USD
EUR
RUB

Գրողների միությունը բազմազան միջոցառումներով կտոնի Գիրք նվիրելու օրը

 

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Գիրք նվիրելու տոնի կապակցությամբ Հայաստանի գրողների միության անդամները կայցելեն մայրաքաղաքի և մարզերի դպրոցներ, կհանդիպեն աշակերտների հետ և գրքեր կնվիրեն նրանց:

«Արմենպրես»-ի հաղորդմամբ`այս մասին փետրվարի 17-ին լրագրողների հետ հանդիպմանը տեղեկացրեց Գրողների միության նախագահ Էդվարդ Միլիտոնյանը:

«Արդեն 15 տարի նշում ենք Գիրք նվիրելու օրը: Կարծում եմ`հատկապես ընթերցողական ճգնաժամի հետևանք է այն, որ պետք է մշտապես մտածել, թե ինչ նորություններով, ինչ հետաքրքիր առաջարկներով է հնարավոր աշխուժացնել գրական դաշտը»,-նշեց Միլիտոնյանը:

Անդրադառնալով Գիրք նվիրելու օրը կայանալիք այլ միջոցառումներին` Միլիտոնյանը շեշտեց, որ միության դիմաց և «Պոեզիայի այգում» գրողները գրքեր են նվիրելու անցորդներին, ընթերցումներ են կազմակերպելու, միջոցառումներ են նախատեսվում տաբեր թանգարաններում, գրախանութներում:

«Անձամբ ես այցելելու եմ Դանիել Վարուժանի անվան թիվ 89 հիմնական դպրոց: Հարկ եմ համարում ասել, որ պարբերաբար գրքեր ենք նվիրում սահմանամերձ գյուղերի գրադարաններին: Պետք չէ սպասել, որ քեզ գիրք նվիրեն, առաջնահերթ ինքդ պետք է գիրք նվիրես: Այս գեղեցիկ ավանդույթը պետք է ամրապնդվի ամեն ընտանիքում, և գիրք նվիրելը բարձր արժեք դառնա»,-նշեց նա:

Խոսելով հայ գրականության առաջընթացի մասին` Միլիտոնյանը շեշտեց, որ մենք ունենք դասական և ժամանակակից հարուստ գրականություն, որն ամեն օր տարբեր միջոցառումների և շնորհանդեսների, ընթերցումների շրջանակում փորձում են ներկայացնել և հանրահռչակել: «Ժամանակակից մի շարք գրողներ կան, որոնց գործերը թարգմանվում են տարբեր լեզուներով, հրատարակվում և անգամ վերահրատարակվում են: Օրինակ`Վահագն Գրիգորյանի, Գուրգեն Խանջյանի, Հենրիկ Էդոյանի, Սամվել Կոսյանի, Արտեմ Հարությունյանի, Խաչիկ Մանուկյանի, Էդուարդ Հարենցի և այլ գրողների ստեղծագործությունները: Ե՛վ երիտասարդ, և՛ փորձառու գրողները շատ լավ գործեր են լույս ընծայում և արժանի են ընթերցվելու: Հորդորում եմ չսպասել փետրվարի 19-ին՝ գիրք նվիրելու համար: Թող գիրքը դառնա ամենաթանկ բանը, որը կարելի է նվիրել մեր երեխաներին, մտերիմներին ու հարազատներին»,-եզրափակեց Էդվարդ Միլիտոնյանը:

Լրահոս
Լուսին Աթաբեկյան. Լռությունը՝ արատավոր շրջանի սկիզբ Ներսես Աթաբեկյան․ Ոտքը «Ղազարոսի հարությունը». պատկեր և խորհուրդ Ծաղկազարդի տոնին դուրս կբերվի Աստվածամուխ Սուրբ Գեղարդը Պատերազմ և սպանություն Ինչու Ռյազանովը մերժեց Գուրչենկոյին եւ Անդրեյ Միրոնովին 81 տարեկանում մահացել է «Ain't No Sunshine» հիթի հեղինակ և սոուլի աստղ Բիլ Ուիզերսը Որո՞նք են աշխարհի ամենազարմանահրաշ վայրերը Փոքր դերերի մեծ վարպետը. Ազատ Շերենց մարդու եւ դերասանի հմայքի գաղտնիքը մնացել է դեռ չբացահայտված Արարատ Մկրտումյան․ Ես հասկացա․․․ Վրեժ Սարուխանյան. Խանե Սարգիսը Վրաստանում մահացել է երկրի գլխավոր տաճարի ճարտարապետը «Քայլ առ քայլ». Գրականության և արվեստի թանգարանը հետաքրքիր մրցույթ է իրականացնում առցանց հարթակում Անիրավ դատավորի առակը՝ հավատքով սպասելու օրինակ Դանիել Վարուժան. Օրհնութիւն Պետրոս Դուրյան. Ի դիմավորություն Ամեն․ Հայրիկին Կյանքիս էջերից «Քրիստոսը Գեթսեմանի այգում» դրվագը պատկերների համակարգում Օպերային թատրոնն առցանց կներկայացնի Մոցարտի «Կախարդական սրինգը» Հայաստանի պատմության թանգարանը՝ ԱՊՀ լավագույն 10 թանգարանների ցանկում «Ան­մա՞հ է այն գոր­ծը, ո­րի հա­մար ես մե­ռա…» Թո­՛ւյլ տվեք այդ մա­նուկ­նե­րին և մի՛ ար­գե­լեք, որ նրանք Ինձ մոտ գան, ո­րով­հետև Երկն­քի ար­քա­յութ­յու­նը այդ­պի­սի­նե­րինն է Դեպի հաղթանակ՝ զինված հավատով Ալիսա Կիրակոսյան. Եվ Աստված ... Նոնա Պողոսյան․ Մեկուսացում-Պանդեմիա Բրուքների «Ռեքվիեմ»-ը՝ Ապրիլյանի հերոսների հիշատակին Ամենայն Հայոց Կաթողիկոսն այցելեց «Եռաբլուր» զինվորական պանթեոն (նկարներ) Էդիկ Ղաբուզյանը՝ կորոնավիրուսի, միջազգային մրցույթի մասնակցող ուսանողների եւ չաջակցվող «Գրանշանի» մասին Բանսարկուն խոչընդոտում է մարդու աղոթքին Մարդն ընդամենը խաղազինվո՞ր է Ապրիլի 2-ը Մանկական գրքի միջազգային օրն է Կորոնավիրուսից մահացել է կոմպոզիտոր Ադամ Շլեզինգերը Չինաստանի հսկայական թանգարանը Երջանիկ կարանտին՝ ֆրանսիացիները չեն հանձնվում «Grand Canyon»-ը կորոնավիրուսի պատճառով փակվել է. gazeta.ru Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին
website by Sargssyan