USD
EUR
RUB

Ներկայացվել են Ալ. Հարությունյանի կամերային ստեղծագործությունները

 

ԵՐԵՎԱՆ, 13 ՓԵՏՐՎԱՐԻ, Irates.am: Հայ կոմպոզիտորական արվեստի 11-րդ փառատոնի շրջանակներում ներկայացվեց Ալեքսանդր Հարությունյանի կամերային ստեղծագործությունների ընտրանին։ Հիշեցնենք‚ որ փառատոնը նվիրված է անվանի հայ կոմպոզիտոր Ալեքսանդր Հարությունյանի 100-ամյա հոբելյանին։

Համերգային ծրագրում Ալ. Հարությունյանի կամերային գործերը կատարեցին Անդրանիկ Աղաջանյանը (թավջութակ)‚ Անահիտ Դիլբարյանը (դաշնամուր)‚ Արաքս Պողոսյանը (ջութակ)‚ Էրիկ Մանուկյանը (ջութակ)‚ Ավետիք Ղազարյանը (կլարնետ)‚ Լիլիթ Զաքարյանը (դաշնամուր)‚ Արմեն Պուչինյանը (դաշնամուր)‚ Արթուր Գրիգորյանը (դաշնամուր)։
Ուշագրավ է‚ որ ստեղծագործությունները ներկայացնողների թվում էին նաև ՀՀ և Արցախի երիտասարդ տաղանդավոր երաժիշտ-կատարողների զարգացման նպատակային ծրագրի մասնակիցները։

Ալեքսանդր Հարությունյանն ընդգծված հետաքրքրություն ուներ կամերային ժանրերի հանդեպ: Կոմպոզիտորի ստեղծագործության հուզական, խոհական, դրամատիկ երանգները տեղ են գտել նրա կամերային գործերում։
Ջութակահար Արաքս Պողոսյանը նշում է‚ որ Հարությունյանի սիմֆոնիկ գործերը բազմից հնչեցրել է Հայաստանի պետական սիմֆոնիկ նվագախմբի կազմում‚ սակայն հեղինակի կամերային ստեղծագործություններից կատարում է առաջին անգամ։ Ջութակահարուհին նկատում է‚ որ մեծագույն սիրով և բավականությամբ է նվագում այդ գործերը։ Նա նաև հատուկ ընդգծում է այն փաստը‚ որ համերգային երեկոյի ընթացքում ելույթ են ունենալու երիտասարդ երաժիշտներ։ Դա թույլ կտա‚ որպեսզի վերջիններս առնչվեն հայ կոմպոզիտորների արվեստի հետ‚ նրանց գործերը ներառեն իրեն երկացանկում և դրանք հետագայում ներկայացնեն տարբեր բեմերում։

Հիշեցնենք‚ որ Հայ կոմպոզիտորական արվեստի փառատոնը կյանքի է կոչում Հայաստանի պետական սիմֆոնիկ նվագախումբը (գեղարվեստական ղեկավար և գլխավոր դիրիժոր՝ Սերգեյ Սմբատյան)՝ ՀՀ կրթության‚ գիտության‚ մշակույթի և սպորտի նախարարության աջակցությամբ։ Փառատոնի գլխավոր նպատակն է հայ դասական և ժամանակակից կոմպոզիտորների ստեղծագործությունների տարածումն ունկնդրի լայն շրջանակներում‚ հայ կոմպոզիտորների կամերային և սիմֆոնիկ ստեղծագործությունների ձայնագրումը‚ տեսագրումը‚ նոտաների թվայնացում և պահպանումը։ Փառատոնի համերգային երեկոներին հանդես են գալիս մենակատարներ Հայաստանից և արտասահմանից՝ իրենց երկացանկում ընդգրկելով հայ հեղինակների գործեր։

Լրահոս
Վահագն Դավթյան. Հեռվից Պարույր Սևակ. Փակիր աչքերդ «Կարեւոր էր պահպանել Կոմիտասին բնորոշ մաքրությունը եւ հանճարեղ պարզությունը» Որդի Աստված Հացը` իբրև Աստծո պարգև «Սպանված աղավնին» բոլոր ժամանակների համար է Հրանտ Մաթևոսյան․ Գոմեշը Ղևոնդ Ալիշան. Հրազդան Deutsche Welle-ն անդրադարձել է Գազայի հատվածի հայազգի լուսանկարչի արխիվին Գիտնականները պարզել են` իրականում ինչ տեսք է ունեցել Ռաֆայել Սանտին Մեր խիղճը կփրկի մեզ Դատաստան, հալածանքների պատճառը Պարույր Սևակ. Անտառի վեպը Սուրբ Բարսեղ Կեսարացի եպիսկոպոսապետի ճառը Սուրբ Երրորդության մասին «Մոսկվայի «Գարաժում» հայ ճարտարապետների կառուցած ամառային կինոթատրոնը շատ զիլ է ստացվել» Թանգարանը կարիք ունի այցելուների, մեր թախիծն է, որ թանգարանը չի գործում նախկին աշխուժությամբ. Ա. Իսահակյանի անվան թանգարանի տնօրեն Ավետիք Իսահակյան․ Թե դեպի կյանքը, թե դեպի մարդիկ Մուշեղ Իշխան․ Տապանագիր ՀՐԱՏԱՐԱԿՈՒԹԵԱՆ ԿԸ ՊԱՏՐԱՍՏՈՒԻ «ԿԱՆՈՆԱԳԻՐՔ ՀԱՅՈՑ»-Ը՝ ՏԻՐԱՅՐ Ծ. ՎՐԴ. ՏԷՐՎԻՇԵԱՆԻ ԱՇԽԱՏԱՍԻՐՈՒԹԵԱՄԲ Ո՞րն է ձեր ընտրությունը Կամերային կենտրոնը կներկայացնի Ռիշար Գալիանոյի մասնակցությամբ «Տարվա եղանակներ» համերգի տեսագրությունը Երևանի Օղակաձև զբոսայգում ուղղվել և ներկայացվել է սխալ տեղադրված վիշապաքարը Ո՞ւմ կամ ինչի՞ վրա հույս դնել Հրաչյա Թամրազյան․ Փոխակերպություն Ռազմիկ Դավոյան. Ինձ էլ աշխարհից մի բան հասավ «Մինչև ե՞րբ պիտի գամված մնաս, ո´վ ծույլ․․․» Սաղմոս ՃԽԲ Հին Թիֆլիսի երգիչը ՀՀ տարածում Հնագիտության և ազգագրության ինստիտուտի արշավախումբը փաստագրել է մոտ 100 վիշապաքար Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է
website by Sargssyan