USD
EUR
RUB

Հրանտ Թոխատյան. «Անընդհատ վարձով ապրելը դժվար է»

 

ԵՐԵՎԱՆ, 14 ՓԵՏՐՎԱՐԻ, Aravot.am: ՀՀ ժողովրդական արտիստ Հրանտ Թոխատյանը նշեց, որ տարիներ շարունակ խոսվել է Կանազի մշակույթի տան մասին, որտեղ պետք է նոր թատրոն ու թատերական դպրոց հիմնադրվի: Նրա խոսքով, իրենք պետք է շարունակեն «Մեա կուլպայի» տիպի ներկայացումները, իսկ այդ ոճի համար բոլորովին այլ դերասաններ եւ մոտեցումներ են անհրաժեշտ:

«Անունը դրեցին կոմերցիոն թատրոն, բայց ես այդ տերմինի հետ համաձայն չեմ, որովհետեւ մինչ օրս ոչ մեկ չի կարողացել ինձ բացատրի, թե ինչ է նշանակում կոմերցիոն թատրոն: Թատրոնը թատրոն է… Մենք որոշեցինք ունենալ մեր բեմը, քանի որ անընդհատ վարձով ապրելը դժվար է»,- ասաց դերասանը: Հավելեց, որ վարձով տարածքի դեպքում իրենց ներկայացումների տոմսերի արժեքը բարձրանում է:

Հրանտ Թոխատյանը հիշեցրեց, որ ծրագիր էին ներկայացրել, որի արժեքը 1 միլիոն դոլար էր կազմում, սակայն, երբ սկսեցին Կանազի մշակույթի տան շենքով զբաղվել, ներդրումային ծրագրի արժեքը աճեց մինչեւ 3,5 միլիոն դոլարին համարժեք դրամ, քանի որ շենքն անմխիթար վիճակում էր: Շեշտեց, որ տանիքը կիսաքանդ է եւ մինչ այժմ 35 «Կամազ» աղբ են հանել տարածքից:

Նա նշեց, որ ունեն հավատացողներ, որոնք պատրաստ են գումար ներդնել մշակույթի եւ կրթության մեջ եւ կանգնել իրենց կողքին: «Շինարարները խոստացել են, որ մեկուկես տարի հետո կունենանք 2 նոր բեմ ու մեր դպրոցը: Ընդ որում, դպրոցը կգործի այս տարվա սեպտեմբերից»,-ասաց Թոխատյանը: Հայտնեց, որ պայմանավորվածություններ ունեն ֆրանսիական կողմի հետ` ի դեմս Սերժ Ավեդիքյանի, որը կմասնակցի դպրոցի աշխատանքներին, Ֆրանսիայից մասնագետների կբերի, պայմանավորվածություններ ունեն նաեւ ՌԴ բուհերի հետ:

Հրանտ Թոխատյանը նշեց, որ պրոդյուսերական կազմը ղեկավարում է Արմեն Համբարձումյանը, դասախոսական կազմը դեր հավաքված չէ: Հավելեց, որ 21-րդ դարի բեմ են ուզում ունենալ` լուսային, ձայնային եւ շարժական հնարավորություններով, ինչը թանկ հաճույք է: Տեղեկացրեց, որ առաջիկայում սպասվում է միանգամից երեք ներկայացում, մեկը` մանկական, մյուսում էլ ինքը բեմ կբարձրանա դստեր` Լիլիթի հետ:

«Պետական գումարներ չեն լինելու, չենք էլ ակնկալում, շատ ուրիշ տեղեր կան, որտեղ պետությունը կարող է ծախսել: Շենքը տրամադրել են, արդեն շնորհակալ ենք»,-ասաց դերասանը` պատասխանելով լրագրողի հարցին: «30 տարուց ավելի Հայաստանի Հանրապետությունում նոր թատրոն չի կառուցվել ու չի ծնվել, այսօր մանկական թատրոն չունենք, իսկ այն ինչ ունենք, չի համապատասխանում կոչմանը»,-ասաց նա ասուլիսի ավարտին:

Գոհար ՀԱԿՈԲՅԱՆ

Լրահոս
Աշխարհի ամենահին թրերից մեկը Մխիթարյան միաբանության թանգարանում է Աշոտ Ավդալյան. Եվ հիմա դրսում անձրևաց տոն է «Ավետարանաբարբառք մասունքները»՝ Երեւանում Սամվել Կարապետյանի հոգեհանգստի արարողությունը տեղի կունենա փետրվարի 29- ին Վահան Տերյան. Էլ չեմ հավատում այդ ջինջ աչքերին Հայաստանի պետական սիմֆոնիկ նվագախումբը ելույթներ կունենա Իսրայելում Մովսես մարգարեի կյանքի տեսարանները հայ և համաշխարհային արվեստում Պատմամշակութային նշանակության շենքը վաճառվել է օֆշորային ընկերության Հայաստանի ներկայացուցիչները մեդալներով են վերադարձել թավջութակահարների միջազգային մրցույթներից Երջա­նիկ հա­մադ­րու­թ­յան մո­հի­կա­նը Արտաքսման կիրակի (Մեծ պահքի Երկրորդ կիրակի) Մարտիրոս Սարյանի ծննդյան օրն է Հովհաննես Գրիգորյան Հենրիկ Էդոյան. Ինչպես երեխան Ռուբեն Բաբայան. Այս ծաղկեփունջը բեմում տեսնելը պետք է լինի պարտադիր Հրաչյա Սարուխան․ Անիմաստ է նստել ժամանակի կառքին, տերևների դեղին հոգեվարքին հասնել Աստծո սերը կենարար է Պահքի նպատակը Ազգային գրադարանը ցերեկույթով տոնեց հասարակական գործիչ Գրիգոր Արծրունու ծննդյան 175-ամյակը Տրդատ Ա-ի ծննդյան 2000-ամյակին ընդառաջ Լեգենդար հետախույզ Գևորգ Վարդանյանի մասին գիրք է հրատարակվել Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն Մարտիրոս Սարյանի 140-ամյակի առթիվ հիմնանորոգվել է հեղինակի «Կոստանդնուպոլսի շները» կտավը Մահացել է հուշարձանագետ Սամվել Կարապետյանը Սուրենյանցն իր ձեռագիրն ունի համաշխարհային կերպարվեստում. փետրվարի 27-ին նշվում է նկարչի 160-ամյակը «Հրաչյա Հովհաննիսյանը երգում էր աչքերը փակ, բոլորովին այլ մեկնաբանությամբ» Կամերային երաժշտության ազգային կենտրոնը կհամալրվի երաժշտական նոր գործիքներով Ամփոփվեց Հայ կոմպոզիտորական արվեստի 11-րդ փառատոնը Լուվրում ավելի քան 1 միլիոն մարդ է այցելել Լեոնարդո դա Վինչիի ցուցահանդես Կարդում է Աշոտ Ավդալյանը․ Այս էլ քանի դար ես հեռանում եմ հայրական տնից Դվին հնավայրում կկառուցվի թանգարան Հայկական ժանյակի բացառիկ նմուշները բրիտանական «Լեյս» ամսագրում Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին Կրկին հարվածում են Եկեղեցուն. չիմացություն, թե՞ դիտավորություն Սոնա Վան․ Մեկ աչքս փակ Սիփան Շիրազ․ Աստղերը պակասեցին Հայրը մեծ է, քան ես (Հովհաննես ԺԴ 28) «Երբ տկար եմ, այն ժամանակ եմ զորավոր» «Մայրամուտից առաջ՝ այս պահին» Աշոտ Ավդալյան. Անձրևների տոն
website by Sargssyan