոխանակման մեծ հնարավորություններ ունենք, քանի որ հաճախ ենք մեկնում հյուրախաղերի, մասնակցում զինվորական նվագախմբերի միջազգային փառատոների, մենք ենք համերգներ նախաձեռնում Հայաստանում՝ մասնակցելով պետական և այլ միջոցառումների: Նվագախումբը տեղում չի դոփում, նորանոր ստեղծագործություններով է ներկայանում»,-ընդգծեց դիրիժորը:

Պողոսյանը հպարտությամբ նշեց, որ արտասահմանյան բոլոր ելույթները մեծ ուրախությամբ են ընդունվում, արժանանում բուռն ծափողջյունների: «Նվագախումբը բարձր մակարդակով է ներկայանում մշտապես՝ ամենուր թողնելով իր հետքը: Կարծում եմ՝ մեր հաջողության գրավականներից մեկն այն է, որ գրեթե միշտ հանդես ենք գալիս հայկական, ազգային ստեղծագործություններով: Զինվորական միջոցառումներին գերիշխում են զինվորական գործերը, բայց երբեմն ջազային և էստրադային կատարումներ են լինում: Համերգներին, պետական միջոցառումներին նվագում ենք ստեղծագործություններ, որոնք հաճելի կլինեն տվյալ ունկնդրին»,-ներկայացրեց Արմեն Պողոսյանը:

Շնորհավորելով զինվորներին Հայաստանի Հանրապետության զինված ուժերի կազմավորման 28-րդ տարեդարձի առթիվ՝ Պողոսյանը ուսման մեջ մեծ հաջողություններ մաղթեց նրանց: «Ցանկանում եմ, որ մեր զինվորներն իրենց հմտությունները ցույց տալու անհրաժեշտություն ունենան միայն զորավարժությունների ժամանակ: Թող լինի խաղաղ երկինք, թող մեր զինվորը միշտ լինի ուժեղ, կրթված և պատրաստ յուրաքանչյուր պահի պաշտպանելու մեր հայրենիքը»,-եզրափակեց Արմեն Պողոսյանը:

Անժելա Համբարձումյան

Լրահոս
Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն Հովհաննես Գրիգորյան․ Մի քանի ճշմարտություն Աշոտ Ավդալյան․ Արդար առավոտ Նիկա Ջորջանելի․ «Բան, որ լսվել է ոչ մեկ անգամ» Հակոբոս 5.16 Մենք սովորել ենք աշխատել խտրական վերաբերմունքի պայմաններում, սակայն վերջերս այդ դիմակայությունը համալրվել է վտանգավոր դրսևորումներով. բաց նամակ «Ես ի պաշ­տո­նե պար­տա­վոր եմ ա­նե­լու այդ մր­ցույ­թը» Հայաստանում առաջին անգամ ցուցադրվեց ռեժիսոր Միքայել Վարդանովի «Հայկական հողի գույնը» ֆիլմը Ուկրաինայում կոչ են արել ոչնչացնել սովետական գրքերը Պարույր Սևակ. Երջանկություն Եղիշե Չարենց. Ամեն տեսակ երգ երգեցի... Դանիել Վարուժան․ Հունձք Ալեքսանդր Ծատուրյան. Երկու խոստովանանք Ռուբիկի խորանարդներով պատրաստված «Մոնա Լիզան» վաճառվել է 480 հազար եվրոյով Մեծ պահքի կիրակիները
website by Sargssyan