USD
EUR
RUB

Սիրո խոստովանություն Թումանյանին. Ռուսական թատրոնում բեմ կբարձրանա «Քաջ Նազար» ներկայացումը

 

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հովհաննես Թումանյանի սիրված հեքիաթներից մեկը` «Քաջ Նազար»-ը, հետաքրքիր մոտեցմամբ ու մեկնաբանությամբ ներկայացվելու է Կ. Ս. Ստանիսլավսկու անվան ռուսական դրամատիկական թատրոնում: Առաջնախաղերը նախատեսվում են փետրվարի 28-29-ին:

«Արմենպրես»-ի հաղորդմամբ`փետրվարի 21-ին լրագրողների հետ հանդիպմանը թատրոնի գեղարվեստական ղեկավար, «Քաջ Նազար»-ի բեմադրիչ Կարեն Ներսիսյանն ասաց, որ այժմ ներկայացումը վերջնական տեսքի բերելու գործընթացում է: «Մեծագույն հաճույքով ենք փորձերին մասնակցում և՛ ես, և՛ դերասանները: Իրապես երջանկություն է աշխատել թումանյանական նյութի հետ: Ներկայացումը շատ ուրախ է, տոնական: Երբ նոր էինք սկսել փորձերը, մտածում էինք ներկայացումը փոքրիկների՞ համար է լինելու, թե՞ մեծահասակների: Եկանք այն եզրակացության, որ «Քաջ Նազար»-ն այնքան էլ հեքիաթ չէ. դա շատ լուրջ փիլիսոփայական ասք է: Երբեմն բեմադրություն անելիս ինքդ քեզ հարց ես տալիս, թե ինչն է կարելի, ինչը ոչ: Իսկ Թումանյանն ասում է`արա ինչ ուզում ես` երգիր, պարիր, սիրիր»,- պատմեց Կարեն Ներսիսյանը:

Նրա խոսքով`ներկայացումը սիրո խոստովանություն է Թումանյանին և թատրոնին:

Անդրադառնալով բեմանկարիչ և հագուստների մոդելավորող Անդրեյ Զապորոժսկուն՝ Ներսիսյանը շեշտեց, որ ռուսական տարբեր թատրոններում Անդրեյի հետ մի շարք ներկայացումներ են բեմադրել:

Անդրեյ Զապորոժսկին օգոստոսին է եղել Հայաստանում և հաճույքով է աշխատում մեր երկրում: «Բոլորը միմյանց հասկացել են: Հիմա փորձերն անում ենք դեկորացիաներով, զգեստներով: Ամեն ինչ ընթանում է այնպես, ինչպես նախատեսել էինք»,- ասաց բեմանկարիչը:

«Քաջ Նազար»-ից բացի, Ռուսական թատրոնն առաջիկայում թատերասերների դատին կհանձնի «Վարշավյան մեղեդի»-ն, որի ռեժիսորը Դիանա Բաբայանն է, Ներսիսյանն աշխատելու է Չեխովի «Բալի այգի» ներկայացման վրա, իսկ փոքր բեմում Մանվել Խաչատրյանը բեմադրելու է Դոստոևսկու «Խեղճ մարդիկ»-ը:

Թատրոնի տնօրեն Մարիաննա Մխիթարյանը հրաշալի է համարում այն, որ թատրոններն ունեն հովանավորներ, աջակիցներ, բայց վերջին շրջանում ռուսական թատրոնում բեմադրված բոլոր ներկայացումները իրականացվել են սեփական ուժերով և հնարավորություններով:

Խոսելով հյուրախաղերի մասին`Մխիթարյանն ասաց, որ արտերկրի ելույթներից զատ կարևոր են շրջագայությունները Հայաստանում: Թատրոնը հանդես է գալու Գյումրիում, Սյունիքի մարզում և այլուր: Այդ կապակցությամբ բանակցություններ են ընթանում:

Ռուսական թատրոնը «Ռոմեո և Ջուլիետ» ներկայացմամբ մասնակցելու է Սարանսկի թատերական փառատոնին, իսկ հոկտեմբերին «Օնեգին» բեմադրությամբ հանդես կգա Մինսկի «Բելայա Վեժա» թատերական փառատոնին:

Լրահոս
Արարատ Մկրտումյան. Չէ, ինչու հարբած Աշոտ Ավդալյան. Եվ երգն էր ծաղիկ Հրաչյա Սարուխան. Մելամաղձոտ քաղաք Իմ Հայաստան Կանադայում նկարահանել են առաջին ֆիլմը կորոնավիրուսի մասին Առանց սիրո... Բագրատ Սրբազանի ուղերձը սահմանագոտու լարվածության առիթով Խաչատուր Աբովյանի տուն-թանգարանը հորդորում է մնալ տանն ու Աբովյան ընթերցել Մահացել է «Պոկրովյան դարպասներ» պիեսի հեղինակ, դրամատուրգ Լեոնիդ Զորինը Տրետյակովյան պատկերասրահն առաջին անգամ ներկայացրել է ցուցահանդեսների ֆոտոարխիվը Ի՞նչ կապ ուներ Գագարինը Ելիզավետա թագուհու, Ջինա Լոլոբրիջիդայի եւ Պիեխայի հետ Կյանքից հեռացել է օպերային թատրոնի երգչախմբի երգչուհի Աննա Սարդարյանը Եկեղեցին և պետությունը Խորեն Աբրահամյանի ծննդյան օրն է Սիլվա Կապուտիկյան․ Քեզ, հայ հոգի Կրասնոդարի օդանավակայանում բացվել է Հաղթանակի 75-ամյակի ցուցահանդեսը Դանիել Վարուժան․ Ալիշանի շիրմին առջև «Ան­մա՞հ է այն գոր­ծը, ո­րի հա­մար ես մե­ռա» Աղանդ­նե­րը ա­նօ­րեն ու ան­բա­րո նկա­րա­գիր ու­նեն 3 հայտնի նկարներ և դրանց ստեղծման հիմքում ընկած պատմությունները Ալ. Սպենդիարյանի տուն թանգարանը «Պատառիկներ նամակներից» շարքով նորովի է բացահայտում կոմպոզիտորին Մարդուն շնորհված մեծագույն բացահայտումը Բանքսիի աշխատանքը հաջողությամբ վաճառվել են աճուրդում Հատուկ չվերթ՝ Կալկաթայի Հայոց Մարդասիրական ճեմարանի սաներին ու ուսուցիչներին Հայաստան տեղափոխելու համար Ամերիկացի ուսանողների՝ Հայաստան ճանապարհորդության մասին սերիալը հավակնում է «Էմմիի» Համո Սահյան․ Երեխայի պես Վիլյամ Սարոյան. «Աղոթք» Ռազմիկ Դավոյան․ Վիլյամ Սարոյանին Դանիել Վարուժան. Երնում Ցավակցագիր Պատրիկ Դևեջյանի մահվան կապակցությամբ «Դժվար է պատկերացնել աշխարհն առանց նրա» Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին Չարենցի տուն-թանգարանը գրողի հոբելյանին ընդառաջ կազմակերպում է գրական- ստեղծագործական մրցույթ Սաղմոս ՃԻԵ Միկրոսկոպիկ մի բացիլ ծնկի բերեց ողջ մարդկությանը. Ոչ թե Արարիչն է պատժել, այլ մենք ենք մեզ պատժել Մահացել է Հայաստանի բարեկամ կոմպոզիտոր Քշիշտոֆ Պենդերեցկին Պատմություն սիրո և վարակի. Դավիթ Սամվելյանի «Զգուշացեք, դռները չեն փակվում» վիպակը Ալիսա Կիրակոսյան. Քո աչքերի հետ Գուրգեն Մահարի. Հրաժեշտ Հպանցիկություն
website by Sargssyan