USD
EUR
RUB

Ֆիլհարմոնիկ նվագախումբը 2020-ի առաջին համերգին կհնչեցնի Բեթհովենի, Մոցարտի և Նիլսենի գործերը

 

ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Հայաստանի ազգային ֆիլհարմոնիկ նվագախումբը 2020 թվականի առաջին համերգին կատարելու է Բեթհովենի 5-րդ սիմֆոնիան, Նիլսենի «Դիմակահանդես» նախերգանքը, որը հայաստանյան պրեմիերա է, և Մոցարտի Դաշնամուրի թիվ 17 կոնցերտը: Որպես մենակատար հանդես է գալու դաշնակահար Անդրեաս Ֆրյոլիխը: Համերգը ղեկավարելու է «Գրեմմի»-ի մրցանակակիր, բեթհովենյան երաժշտության գիտակ Ջոն Նելսոնը:

«Արմենպրես»-ի հաղորդմամբ` երեկոն տեղի կունենա փետրվարի 21-ին Արման Խաչատրյան համերգասրահում:

Փետրվարի 20-ին լրագրողների հետ հանդիպմանը ՀԱՖՆ գեղարվեստական ղեկավար և գլխավոր դիրիժոր Էդուարդ Թոփչյանն ասաց, որ Ջոն Նելսոնը մեր ժամանակների լավագույն դիրիժորներից մեկն է, հանդես է եկել Իսպանիայի և Լոնդոնի բոլոր նվագախմբերի հետ: 2009 թվականին Հայաստանում ելույթ է ունեցել ՀԱՖՆ-ի և երեք երգչախմբի հետ: «Ունկնդիրը Նելսոնին շատ է սիրել: Իսկ Գերմանիայից ժամանած դաշնակահար Անդրեաս Ֆրյոլիխը Մոցարտի ստեղծագործությունների փայլուն մեկնաբանող է: Ամեն անգամ, երբ գալիս է Հայաստան և ցանկանում է այլ կոմպոզիտորի գործեր նվագել, ես հորդորում եմ կրկին Մոցարտ կատարել»,-շեշտեց Թոփչյանը:

Ջոն Նելսոնն էլ խոստովանեց, որ հպարտանում է Հայաստանի ազգային ֆիլհարմոնիկ նվագախմբով: «Եթե կարողանում ես ճիշտ ներկայացնել Բեթհովենի հինգերորդ սիմֆոնիան, որը շատ դժվար է, ուրեմն հաջողել ես: Բեթհովենը բարդ մարդ էր, ագրեսիվ, չէր հարմարվում հասարակությանը: Այդ ամենն արտացոլվել է նրա հինգերորդ սիմֆոնիայում: Հրաշալի է, որ նվագախումբը կարողանում է ֆանտաստիկ մեկնաբանել այդ ստեղծագործությունը»,-ասաց դիրիժորը:

Նելսոնը 11 տարի առաջ է եղել Հայաստանում: Նա հավաստիացրեց, որ Ֆիլհարմոնիկ նվագախումբը տարիների ընթացքում շատ մեծ առաջընթաց է ապրել, ինչի կապակցությամբ շնորհավորում է Թոփչյանին:

Անդրեաս Ֆրյոլիխն էլ նշեց` արդեն իսկ պատիվ է ունեցել աշխատել Թոփչյանի հետ, իսկ այժմ պատիվ ունի համագործակցել մեկ այլ ականավոր կոմպոզիտորի` Ջոն Նելսոնի հետ: «Մենք առաջին անգամ ենք միասին ներկայանալու, բայց տպավորություն է, որ երկար տարիներ ենք համատեղ ելույթ ունենում»,-ասաց դաշնակահարը:

Անդրադառնալով Բեթհովենին` Ֆրյոլիխը պատմեց, որ ապրում է Բեթհովենի ծննդավայրում` Բոնում, և մեծացել է նրա երաժշտության ներքո: Ըստ երաժշտի` Բեթհովենի ստեղծագործությունները մարդկությանն ավելի բարի են դարձնում, և նրա գործերի առանձնահատկությունն այն է, որ կոմպոզիտորը մշտապես կոտրում էր երաժշտության մասին կարծրատիպերը, խախտում կանոնները, նաև հումորի հրաշալի զգացում ուներ:

2020 թվականը կնշանավորվի Հայաստանի ազգային ֆիլհարմոնիկ նվագախմբի 95-ամյա և Բեթհովենի 250-ամյա հոբելյանների տոնակատարություններով: Այդ կապակցությամբ նվագախումբը կիրականացնի «Ուխտագնացություն դեպի Բեթհովեն» փառատոնը:

Լրահոս
Լուսին Աթաբեկյան. Լռությունը՝ արատավոր շրջանի սկիզբ Ներսես Աթաբեկյան․ Ոտքը «Ղազարոսի հարությունը». պատկեր և խորհուրդ Ծաղկազարդի տոնին դուրս կբերվի Աստվածամուխ Սուրբ Գեղարդը Պատերազմ և սպանություն Ինչու Ռյազանովը մերժեց Գուրչենկոյին եւ Անդրեյ Միրոնովին 81 տարեկանում մահացել է «Ain't No Sunshine» հիթի հեղինակ և սոուլի աստղ Բիլ Ուիզերսը Որո՞նք են աշխարհի ամենազարմանահրաշ վայրերը Փոքր դերերի մեծ վարպետը. Ազատ Շերենց մարդու եւ դերասանի հմայքի գաղտնիքը մնացել է դեռ չբացահայտված Արարատ Մկրտումյան․ Ես հասկացա․․․ Վրեժ Սարուխանյան. Խանե Սարգիսը Վրաստանում մահացել է երկրի գլխավոր տաճարի ճարտարապետը «Քայլ առ քայլ». Գրականության և արվեստի թանգարանը հետաքրքիր մրցույթ է իրականացնում առցանց հարթակում Անիրավ դատավորի առակը՝ հավատքով սպասելու օրինակ Դանիել Վարուժան. Օրհնութիւն Պետրոս Դուրյան. Ի դիմավորություն Ամեն․ Հայրիկին Կյանքիս էջերից «Քրիստոսը Գեթսեմանի այգում» դրվագը պատկերների համակարգում Օպերային թատրոնն առցանց կներկայացնի Մոցարտի «Կախարդական սրինգը» Հայաստանի պատմության թանգարանը՝ ԱՊՀ լավագույն 10 թանգարանների ցանկում «Ան­մա՞հ է այն գոր­ծը, ո­րի հա­մար ես մե­ռա…» Թո­՛ւյլ տվեք այդ մա­նուկ­նե­րին և մի՛ ար­գե­լեք, որ նրանք Ինձ մոտ գան, ո­րով­հետև Երկն­քի ար­քա­յութ­յու­նը այդ­պի­սի­նե­րինն է Դեպի հաղթանակ՝ զինված հավատով Ալիսա Կիրակոսյան. Եվ Աստված ... Նոնա Պողոսյան․ Մեկուսացում-Պանդեմիա Բրուքների «Ռեքվիեմ»-ը՝ Ապրիլյանի հերոսների հիշատակին Ամենայն Հայոց Կաթողիկոսն այցելեց «Եռաբլուր» զինվորական պանթեոն (նկարներ) Էդիկ Ղաբուզյանը՝ կորոնավիրուսի, միջազգային մրցույթի մասնակցող ուսանողների եւ չաջակցվող «Գրանշանի» մասին Բանսարկուն խոչընդոտում է մարդու աղոթքին Մարդն ընդամենը խաղազինվո՞ր է Ապրիլի 2-ը Մանկական գրքի միջազգային օրն է Կորոնավիրուսից մահացել է կոմպոզիտոր Ադամ Շլեզինգերը Չինաստանի հսկայական թանգարանը Երջանիկ կարանտին՝ ֆրանսիացիները չեն հանձնվում «Grand Canyon»-ը կորոնավիրուսի պատճառով փակվել է. gazeta.ru Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին
website by Sargssyan