USD
EUR
RUB

Թումանյանի թանգարանը հետաքրքիր նախաձեռնություններով տոնեց գրողի 151- ամյակը

 

ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Ամենայն հայոց բանաստեղծ Հովհաննես Թումանյանի ծննդյան օրը` փետրվարի 19-ին, Երևանում գրողի թանգարանը կազմակերպեց և իրականացրեց «Թումանյանի կենացը» ավանդական հյուրասիրություն և խաղ-մրցույթը, թանգարանն իր հրատարակած գրքերը վաճառեց հատուկ գնացուցակով, ներկայացրեց «Ընտանեկան փոստարկղ» կրթական ծրագիրը:

Թանգարանում տեղի ունեցան «Սիրունի՜կ, սիրունի՜կ» և «Ձեր ծանոթները» մանկական բանաստեղծությունների գունազարդ գրքի շնորհանդեսները:

«Արմենպրես»-ի հաղորդմամբ` թանգարանի տնօրեն Անի Եղիազարյանն ասաց, որ հայ իրականության մեջ Թումանյանի հանրահռչակման գործառույթը շատ կարևոր է:

«Նրան անհրաժեշտ է նորովի ներկայացնել: Վերջին տարիներին թանգարանն ամեն կերպ փորձում է Թումանյանին ճանաչելի դարձնել տարբեր տեսանկյուններից, որպես բացառիկ հասարակական, պետական գործչի: Պետք է ներկայացնել նրա հրապարակախոսական հոդվածները, որոնք պակաս գեղարվեստական չեն»,-նշեց Եղիազարյանը:

Նրա խոսքով` համաշխարհային դաշտում Թումանյանին պատշաճ ներկայացնելու համար կարևորագույն օղակ է որակյալ թարգմանությունը: «Թումանյանը լավ գիտեր, թե ինչ բարդ աշխատանք է դա, և երբ համաշխարհային գործերն էր թարգմանում, ուսումնասիրում էր նրանց կյանքի ամենափոքր դրվագն անգամ, հեղինակի հոգեկերտվածքը հասկանալու համար»,-ասաց թանգարանի տնօրենը:

Եղիազարյանը փաստեց, որ օտար լեզուներով հատկապես շատ են թարգմանվել Հովհաննես Թումանյանի հեքիաթները և ժամանակն է, որ լրջորեն թարգմանվեն Թումանյանի բանաստեղծությունները և խոհափիլիսոփայական գործերը` քառյակները:

Գրողի թանգարանը փորձել է աջակցել նման գործերի թարգմանությանը: Բարձրակարգ թարգմանությամբ արաբերեն, ֆրանսերեն և անգլերեն են ներկայացվել Թումանյանի քառյակներն ու բանաստեղծությունները: «Այս շարքը պետք է շարունակական լինի, որովհետև ինչպես Թումանյանն էր ասում` քառյակները հոգու շտրիխներն են: Դրանցում կարող ենք գտնել Թումանյանին նրա կյանքի վերջին տարիների խոհափիլիսոփայական բարձր մղումներով»,-եզրափակեց Անի Եղիազարյանը:

Լրահոս
Լուսին Աթաբեկյան. Լռությունը՝ արատավոր շրջանի սկիզբ Ներսես Աթաբեկյան․ Ոտքը «Ղազարոսի հարությունը». պատկեր և խորհուրդ Ծաղկազարդի տոնին դուրս կբերվի Աստվածամուխ Սուրբ Գեղարդը Պատերազմ և սպանություն Ինչու Ռյազանովը մերժեց Գուրչենկոյին եւ Անդրեյ Միրոնովին 81 տարեկանում մահացել է «Ain't No Sunshine» հիթի հեղինակ և սոուլի աստղ Բիլ Ուիզերսը Որո՞նք են աշխարհի ամենազարմանահրաշ վայրերը Փոքր դերերի մեծ վարպետը. Ազատ Շերենց մարդու եւ դերասանի հմայքի գաղտնիքը մնացել է դեռ չբացահայտված Արարատ Մկրտումյան․ Ես հասկացա․․․ Վրեժ Սարուխանյան. Խանե Սարգիսը Վրաստանում մահացել է երկրի գլխավոր տաճարի ճարտարապետը «Քայլ առ քայլ». Գրականության և արվեստի թանգարանը հետաքրքիր մրցույթ է իրականացնում առցանց հարթակում Անիրավ դատավորի առակը՝ հավատքով սպասելու օրինակ Դանիել Վարուժան. Օրհնութիւն Պետրոս Դուրյան. Ի դիմավորություն Ամեն․ Հայրիկին Կյանքիս էջերից «Քրիստոսը Գեթսեմանի այգում» դրվագը պատկերների համակարգում Օպերային թատրոնն առցանց կներկայացնի Մոցարտի «Կախարդական սրինգը» Հայաստանի պատմության թանգարանը՝ ԱՊՀ լավագույն 10 թանգարանների ցանկում «Ան­մա՞հ է այն գոր­ծը, ո­րի հա­մար ես մե­ռա…» Թո­՛ւյլ տվեք այդ մա­նուկ­նե­րին և մի՛ ար­գե­լեք, որ նրանք Ինձ մոտ գան, ո­րով­հետև Երկն­քի ար­քա­յութ­յու­նը այդ­պի­սի­նե­րինն է Դեպի հաղթանակ՝ զինված հավատով Ալիսա Կիրակոսյան. Եվ Աստված ... Նոնա Պողոսյան․ Մեկուսացում-Պանդեմիա Բրուքների «Ռեքվիեմ»-ը՝ Ապրիլյանի հերոսների հիշատակին Ամենայն Հայոց Կաթողիկոսն այցելեց «Եռաբլուր» զինվորական պանթեոն (նկարներ) Էդիկ Ղաբուզյանը՝ կորոնավիրուսի, միջազգային մրցույթի մասնակցող ուսանողների եւ չաջակցվող «Գրանշանի» մասին Բանսարկուն խոչընդոտում է մարդու աղոթքին Մարդն ընդամենը խաղազինվո՞ր է Ապրիլի 2-ը Մանկական գրքի միջազգային օրն է Կորոնավիրուսից մահացել է կոմպոզիտոր Ադամ Շլեզինգերը Չինաստանի հսկայական թանգարանը Երջանիկ կարանտին՝ ֆրանսիացիները չեն հանձնվում «Grand Canyon»-ը կորոնավիրուսի պատճառով փակվել է. gazeta.ru Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին
website by Sargssyan