USD
EUR
RUB

Բարեկենդանը Հայաստանում կնշվի մեծ տոնակատարություններով

 

ԵՐԵՎԱՆ, 18 ՓԵՏՐՎԱՐԻ ԱՐՄԵՆՊՐԵՍ: Ուրախություն և զվարճանք խորհրդանշող Բարեկենդանի տոնի շրջանակում Երևանում հետաքրքիր տոնակատարություններ են սպասվում` համերգային ծրագրեր, ցուցահանդես-վաճառք, ազգագրական երգ ու պար:

«Արմենպրես»-ի թղթակցի հետ զրույցում Արարատյան հայրապետական թեմի (ԱՀԹ) առաջնորդանիստ Սուրբ Սարգիս եկեղեցու և ԱՀԹ երիտասարդաց միությունների հոգևոր հովիվ Տեր Պետրոս ավագ քահանա Մայիլյանը շեշտեց, որ Բարեկենդանի տոնը նշվում է փետրվարի 23-ին, իսկ փետրվարի 24-ին սկսվում է Մեծ պահքը:

«Սովորաբար Բարեկենդան է կոչվում շաբաթապահքի և Մեծ պահքի նախընթաց օրը: Բարեկենդանը մարդու երջանկության հիշատակն է, որը դրախտում վայելում էին Ադամն ու Եվան: Այն նաև դրախտային կյանքի օրինակն է, որտեղ մարդուն արտոնված էր ճաշակել բոլոր պտուղները՝ բացի բարու և չարի, գիտության ծառի պտուղից: Ադամն ու Եվան ճաշակեցին այդ պտուղը, ինչի հետևանքով արտաքսվեցին դրախտից: Պահքի ամենամեծ խորհուրդն այն էր, որ արգելված էր պտուղն ուտելը: Մեծ պահքը բաղկացած է յոթ կիրակիից, և Բարեկենդանին հաջորդող կիրակին արտաքսման կիրակին է»,-պատմեց նա:

Տեր Պետրոսի խոսքով` հայ ժողովուրդը հիմնականում Մեծ պահքը զուգորդում է սննդակարգի փոփոխության հետ, այնինչ Մեծ պահքի շրջանում ոչ միայն պետք է հրաժարվել որոշ կերակրատեսակներից, այլև` վատ սովորություններից` շատախոսությունից, հայհոյանքներից, ստից, գողությունից և այլ մեղքերից: «Եթե սննդակարգից հանում ես որոշ կերակրատեսակներ, բայց չես հրաժարվում վատ սովորություններից, ամեն բան անօգուտ է դառնում: Ի տարբերություն Մեծ պահքի, Բարեկենդանին խրախուսվում են խրախճանքները, ուրախությունները: Ժամանակին գյուղերում մեծ տոներ են կազմակերպել: Այդ ամենը վերականգնելու համար մեր թեմի երիտասարդները Երևանի քաղաքապետարանի աջակցությամբ փետրվարի 23-ին ժամը 13:00-ին կհավաքվեն առաջնորդանիստ Սուրբ Սարգիս եկեղեցու մոտ, որտեղ ելույթներ են ունենալու ազգագրական խմբեր, տարբեր վարչական շրջանների մշակույթի կենտրոնների սաներ: Եկեղեցուց շարժվելու ենք դեպի Ազատության հրապարակ, որտեղ մեծ միջոցառում է նախատեսվում»,-տեղեկացրեց Տեր Պետրոսը և հավելեց, որ կանցկացվեն կոխի ցուցադրական մրցաշար, ազգային խաղեր, թատերական ներկայացումներ, ելույթներ կունենան ազգագրական պարային խմբեր, որոնք կներկայացնեն Բարեկենդանին նվիրված ծեսեր:

Տեր Պետրոս ավագ քահանա Մայիլյանն ընդգծեց, որ հանրության մասնակցությունը տոնին մշտապես շատ մեծ է լինում: «Մարդիկ մեծ ոգևորությամբ են մասնակցում Բարեկենդանին, սպասում դրան: Բարեկենդանի տոնակատարությունները ամրապնդվել են հանրության շրջանում: Ժողովուրդը պահանջատեր է դարձել: Մեզ հաճախ են զանգահարում, ճշտում, թե երբ և ինչ միջոցառումներ ենք նախաձեռնելու: Այն իրապես սիրելի տոն է դարձել հանրության համար»,-նշեց Տեր Պետրոսը և բոլորին հրավիրեց մասնակցելու տոնին:

Բարեկենդան նշանակում է բարի կենդանություն: Այն ուրախության ու զվարճանքի օր է, հիշեցնում է Ադամի և Եվայի դրախտային կյանքը, երբ նրանք ապրում էին վայելքի ու անհոգության մեջ:

Նախկինում դրանք հեթանոսական տոնախմբությունների օրեր էին, կատարվում էին փետրվարին կամ մարտի սկզբին: Տոնը, հավանաբար, կապ ուներ գարնան սկսվելու հետ: Եվ պատահական չէին զվարճությունները, որոնք արթնացող բնությանն ուրախ դիմավորելու, մարդկանց վերակենդանացնելու խորհուրդ ունեին: Մարդիկ միմյանց մաղթում էին բարի կենդանություն: Հետագայում քրիստոնեությունը հարմարեցրեց իրեն և դարձրեց Մեծ պահքի նախորդող շաբաթվա տոն, որը նշվում էր կերուխումով, մասսայական խաղերով, մրցումներով, թատերախաղերով, պարերով և այլն: Այն տևում էր երկու շաբաթ՝ անմիջականորեն հաջորդելով Ս. Սարգսի տոնին և ավարտվելով Մեծ պասով: Մեծ պահքին նախորդող կիրակին Բուն բարեկենդանի օրն էր: Պահքի կարևոր լինելը մարդկանց ցույց է տվել Քրիստոսը: Նա անապատում 40 օր է անցկացրել: Մարդիկ Հիսուս Քրիստոսի օրինակով են պահում Մեծ պահքը: Մեծ պահքի 40 օրերին գումարվել են նաև Զատկին նախորդող 9 օրերը, և այն տևում է 49 օր: Մեծ պահքն ավարտվում է Զատկի` Հիսուս Քրիստոսի Հարության տոնով:

Լրահոս
Լուսին Աթաբեկյան. Լռությունը՝ արատավոր շրջանի սկիզբ Ներսես Աթաբեկյան․ Ոտքը «Ղազարոսի հարությունը». պատկեր և խորհուրդ Ծաղկազարդի տոնին դուրս կբերվի Աստվածամուխ Սուրբ Գեղարդը Պատերազմ և սպանություն Ինչու Ռյազանովը մերժեց Գուրչենկոյին եւ Անդրեյ Միրոնովին 81 տարեկանում մահացել է «Ain't No Sunshine» հիթի հեղինակ և սոուլի աստղ Բիլ Ուիզերսը Որո՞նք են աշխարհի ամենազարմանահրաշ վայրերը Փոքր դերերի մեծ վարպետը. Ազատ Շերենց մարդու եւ դերասանի հմայքի գաղտնիքը մնացել է դեռ չբացահայտված Արարատ Մկրտումյան․ Ես հասկացա․․․ Վրեժ Սարուխանյան. Խանե Սարգիսը Վրաստանում մահացել է երկրի գլխավոր տաճարի ճարտարապետը «Քայլ առ քայլ». Գրականության և արվեստի թանգարանը հետաքրքիր մրցույթ է իրականացնում առցանց հարթակում Անիրավ դատավորի առակը՝ հավատքով սպասելու օրինակ Դանիել Վարուժան. Օրհնութիւն Պետրոս Դուրյան. Ի դիմավորություն Ամեն․ Հայրիկին Կյանքիս էջերից «Քրիստոսը Գեթսեմանի այգում» դրվագը պատկերների համակարգում Օպերային թատրոնն առցանց կներկայացնի Մոցարտի «Կախարդական սրինգը» Հայաստանի պատմության թանգարանը՝ ԱՊՀ լավագույն 10 թանգարանների ցանկում «Ան­մա՞հ է այն գոր­ծը, ո­րի հա­մար ես մե­ռա…» Թո­՛ւյլ տվեք այդ մա­նուկ­նե­րին և մի՛ ար­գե­լեք, որ նրանք Ինձ մոտ գան, ո­րով­հետև Երկն­քի ար­քա­յութ­յու­նը այդ­պի­սի­նե­րինն է Դեպի հաղթանակ՝ զինված հավատով Ալիսա Կիրակոսյան. Եվ Աստված ... Նոնա Պողոսյան․ Մեկուսացում-Պանդեմիա Բրուքների «Ռեքվիեմ»-ը՝ Ապրիլյանի հերոսների հիշատակին Ամենայն Հայոց Կաթողիկոսն այցելեց «Եռաբլուր» զինվորական պանթեոն (նկարներ) Էդիկ Ղաբուզյանը՝ կորոնավիրուսի, միջազգային մրցույթի մասնակցող ուսանողների եւ չաջակցվող «Գրանշանի» մասին Բանսարկուն խոչընդոտում է մարդու աղոթքին Մարդն ընդամենը խաղազինվո՞ր է Ապրիլի 2-ը Մանկական գրքի միջազգային օրն է Կորոնավիրուսից մահացել է կոմպոզիտոր Ադամ Շլեզինգերը Չինաստանի հսկայական թանգարանը Երջանիկ կարանտին՝ ֆրանսիացիները չեն հանձնվում «Grand Canyon»-ը կորոնավիրուսի պատճառով փակվել է. gazeta.ru Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին
website by Sargssyan